Fundur nr.  1246 í sveitarstjórn Strandabyggðar var haldinn þriðjudaginn 8. mars 2016 í Hnyðju, Höfðagötu 3. Fundurinn hófst kl. 16:00. Jón Gísli Jónsson (J) bauð fundarmenn velkomna og setti fundinn. Auk Jóns Gísla sátu fundinn  Ásta Þórisdóttir (J) og Ingibjörg Emilsdóttir (J),  Ingibjörg Benediktsdóttir (E) og Haraldur V. A. Jónsson (F). Andrea Kristín Jónsdóttir sveitarstjóri ritaði fundargerð. 

Fundardagskrá er því svohljóðandi:

1. Tilnefning í verkefnanefnd vegna stefnumörkunar sveitarfélaga á Vestfjörðum
2. Boðun á XXX. Landsþing Sambands
3. Kjör á skuldabréfum vegna B-gatnagerðargjalda á Borgabraut
4. Skipun fulltrúa í kjörstjórn Strandabyggðar
5. Fundargerðir Svæðisskipulagsnefndar Dalabyggðar, Reykhólahrepps og Strandabyggðar frá 17/2/2016 og 23/2/2016
6. Fundargerð Samtaka sveitarfélaga á köldum svæðum frá 26/2/2016
7. Fundargerð Velferðarnefndar frá 1/3/2016
8. Fundargerð Fræðslunefndar frá 29/2/2016
9. Fundargerð Umhverfis- og skipulagsnefndar frá 7/3/2016
10. Fundargerð Tómstunda-, íþrótta- og menningarnefndar frá 3/3/2016

Þá var gengið til dagskrár.

1. Tilnefning í verkefnanefnd vegna stefnumörkunar sveitarfélaga á Vestfjörðum
   
   Sveitarstjórn Strandabyggðar samþykkir að skipa Ingibjörgu Emilsdóttur sem aðalmann í verkefnanefnd vegna stefnumörkunar sveitarfélaga á Vestfjörðum og til vara Harald V. A. Jónsson.
   
   
2. Boðun á XXX. Landsþing Sambands
   
   Sveitarstjórn Strandabyggðar samþykkir að Jón Gísli Jónsson oddviti og Andrea K. Jónsdóttir sveitarstjóri sæki XXX. Landsþing Sambands sveitarfélaga fyrir hönd sveitarfélagsins.
   
   
3. Kjör á skuldabréfum vegna B-gatnagerðargjalda á Borgabraut
   
   Ingibjörg Emilsdóttir víkur af fundi.
   
   Sveitarstjórn Strandabyggðar samþykkir að vaxtakjör á skuldabréfum sem gerð eru vegna álagningar á B-gatnagerðargjöldum vegna gatnagerðar við Borgabraut sumarið 2015 og standa íbúum sem þau greiða til boða, séu þau sömu eða sambærileg og kjör á lánum sem sveitarfélagið Strandabyggð tók hjá Lánasjóði sveitarfélaga vegna sömu framkvæmda. Þau kjör eru eftirfarandi og greint er frá þeim í lið 4.1 í lánasamning sveitarfélagsins og Lánasjóðs sveitarfélaga: Vextir eru óverðtryggðir og reiknast frá útborgunardegi hvers lánshluta fyrir sig. Lánið ber 6 mánaða Reibor millibankavexti auk 0,50% vaxtaálags. Vaxtadagaregla er ACT/360. Að öðru leyti gilda reglur 4.4 í lánasamningi sveitarfélagsins og Lánasjóðs sveitarfélaga um vaxtaálag og dráttarvexti af vanskilum sem vara lengur en 12 mánuði.
   
   Ingibjörg Emilsdóttir mætir aftur til fundar.
   
   
4. Skipun fulltrúa í kjörstjórn Strandabyggðar
   
   Sveitarstjórn samþykkir með öllum greiddum atkvæðum að skipa Guðmund Jónsson sem fulltrúa í kjörstjórn Strandabyggðar.
   
   
5. Fundargerðir Svæðisskipulagsnefndar Dalabyggðar, Reykhólahrepps og Strandabyggðar frá 17/2/2016 og 23/2/2016
   
   Fundargerð frá 17/2/2016 samþykkt í heild sinni.
   Fundargerð frá 3/2/2016 samþykkt í heild sinni ásamt umsókn í Skipulagssjóð og tillögu að starfsreglum svæðisskipulagsnefndar.
   
   
6. Fundargerð Samtaka sveitarfélaga á köldum svæðum frá 26/2/2016
   
   Fundargerð lögð fram til kynningar.
   
   
7. Fundargerð Velferðarnefndar frá 1/3/2016
   
   Fundargerð lögð fram til samþykktar, liður 1. varðandi hækkun á fjárhagsaðstoð frá 1. janúar 2016 samþykktur sérstaklega og fundargerð samþykkt í heild sinni.
   
   
8. Fundargerð Fræðslunefndar frá 29/2/2016
   
   Fundargerð Fræðslunefndar lögð fram til samþykktar.
   Varðandi lið 8 þá telur sveitarstjórn eðlilegt að sé sótt um aðgang að tónskóla fyrir nemanda utan sveitarfélagsins þá verði gerður samingur milli sveitarfélaga um það.
   Varðandi lið 9 þá samþykkir sveitarstjórn að fela skólastjóra og sveitarstjóra að leita leiða til að fastráðning stuðningsfulltrúa geti orðið að veruleika.
   
   
9. Fundargerð Umhverfis- og skipulagsnefndar frá 7/3/2016
   
   Fundargerð lögð fram til samþykktar.
   
   Vegna liðar 1 í dagskrá - Deiliskipulag Nauteyri.
   Sveitarstjórn Strandabyggðar samþykkir að deiliskipulagstillaga fyrir hluta jarðarinnar Nauteyri, dagsett 12. febrúar 2016,  fari í lögbundið auglýsingaferli samkvæmt 41. grein Skipulagslaga nr. 123/2010.
   
   Vegna liðar 4 í dagskrá - Frístundabyggð í Skeljavík.
   Sveitarstjórn Strandabyggðar samþykkir að óska eftir því að vegtenging frá Djúpvegi 61 að svæðinu verði með öðrum hætti en sýnt er á fyrirliggjandi uppdrætti  að frístundabyggð í Skeljavík
   
   Fundargerð að öðru leyti samþykkt í heild sinni.
   
   
10. Fundargerð Tómstunda-, íþrótta- og menningarnefndar frá 3/3/2016
    
    Fundargerð Tómstunda-, íþrótta- og menningarnefndar lögð fram til samþykktar.
    Fundargerð samþykkt í heild sinni.

Fundargerð yfirfarin og undirrituð og fundi slitið kl. 17:56

Ásta Þórisdóttir

Ingibjörg Benediktsdóttir

Ingibjörg Emilsdóttir

Haraldur V. A. Jónsson

Jón Gísli Jónsson