A A A

Valmynd

Fréttir

Verđlaun á Hamingjudögum

Esther Ösp Valdimarsdóttir | 02. júlí 2013
mynd e. Jón Jónsson
mynd e. Jón Jónsson
« 1 af 2 »
Að fá viðurkenningu fyrir vel unnin störf gerir marga hamingjusama; þá sem gefa, þá sem þiggja og þá sem samgleðjast. Því eru veitt verðlaun fyrir ýmslegt á Hamingjudögum.

Kassabílarallý er árviss viðburður á Hamingjudögum en nýbreytni var að nú voru veitt verðlaun sem samanstóðu af gjafapoka frá Ó. Johnson & Kaaber og gjafabréfi upp á 5000 kr. í Pakkhúsinu. Róbert Máni Newton og Fannar Freyr Snorrason hlutu verðlaun fyrir besta tímann og Hermann og Elma Ósland hlutu verðlaun fyrir flottasta farartækið.

Lítil ónafngreind stúlka sigraði í Hamingjugetrauninni og hlaut að launum gjafapoka frá Ó. Johnson & Kaaber og gjafabréf á kaffihlaðborð á Sauðfjársetrinu.

Þetta árið hlaut rauða hverfið skreytingaverðlaunin, besta fígúran var m&m barnið eftir Kristínu Lilju Sverrisdóttur að Víkurtúni 2 og best skreytta húsið var hjá Svanhildi Jónsdóttur og Jóni Vilhjálmssyni að Hafnarbraut 21.

Hnallþóruhlaðborðið var einkar glæsilegt en þar átti Þorbjörg Stefánsdóttir girnilegustu kökuna, Guðgrún Margrét Jökulsdóttir best skreyttu og Sigrún Edda Halldórsdóttir þá hamingjusömustuað mati sveitastórnar. Allar hlutu þær glæsileg verðlaun frá Kornax, Partýbúðinni og Ó. Johnson & Kaaber.

Til hamingju með sigurinn öll sömul!

Facebook

Hamingjumyndir

Vefumsjón