A A A

Valmynd

Fréttir

Skólastarf

Baskneskir tónleikar í Djúpavík - kynning á Baskasetri

Salbjörg Engilbertsdóttir | 16. ágúst 2023
Habia trio
Habia trio
« 1 af 2 »

 

Í Djúpavík verður miðvikudaginn 23. ágúst kynningarviðburður Baskaseturs: tónleikar tveggja hljómsveita frá Baskahéruðum Frakklands: HABIA tríóið og Txalaparta dúóið flytja baskneska tónlist í gömlu síldarverksmiðjunni í Djúpavík miðvikudaginn 23. ágúst kl. 13.00.  Denis Laborde hjá Haizebegi hátíðinni í Bayonne flytur erindi um baskneska tónlist á ensku. Elfar Logi Hannesson leikles á ensku hluta úr leikriti eftir Tapio Koivukari um Ariasman sem verður frumsýnt á næsta ári. Kynntur verður fyrsti áfanginn að Baskasetri þar sem smiðir frá Albaola á Spáni leiðbeina við að smíða baskneskan léttabát, "txalupa". Grunnskólanemar frá Hólmavík og Drangsnesi koma að uppsetningu á verkstæði í gerð hljóðfæra úr rusli. Leikið verður á "txalaparta", ásláttarhljóðfæri, sem verður gert á staðnum.

Baskasetur er samstarfsverkefni Baskavinafélagsins, Háskólaseturs Vestfjarða, Albaola á Spáni, Haizebegi í Frakklandi og Hótels Djúpavíkur sem hýsir væntanlegt Baskasetur. Verkefnið hlaut styrki frá Creative Europe, Brothættum byggðum á vegum Byggðastofnunar og Uppbyggingarsjóði Vestfjarða.

Nánar hér:

https://www.facebook.com/profile.php?id=100092585373577

Könnun

Facebook

Atburđadagatal

Nćstu atburđir

Vefumsjón