A A A

Valmynd

Fréttir

Skólastarf

Pokastöđin Strandir

Andrea Kristín Jónsdóttir | 25. október 2017

Í gær, mánudaginn 23. okt, var verkefnið „Pokastöðin Strandir“ formlega sett á laggirnar. Þá var kynning á verkefninu og fyrsti saumahittingur í Hnyðju á Hólmavík. Alls mættu 21 aðili á öllum aldri til að leggja verkefninu lið. Hluti af umhverfisnefnd Grunnskólans á Hólmavík lagði fram starfskrafta sína en grunnskólinn ýtti verkefninu úr vör sl. vor með því að sauma og hnýta 75 fjölnotapoka úr stuttermabolum. Þeir pokar fóru allir í Kaupfélag Steingrímsfjarðar á Hólmavík. Í gær var lögð áhersla á að sauma gegnsæja poka fyrir grænmeti og ávexti og breyttist Hnyðja í sannkallaða saumaverksmiðju þar sem samtals voru kláraðir 203 pokar, merktir logo verkefnisins Boomerang – Pokastöðin Strandir.

Pokastöðin Strandir er samfélagsverkefni um gerð fjölnotapoka sem almenningur getur fengið lánaða í staðinn fyrir að kaupa sér plastpoka. Sveitarfélög á Vestfjörðum eru að byrja með verkefni um pokastöðvar sem er að ástralskri fyrirmynd Boomerang Bags sem er fjölþjóðlegt sjálfboðaliðaverkefni. Pokastöðvarnar tengjast verkefninu Plastpokalausir Vestfirðir, sem er eitt af verkefnum Umhverfisvottunar Vestfjarða.

Pokarnir verða settir á merktar pokastöðvar sem verða fyrst í Kaupfélaginu á Hólmavík og Drangsnesi og í Héraðsbókasafni Strandasýslu. Áætlað er koma upp fleiri Pokastöðvum, í Árneshreppi og á fleiri þjónustustofnunum sem í dag nýta plastpoka.

Áætlað er að hittast að jafnaði einu sinni í mánuði og sauma poka. Næsti hittingur verður mánudaginn 20. Nóvember.

Könnun

Facebook

Atburđadagatal

« Nóvember 2017 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir

Vefumsjón