A A A

Valmynd

Fréttir

Skólastarf

Fræðslunefnd 3. september 2020

Fundur var haldinn í fræðslunefnd fimmtudaginn 3. september kl. 17.00 í Hnyðju. Eftirtaldir nefndarmenn mættu: Sigríður Guðbjörg Jónsdóttir, Steinunn Þorsteinsdóttir, Guðfinna Lára Hávarðardóttir og Vignir Rúnar Vignisson. Sigurður Marínó Þorvaldsson boðaði forföll og enginn varamaður komst í hans stað.

Fulltrúar skólans eru mættu kl. 17:00 en það eru Hrafnhildur Guðbjörnsdóttir skólastjóri, Kristín Anna Olsen fyrir hönd starfsmanna leikskóladeildar og Esther Ösp Valdimarsdóttir fyrir hönd foreldra. Kolbrún Þorsteinsdóttir fulltrúi kennara grunn- og tónskóladeildar boðaði forföll og var Esther Ösp Valdimarsdóttir einnig fulltrúi kennara grunn- og tónskóladeildar á þessum fundi.
Fulltrúi ungmennaráðs Unnur Erna Viðarsdóttir mætti einnig kl. 17.00


Dagskrá
1. Niðurstöður úr innra mati grunnskóladeildar 2019-2020 niðurstöður

Skólastjóri kynnir niðurstöður innra mats en þær eru aðgengilegar á heimasíðu skólans. Vegna Covid-19 tókst ekki að meta alla þætti en vinna við innra mat er að fara af stað fyrir skólaárið 2020-2021 samkvæmt áætlun og verða þá einnig teknir fyrir þættir sem sátu á hakanum skólaárið 2019-2020.

2. Mat á starfsáætlun 2019-2020

Skólastjóri kynnir mat á starfsáætlun 2019-2020.

3. Starfsáætlun 2020-2021
Skólastjóri kynnir starfsáætlunina en hún er birt á heimasíðu skólans. Nefndin samþykkir áætlunina.

4. Sýn og stefna skólans
Vinna þarf að nýrri sýn og stefnu fyrir sameinaðan skóla. Áætlað er að sú vinna fari fram í október og verður síðan kynnt nefndinni.

5. Skóladagatal lokaútgáfa
Skólastjóri kynnir skóladagatöl fyrir sameinaðan skóla. Nefndin samþykkir skóladagatölin.

6. Sérkennslumál
Skólastjóri fer yfir sérkennslumál í skólanum. Sérkennsluteymi vinnur þvert á skólastig. Námsráðgjöf er sinnt af námsráðgjafa frá Tröppu.


7. Fjárhagsáætlun
Nefndin hvetur sveitarstjórn til að draga ekki úr fjárveitingum til skólans til að viðhalda þeirri góðu þjónustu og því góða starfi sem þar er unnið. Húsnæði grunnskólans þarfnast verulegra endurbóta og er mikilvægt að fylgja viðhaldsáætlun hússins og uppfæra hana. Einnig er mikilvægt að ljúka framkvæmdum við leikskólalóð sem hefur þegar verið hönnuð.

8. Önnur mál
Skólaráð sameinaðss skóla
Nefndin leggur til við sveitarstjórn að stofna nýtt skólaráð fyrir sameinaðan skóla í samræmi við reglugerð um skólaráð sameinaðra skóla.

Fleira ekki gert, fundi slitið kl. 18.29

Könnun

Facebook

Atburðadagatal

Næstu atburðir

Vefumsjón