Tómstunda, íþrótta og menningarmálanefnd

Ekkert sumarnámskeið er áætlað í sumar á vegum Strandabyggðar, skýrist það að miklu leiti vegna þess að ekki hefur verið starfandi Tómstundafulltrúi hjá Strandabyggð undanfarið. Nú er búið að ráða Sjöfn Sæmundsdóttur og kemur hún til starfa í ágúst. Umf. Geislinn hefur tekið að sér að skipuleggja sumarnámskeið í ár og hefur fengið Hallberu Gunnarsdóttur til þess að koma og vera með námskeið tvær vikur í júní. Þá verður söng- og leiklistarnámskeið fyrir 6-13 ára á Hólmavík eina viku í júlí á vegum hópsins Leik og Sprell sem verður á ferð um allt land í sumar.

Nefndin fór yfir innsendar tilnefningar og komast að sameiginlegri niðurstöðu um tilnefningu. Menningarverðlaun Strandabyggðar verða afhent við hátíðlega athöfn á Þjóðhátíðardaginn, 17. júní.

Rætt ýmislegt varðandi íþrótta- og menningarmál sem hafa verið haldin í Strandabyggð undanfarin ár, svo sem mótamál HSS, Trékyllisheiðarhlaupið og bæjarhátíð. Vonandi verða sem flestir þessir viðburðir haldnir í sumar.