Atvinnuþróunarfélag Vestfjarða leitar að verkefnastjóra sem gæti hafið störf sem fyrst á skrifstofu félagsins á Hólmavík.  Um er að ræða 100% starf  og er ráðningartíminn til loka ágúst 2016.  Möguleiki er á framlengingu ráðningarsamningsins fyrir réttan aðila.

Helstu verkefni

• Viðskiptaráðgjöf til frumkvöðla, fyrirtækja og sveitarfélaga
• Verkefnastýring á fjölbreyttum þróunarverkefnum
• Greiningarvinna á svæðisbundnum aðstæðum á Ströndum og Reykhólum
• Bakvinnsla fyrir viðskiptagreiningar og greiningar á tækifærum fyrir alla Vestfirði
• Þátttaka í stærri þróunarverkefnum sem ná yfir Vestfirði
• Önnur almenn nýsköpunar- og þróunarverkefni

Hæfniskröfur

• Háskólamenntun sem nýtist í starfi
• Umburðarlyndi fyrir sveigjanlegu starfsumhverfi og fjölbreyttum verkefnum
• Góð samskiptahæfni
• Sjálfstæði í vinnubrögðum
• Lausnamiðun í starfi

Atvest er…

Fjölskylduvænn vinnustaður og lögð er áhersla á vel starfandi liðsheild. Hjá félaginu starfa 6 verkefnastjórar sem öll hafa sérhæfða þekkingu og talsverða reynslu í atvinnuþróunarverkefnum. 

Atvest vinnur í krefjandi starfsumhverfi þar sem stærstu hagsmunaðilar eru atvinnulíf og sveitarfélög svæðisins.  Markmið Atvest er að vinna að verðmætasköpun í gegnum fjölbreytt atvinnuþróunarverkefni sem styrkja atvinnulíf svæðisins.

Umsókn

Nánari upplýsingar veitir framkvæmdastjóri félagsins Shiran Þórisson, shiran@atvest.is.  Sendið umsóknir á tölvupósti. Umsóknum skal fylgja starfsferilskrá.  Umsóknarfrestur er til og með 16. júní og stefnt er að því að svara umsóknum fyrir lok júní mánaðar.