Fundur var haldinn í fræðslunefnd fimmtudaginn 9. september kl. 17.00 í Hnyðju. Eftirtaldir nefndarmenn mættu: Sigríður Guðbjörg Jónsdóttir, Guðfinna Lára Hávarðardóttir og Vignir Rúnar Vignisson.

Fulltrúar skólans mættu kl. 17:00 en það eru Hrafnhildur Guðbjörnsdóttir skólastjóri og Hrafnhildur Þorsteinsdóttir verkefnastjóri sérkennslu. Fulltrúi ungmennaráðs Jóhanna Rannveig Jansdóttir mætti einnig kl. 17.00

Dagskrá
1. Starfsáætlun 2021-2022
Skólastjóri kynnir starfsáætlunina og fer yfir breytingar frá síðustu áætlun. Nefndin samþykkir áætlunina.

2. Sérkennslumál
Verkefnastjóri sérkennslu kynnir sérkennsluna og hvernig hún hefur þróast við sameiningu skólanna. Sérkennsluteymi vinnur þvert á skólastig, einn starfsmaður er staðsettur í leikskóla og teymisfundir eru vikulega. Rætt um skólahjúkrunarfræðing og mikilvægi þess að hafa hjúkrunarfræðing í nemendarverndarráði og ráðgjöf fyrir teymið. Auk þess sinnir skólahjúkrunarfræðingur mikilvægri fræðslu innan skólanna sem vont er að missa niður.

3. Fjárhagsáætlun undirbúningur
Nefndin leggur áherslu á að nægjanlegu fjármagni sé veitt í framkvæmdir til að hægt sé að vinna þær að fullu en ekki að hluta til sem endar með hærri kostnaði þegar upp er staðið.

Lóð leikskólans þarfnast endurnýjunar og mikilvægt að klára að framkvæma eftir hönnun sem fyrir liggur. Mikilvægt er að laga strax núverandi hellur og stöðva vatnsstöfnun á lóðinni. Auk þess ítrekar nefndin þörfina á vegriði á Borgabraut.

Viðhald á grunnskólanum þarf að vinna áfram samkvæmt viðhaldsáætlun. Sérstaklega er bent á starfsmanna- og nemendainngang sem þörf er á að laga. Einnig er ítrekað að ástand húsnæðis bókasafns þarf að laga.

Einnig er nauðsynlegt að halda áfram reglubundinni endurnýjun húsbúnaðar, verkfæra, leiktækja og annars búnaðar í skólunum.

Fleira ekki gert, fundi slitið kl. 19.34.

Guðfinna Lára Hávarðardótir
Vignir Rúnar Vignisson
Sigríður Guðbjörg Jónsdóttir
Jóhanna Rannveig Jansdóttir