A A A

Valmynd

Fréttir

Skólastarf

Fræðslunefnd - 9. október 2017

Fundur var haldin í fræðslunefnd mánudaginn 9. október  kl. 18:00 í Hnyðju

Eftirtaldir nefndarmenn eru mættir: Sigríður Guðbjörg Jónsdóttir, Sólrún Jónsdóttir, Ingibjörg Sigurðardóttir, Ingibjörg Benediktsdóttir og Egill Victorsson boðaði forföll og ekki tókst að fá varamann í tíma.

Fullrúar leikskólans Lækjarbrekku mæta kl 18:00 og það eru Ingibjörg Alma Benjamínsdóttir leikskólastjóri og Aðalbjörg Sigurvaldadóttir, Berglind Maríusdóttir fyrir hönd starfsmanna boðaði forföll og Guðfinna Lára Hávarðardóttir er mætt fyrir hönd foreldra og situr einnig fund við málefni Grunnskóla

Fulltrúar Grunnskólans eru boðaðir kl 19:00 en það eru Hrafnhildur Guðbjörnsdóttir skólastjóri, fulltrúi starfsmanna og varamaður eru fjarverandi og fulltrúi foreldra Björk Ingvarsdóttir boðaði forföll.

Fulltrúi ungmennaráðs Guðrún Júlíana Sigurðardóttir situr einnig fundinn.

 

Dagskrá er svohljóðandi:

Málefni Leikskóla:

  1. Starfsáætlun Leikskólans Lækjarbrekku
    Aðalbjörg og Ingibjörg Alma kynna. Í  starfsáætlun er m.a. gerð grein fyrir skóladagatali, þ.m.t. lengd sumarleyfis, starfsáætlun nemenda, starfsdögum, stoðþjónustu, uppbrotsdögum og öðru því sem varðar starfsemi skólans ár hvert. Leikskólar þurfa að skila inn starfsáætlun árlega og nú hefur starfsáætlun verið birt á síðu Leikskólans. Fræðslunefnd staðfestir áætlunina og hvetur foreldra jafnt sem aðra íbúa að kynna sér efni hennar.  

  2. Ályktun um stöðu barna
    Fræðslunefnd tekur undir áhyggjur FSL um lengd dvalartíma barna á leikskólum.

  3. Önnur mál Leikskólans
    a). Starfsdagar.
    Ingibjörg Alma óskar eftir því að veitt verði leyfi fyrir auka hálfan starfsdag svo hægt verði að ljúka skyndihjálparnámskeiði fyrir áramót. Fræðslunefnd samþykkir þessa beiðni enda mjög mikilvægt að starfsfólk sé vel að sér í þessum málum.

    b). Mötuneyti Leikskólans
    Leikskólastjórar hafa áhyggjur af mötuneyti leikskólans en í úttekt sem gerð var í maí 2016 eru tillögur af úrbótum. Mikilvægt er að leiðbeiningum frá Lýðheilsustofnun sé fylgt. Leikskólastjórar leggja til að skoðað verði alvarlega að elda mat fyrir leikskólabörn á leikskólanum og starfandi matráður sjái um það. Fulltrúi foreldra telur það mikin kost að börn á mismunandi skólastigum fái það sama í matinn.  Fræðslunefnd tekur undir áhyggjur leikskólastjóra.

    Ekki fleira tekið fyrir að sinni.
    Fulltrúar Leikskólans yfirgefa fundinn kl 19:04
    Fulltrúi Grunnskólans kemur inn á fundinn.

    Málefni Grunnskólans:

  4. Starfið framundan. Starfsáætlun Grunnskólans.
    Skólastjóri kynnir áætlunina. Í  starfsáætlun er m.a. gerð grein fyrir skóladagatali, þ.m.t. lengd jólaleyfis, páskaleyfis og annarra vetrarleyfa, starfsáætlun nemenda, skólareglum, stoðþjónustu, félagslífi og öðru því sem varðar starfsemi skólans ár hvert.
    Starfsáætlunin verður birt á síðu skólans og hvetur Fræðslunefnd foreldra og íbúa til að kynna sér áætlunina. Fræðslunefnd samþykkir og staðfestir áætlunina.

  5. Fjárhagsáætlun
    Fræðslunefnd vill ítreka að við gerð fjárhagsáætlunar verði áfram unnið að endurbótum við húsnæði Grunnskólans. Einnig er mikilvægt að verkið verði skipulagt í tíma svo ekki komi til að fáist ekki verktaki eða efni.

  6. Önnur mál Grunnskóla
    a). Umsókn um námsleyfi
    Jóhanna Rósmundsdóttir sækir um námsleyfi í lotum vegna náms í Grunnskólakennarafræðum sem hún stundar í fjarnámi við Háskóla Íslands .
    Fræðslunefnd samþykkir umsóknina.
    b). Skólastjóri leggur til að börn í 5.-10. bekk fái hádegismat í Félagsheimilinu þegar þau þurfa að mæta í íþróttir strax á eftir matartíma eða fyrir.

    Fleira ekki tekið fyrir í málefnum Grunnskóla. Fulltrúar Grunnskóla yfirgefa fundinn kl 20:58

    Málefni fræðslunefndar:
  7. Svæðisskipulag Dalabyggðar, Reykhólahrepps og Strandabyggðar.
    Fræðslunefnd gerir ekki athugasemdir við svæðisskipulagið.

 

Fleira ekki tekið fyrir og fundi slitið kl 21:01

 

Könnun

Facebook

Atburðadagatal

Næstu atburðir

Vefumsjón