A A A

Valmynd

Fréttir

Skólastarf

Umhverfis- og skipulagsnefnd - 13. maí 2015

Fundur var haldinn í Umhverfis- og skipulagsnefnd Strandabyggðar  miðvikudaginn

13. maí  2015,  kl. 17:00 á skrifstofu sveitarfélagsins.

Fundinn sátu:  Jón Gísli Jónsson formaður,  Hafdís Sturlaugsdóttir, Már Ólafsson, Jóhann Björn Arngrímsson, Valgeir Örn Kristjánsson og Gísli Gunnlaugsson byggingarfulltrúi sem ritaði fundargerð.

 

 

Á dagskrá fundarins var eftirfarandi:

 

  1. Breyting á aðalskipulagi
    Lögð fram breyting á aðalskipulagi Strandabyggðar 2010 – 2022 í samræmi við umræður á síðasta fundi nefndarinnar.  Reitur V8 hefur stækkað frá tillögu sem lögð var fram á síðasta fundi umhverfis- og skipulagsnefndar þann 13. apríl s.l.

    Umhverfis- og skipulagsnefnd leggur til við sveitarstjórn að tillaga að óverulegri breytingu á aðalskipulagi, samkvæmt uppdræti Landmótunar ehf. dagsettum 16. apríl 2015, verði samþykkt. 

  2. Deiliskipulag
    Lögð fram tillaga að nýju deiliskipulagi fyrir íþrótta- og þjónustusvæði við Jakobínutún.  Um er að ræða breytta tillögu í samræmi við umræður á fundi umhverfis- og skipulagsnefndar þann 13. apríl s.l.

    Umhverfis- og skipulagsnefnd leggur til við sveitarstjórn að breytt tillaga að deiliskipulag íþrótta- og þjónustusvæðis við Jakobínutún verði samþykkt enda komi ekki í ljós formninjar á deiliskipulagssvæðinu við fornminjaskoðun sem nú fer fram.  

  3. Borgabraut 23
    Tekið fyrir að nýju erindi frá Þresti Vilhjálmssyni og Lindu D. Pétursdóttir þar sem sótt er um leyfi til að byggja við sumarhús þeirra að Borgabraut 23 samkvæmt meðfylgjandi teikningum.  Áður á dagskrá nefndarinnar 13. apríl s.l.

    Samþykkt að vísa erindinu í grenndarkynningu til eigenda  húsa að Borgabraut 19, 21, 25 og 27.

  4. Grunnskólinn
    Erindi frá Andreu K. Jónsdóttir sveitarstjóra, fyrir hönd Strandabyggðar þar sem sótt er um heimild til að einangra og klæða eldri hluta Grunnskólans að utan með sléttri ál- eða plastklæðningu.  Einnig er óskað eftir heimild til að endurnýja glugga og útihurðir hússins með nýjum timbur- eða álgluggum.  Útlit glugga og hurða verður sem næst því sem það er í dag að undanskyldu því að björgunarop verður sett í glugga á kennarastofu í kjallara hússins.

    Erindið samþykkt.

  5. Hólmadrangur
    Erindi frá Jóni E. Halldórssyni þar sem hann fyrir hönd Hólmadrangs ehf. óskar  eftir endurnýjun á áður útgefnu byggingaleyfi vegna stækkunar vélarsalar og endurnýjunar þaks við húsnæði félagsins.  Leyfi til framkvæmda var áður samþykkt á fundi nefndarinnar 16. maí 2013.

    Umhverfis- og skipulagsnefnd samþykkir erindi Hólmadrangs með fyrirvara um að eldvarnir og flóttaleiðir verði unnar í samráði við slökkviliðsstjóra. 

  6. Hafnarbraut 6
    Lagðar fram teikningar er sýna þær breytingar sem sótt hefur verið um að gera á húeigninni við Hafnarbraut 6.

    Framlagðar teikningar samþykktar.

  7. Önnur mál

 

           

 

 

Jón Gísli Jónsson

Hafdís Sturlaugsdóttir

Már Ólafsson

Jóhann Björn Arngrímsson

Valgeir Örn Kristjánsson

Gísli Gunnlaugsson

Könnun

Facebook

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón