A A A

Valmynd

Fréttir

Skólastarf

Hörmungin nálgast

Esther Ösp Valdimarsdóttir | 05. febrúar 2015
Febrúarmánuður er genginn í garð með allri sinni ömurð. Flestir eru búnir að taka niður jólaskrautið, sem er sorglegt, aðrir hafa ekki nennt því, sem er enn sorglegra. Vindurinn gnauðar og snjórinn kemur og fer til skiptis með tilheyrandi svellbunkum og ófærð. Það er dimmt og kalt. Þorrablótið er búið og langt er í Góu. Visareinkingar jólanna eru komnir, Lífshlaupið er byrjað og hreystikempur hoppa froskahopp í skelfilegri febrúarkeppni.

En þetta er allt í lagi, það styttist í Hörmungardaga. Hörmungardagar kóróna allan viðbjóðinn helgina 20.-22. febrúar og gefa okkur öllum, heimafólki og gestum, tækifæri til að að njóta vetrardrungans, neikvæðninnar og leiðans í sameiningu. Hörmungin á sér margar hliðar, hægt er að nýta tækifærið til að bjóða upp á viðburði sem jafnvel verða leiðinlegir, það gerir ekkert til, en oft er hægt að hafa gaman að myrkum elementum menningarinnar, finna saman lausnina á hræðilegum málum eða gráta saman yfir því sem er gjörsamlega ómögulegt.

Á Hörmungardögum verður boðið upp á leikhús, málþing, kökur, heimalærdóm, hryllingsmyndir, pub-quiz, mat og fyrirlestur svo eitthvað sé nefnt. Enn gefst rými til að bæta við viðburðum og eru fjölbreyttar nálganir við þemað sérstaklega vel þegnar. Áhugasömum um að taka þátt er bent á að hafa samband við Esther Ösp (tomstundafulltrui@strandabyggd.is) en hún tekur skelfilega vel í flestar hugmyndir heimafólks og ferðalanga. Mikilvægt er að allir viðburðir berist fyrir 12. febrúar næstkomandi en þá verður lokið við dagskránna.

Könnun

Facebook

Atburđadagatal

« Júlí 2017 »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir

Vefumsjón