Sveitarstjórnarfundur 1230 í Strandabyggð

 

Fundur nr.  1230 í sveitarstjórn Strandabyggðar var haldinn miðvikudaginn 14. janúar í Hnyðju, Höfðagötu 3. Fundurinn hófst kl. 17:00. Jón Gísli Jónsson bauð fundarmenn velkomna og setti fundinn. Einnig sátu fundinn Haraldur V. A. Jónsson, Viðar Guðmundsson, Ingibjörg Emilsdóttir og Ingibjörg Benediktsdóttir.  Ingibjörg Emilsdóttir ritaði fundargerð. 

 

 

Fundardagskrá er þá svohljóðandi:

 

1. Erindi frá Baskavinafélaginu á Íslandi varðandi beiðni frá San Sebastian um að gerast vinabær Hólmavíkur og þátttöku í alþjóðlegu málþingi um Spánverjavígin 1615 dagana 20.-21.apríl n.k. ásamt afhjúpun á minningarskjaldar á Hólmavík 23.apríl.
2. Styrktarsamningar við félög í Strandabyggð
3. Breyting á gjaldskrá framleiðslueldhúss í Félagsheimili
4. Stuðningur við Snorraverkefnið erindi frá  17.nóvember 2014
5. Landssamband slökkviliðs- og sjúkraflutningamanna styrkbeiðni vegna Eldvarnarátaksins 2014 frá 1.desember 2014
6. Erindi frá Héraðssambandi Strandamanna, ósk um styrk frá 30/11/2014
7. Fundargerð Heilbrigðiseftirlits Vestfjarða frá 28/11/2014
8. Fundargerð Velferðarnefndar  frá 22/10/2014
9. Fundargerð Umhverfis- og skipulagsnefndar frá 08/01/2015
10. Fundargerð Tómstunda-, íþrótta- og menningarnefndar frá 12/01/2015

 

 

Þá var gengið til dagskrár.

 

1. Erindi frá Baskavinafélaginu á Íslandi varðandi beiðni frá San Sebastian um að gerast vinabær Hólmavíkur og vera viðstödd afhjúpun minningarskjaldar á Hólmavík 23.apríl.

 

Erindi samþykkt samhljóða.

   2.  Styrktarsamningar við félög í Strandabyggð. 

 

Eftirtaldir styrktarsamningar eru lagðir hér til samþykktar sveitarstjórnar: við Félag eldri borgara, UMF Geislann, Leikfélag Hólmavíkur, Sauðfjársetur á Ströndum, Skíðafélags Strandamanna og Golfklúbb Hólmavíkur.  Samningar við Félag eldri borgara, Leikfélag Hólmavíkur, UMF  Geislans og Skíðafélag Strandamanna eru samþykktir.

Samningum við Sauðfjársetur og Golfklúbb er frestað til næsta fundar.

  3.   Breyting á gjaldskrá framleiðslueldhúss í Félagsheimili.

 

Tillaga að breytingu á gjaldskrá frá umsjónarmanni Félagsheimilis. Fyrstu 50 tímar í tilraunaframleiðslu á 500 kr. Framleisða eftir 50 tíma 1000 kr.

Tillaga samþykkt samhljóða.

 

  4.   Stuðningur við Snorraverkefnið erindi frá  17.nóvember 2014.

 

Erindi hafnað samhljóða.

 
  5.   Landssamband slökkviliðs- og sjúkraflutningamanna styrkbeiðni vegna Eldvarnarátaksins 2014 frá 1.desember 2014.

 

Erindi hafnað samhljóða.

 
  6.   Erindi frá Héraðssambandi Strandamanna, ósk um styrk frá 30/11/2014

 

Sveitarstjórn Strandabyggðar samþykkir að fela sveitarstjóra að gera styrktar- og samstarfssamning við Héraðssamband Strandamanna innan ramma og í samræmi við nýsamþykkta fjárhagsáætlun fyrir árið 2015. Samningur verður  síðan lagður fyrir sveitarstjórn til samþykktar.

 
  7.   Fundargerð Heilbrigðiseftirlits Vestfjarða frá 28/11/2014

 

Sveitarstjórn gerir athugasemd við útreiknuð framlög einstakra sveitarfélaga þar sem reiknað er út frá íbúafjölda frá 1.1.2012. Sveitarstjórn þykir eðlilegt að miða við nýjustu tölur hverju sinni.

 
  8.  Fundargerð Velferðarnefndar  frá 22/10/2014

 

Fundargerð samþykkt samhljóða.

 
  9.   Fundargerð Umhverfis- og skipulagsnefndar frá 09/01/2015

 

Fundargerð samþykkt samhljóða.

 
 10.  Fundargerð Tómstunda-, íþrótta- og menningarnefndar frá 12/01/2015

 

Fundargerð samþykkt samhljóða.

 

Fundargerð yfirfarin og undirrituð og fundi slitið kl. 17.53

 

Jón Gísli Jónsson

Haraldur V. A. Jónsson                          

Ingibjörg Benediktsdóttir

Ingibjörg Emilsdóttir

Viðar Guðmundsson