A A A

Valmynd

Fréttir

Skólastarf

Sveitarstjórn Strandabyggðar 1228 - 21. október 2014

Fundur nr.  1228 í sveitarstjórn Strandabyggðar var haldinn þriðjudaginn 21. október 2014 í Hnyðju, Höfðagötu 3. Fundurinn hófst kl. 16:00. Jón Gísli Jónsson bauð fundarmenn velkomna og setti fundinn. Einnig sátu fundinn Haraldur V. A. Jónsson, Viðar Guðmundsson, Ingibjörg Emilsdóttir og Ingibjörg Benediktsdóttir. Andrea Kristín Jónsdóttir sveitarstjóri ritaði fundargerð. 

 

Jón Gísli leitar afbrigða við boðaða dagskrá og leggur til að liður 18 fjalli um ályktun vegna stöðu sjávarútvegs í sveitarfélaginu. Liður númer 19 fjalli um kauptilboð í jörðina Nauteyri.

 

Fundardagskrá er þá svohljóðandi:

 

  1. Fjárhagsáætlun Strandabyggðar fyrir árið 2015, fyrri umræða
  2. Þriggja ára áætlun Strandabyggðar fyrir árin 2016 – 2018, fyrri umræða
  3. Bréf frá Atvinnuvega- og nýsköpunarráðuneyti: Umsókn um byggðakvóta fiskveiðiárið 2014 – 2015, dagsett 09/10/2014
  4. Bréf frá Þórarni Magnússyni; Umsókn um styrk vegna opnunar Steinshúss á árinu 2014, dagsett 29/09/2014
  5. Bréf frá Húsráði Hafnarbrautar; Umsókn um styrk til ferðar á Starfsdaga Ungmennahúsa, dagsett 17/10/2014
  6. Bréf frá Rauða krossinum í Strandasýslu; Ósk um flutning á fjöldahjálparstöð úr grunnskóla í félagsheimili, dagsett 01/10/2014
  7. Bréf frá tómstundafulltrúa fyrir hönd Tómstunda- íþrótta- og menningarnefndar vegna árshátíðar Strandabyggðar og starfsdags, dagsett 17/10/2014
  8. Bréf frá Þorsteini Paul Newton; Atvinnumál Strandabyggðar, dagsett 17/10/2014
  9. Póstur frá Ástu Ragnheiði Jóhannesdóttur; 100 ára kosningarréttur kvenna, dagsett 15/08/2014
  10. Póstur frá Mikael Jónssyni; Discount Around Iceland, dagsett 01/10/2014
  11. Samningur við Opnu bókaútgáfu vegna byggðasögu Stranda
  12. Fundargerð 92. Fundar stjórnar NAVE, frá 30/09/2014
  13. Fundargerð ársfundar NAVE, frá 02/10/2014
  14. Fundargerð Umhverfis- og skipulagsnefndar, frá 2014/10/16
  15. Fundargerð Velferðarnefndar, frá 2014/08/27
  16. Fundargerð Tómstunda-, íþrótta- og menningarnefndar, frá 2014/09/22
  17. Fundargerð Fræðslunefndar, frá 2014/10/15
  18. Ályktun sveitarstjórnar vegna stöðu sjávarútveg í sveitarfélaginu
  19. Kauptilboð í jörðina Nauteyri

 

 

Þá var gengið til dagskrár.

 

  1. Fjárhagsáætlun Strandabyggðar fyrir árið 2015, fyrri umræða

    Fjárhagsáætlun Strandabyggða fyrir árið 2015 vísað til síðari umræðu.
  2. Þriggja ára áætlun Strandabyggðar fyrir árin 2016 – 2018, fyrri umræða

    Þriggja ára áætlun Strandabyggðar fyrir árið 2016 – 2018 vísað til síðari umræðu
  3. Bréf frá Atvinnuvega- og nýsköpunarráðuneyti: Umsókn um byggðakvóta fiskveiðiárið 2014 – 2015, dagsett 09/10/2014

    Ingibjörg Benediktsdóttir víkur af fundi vegna vanhæfis.

    Sveitarstjórn Strandabyggðar óskar eftir að viðbótarreglur verði settar vegna úthlutunar byggðakvóta fiskveiðiárið 2014/2015.

    Sveitarstjórn Strandabyggðar leggur til eftirfarandi breytingu á 4. grein reglugerðar 652/2014:

    - 25% úthlutaðs byggðakvóta verði skipt jafnt á milli fiskiskipa
    - 75% úthlutaðs byggðakvóta verði skipt eftir lönduðum afla síðasta fiskveiðiárs, 2013/2014

    Sveitarstjórn Strandabyggðar leggur til eftirfarandi breytingar á 6. grein reglugerðar 652/2014:

    - Vinnsluskylda samkvæmt 6. gr. reglugerðar nr. 652/2014 verði felld  niður.

    Samþykkt samhljóða.

    Ingibjörg Benediktsdóttir kemur aftur til fundar.
  4. Bréf frá Þórarni Magnússyni; Umsókn um styrk vegna opnunar Steinshúss á árinu 2014, dagsett 29/09/2014

    Sveitarstjórn vísar málinu til fjárhagsáætlunar til frekari ákvarðanatöku.
  5. Bréf frá Húsráði Hafnarbrautar; Umsókn um styrk til ferðar á Starfsdaga Ungmennahúsa, dagsett 17/10/2014

    Sveitarstjórn Strandabyggðar samþykkir að veita umbeðinn styrk til  ferðar á Starfsdaga Ungmennahúsa.

    Sveitarstjórn samþykktir viðauka við fjárhagsáætlun 2014 og leggur til að umbeðin fjárhæð, 89.800 kr verði fengin af eigin fé sveitarfélagsins.
  6. Bréf frá Rauða krossinum í Strandasýslu; Ósk um flutning á fjöldahjálparstöð úr grunnskóla í félagsheimili, dagsett 01/10/2014

    Sveitarstjórn samþykkir beiðni Rauða krossins um flutning á fjöldahjálparstöð úr grunnskóla í félagsheimili.
  7. Bréf frá tómstundafulltrúa fyrir hönd Tómstunda- íþrótta- og menningarnefndar vegna árshátíðar Strandabyggðar og starfsdags, dagsett 17/10/2014

    Sveitarstjórn leggur til að ekki verði haldinn starfsdagur í tengslum við árshátíð starfsmanna Strandabyggðar að þessu sinni.
  8. Bréf frá Þorsteini Paul Newton; Atvinnumál Strandabyggðar, dagsett 17/10/2014

    Sveitarstjórn þakkar erindið enda málið bæði brýnt og mikilvægt. Nú þegar hefur sveitarfélagið fengið Atvinnuþróunarfélag Vestfjarða til liðs við sig til að leita lausna á núverandi vanda sjávarútvegs í sveitarfélaginu.  Til stendur að gerð verði almenn greining á atvinnumálum í sveitarfélaginu og möguleikum til sóknar. Sveitarfélagið mun leita eftir víðtækri samvinnu meðal íbúa og forsvarsmanna fyrirtækja í Strandabyggð.
  9. Póstur frá Ástu Ragnheiði Jóhannesdóttur; 100 ára kosningarréttur kvenna, dagsett 15/08/2014

    Sveitarstjórn  felur tómstundafulltrúa Strandabyggðar að kynna verkefnið í stofnunum, söfnum og félagasamtökum í sveitarfélaginu og að vera milliliður í að koma upplýsingum um viðburði til afmælisnefndar.
  10. Póstur frá Mikael Jónssyni; Discount Around Iceland, dagsett 01/10/2014

    Sveitarstjórn hafnar erindinu.
  11. Samningur við Opnu bókaútgáfu vegna byggðasögu Stranda

    Sveitarstjórn felur sveitarstjóra  að ganga frá og undirrita fyrirliggjandi samning við Bókaútgáfuna Opnu.

    Samþykkt með fjórum atkvæðum. Ingibjörg Benediktsdóttir greiddi atkvæði á móti.
  12. Fundargerð 92. Fundar stjórnar NAVE, frá 30/09/2014

    Fundargerð er lögð fram til kynningar.
  13. Fundargerð ársfundar NAVE, frá 02/10/2014

    Fundargerð lögð fram. Varðandi lið 3 þá samþykkir sveitarstjórn Strandabyggðar framlagða tillögu að því tilskyldu að tryggt verði að núverandi stöðugildi á Hólmavík skerðist ekki.
  14. Fundargerð Umhverfis- og skipulagsnefndar, frá 20141016

    Fundargerð Umhverfis- og skipulagsnefndar lögð fram til samþykktar.
    Fundargerð samþykkt samhljóða.

  15. Fundargerð Velferðarnefndar, frá 20140827

    Fundargerð Velferðarnefndar lögð fram til samþykktar.
    Fundargerð samþykkt samhljóða.
  16. Fundargerð Tómstunda-, íþrótta- og menningarnefndar, frá 20140922

    Fundargerð Tómstunda-, íþrótta- og menningarnefndar lögð fram til samþykktar.
    Varðandi lið 5 þá er hann ekki í gildi lengur en bent er á lið 7 í fundargerð sveitarstjórnar.
    Fundargerð samþykkt samhljóða.
  17. Fundargerð Fræðslunefndar, frá 20141015

    Fundargerð Fræðslunefndar lögð fram til samþykktar.
    Fundargerð samþykkt samhljóða.
  18. Ályktun sveitarstjórnar vegna stöðu sjávarútvegs í sveitarfélaginu

    Sveitarstjórn felur sveitarstjóra í samvinnu við Atvinnuþróunarfélagið og smábátasjómenn að gera ályktun um stöðu sjávarútvegs í sveitarfélaginu.
  19. Kauptilboð í jörðina Nauteyri

Sveitarstjórn samþykkir framlagt kauptilboð frá Hraðfrystihúsinu Gunnvöru að fjárhæð kr. 30.000.000 og er sveitarstjóra falið að undirrita öll skjöl þar um.

 

Fundargerð yfirfarin og undirrituð og fundi slitið kl. 19:33

 

Jón Gísli Jónsson

Haraldur V. A. Jónsson                          

Ingibjörg Benediktsdóttir

Ingibjörg Emilsdóttir

Viðar Guðmundsson                                             

                                                                                                                  

 

Könnun

Facebook

Atburðadagatal

Næstu atburðir

Vefumsjón