Sveitarstjórn Strandabyggðar

Lagðar voru fram eftirfarandi tillögur að nefndarskipan:

Stjórn Félagsþjónustu Stranda og Reykhólahrepps, varamaður Kristín Anna Oddsdóttir.

Stjórn Sorpsamlags Strandasýslu: Aðalmenn verða sveitarstjóri og Kjartan Jónsson og til vara Sigurbjörn Rafn Úlfarsson og Marta Sigvaldadóttir.

Áfallateymi Strandabyggðar: Aðalmenn verða Hlíf Hrólfsdóttir félagsmálastjóri og formaður, Elísa Mjöll Sigurðardóttir sóknarprestur og Kristín Arnarsdóttir hjúkrunarfræðingur HVE á Hólmavík. Til vara: Viðar Guðmundsson, Ingibjörg Birna Sigurðardóttir og Sólrún Jónsdóttir.

Brunavarnir Dala, Reykhóla og Stranda: Aðalmaður verður sveitarstjóri, til vara Jóhann Lárus Jónsson.

Svæðisskipulag Dala, Strandabyggðar og Reykhóla: Aðalmaður Jón Örn Haraldsson og til vara Sigurbjörn Rafn Úlfarsson

Svæðisskipulag Vestfjarða: Aðalmaður Jón Örn Haraldsson og til vara Sigurbjörn Rafn Úlfarsson

Öldungaráð Dalabyggðar, Reykhólahrepps og Stranda: Aðalmenn verða Ragnheiður Ingimundardóttir og Marta Sigvaldadóttir til vara.

Almannavarnarnefnd Strandasýslu: Aðalmaður verður sveitarstjóri og til vara Sigurður Marinó Þorvaldsson.

Eignarhaldsfélag Brunabótafélags Íslands: Aðalmaður verður Salbjörg Engilbertsdóttir og til vara Jón Örn Haraldsson.

Stjórn Náttúrustofu Vestfjarða: Aðalmaður verður Jón Örn Haraldsson og til vara Kjartan Jónsson.

Velferðarnefnd Ísafjarðarbæjar, áheyrnarfulltrúi: Hrafnhildur Þorsteinsdóttir.

Úrgangsráð Vestfjarðastofu: Aðalmaður verður Þorgeir Pálsson og til vara Ragnheiður Ingimundardóttir.

Svæðisráð um Strandsvæðaskipulag Vestfjarða, til vara er kosinn Jón Örn Haraldsson.

Farsældarráð Vestfjarða: Aðalmaður verður Alexandra Pilugina og til vara Kristín Anna Oddsdóttir.

Oddviti gaf orðið laust. Þorgeir tók til máls.

Oddviti bar tillöguna upp til atkvæða og lagði til að skrifstofustjóra yrði falið að senda niðurstöður til viðeigandi aðila.

Samþykkt samhljóða.

Lögð var fram tillaga um Hrafnhildi Þorsteinsdóttur sem aðalmann í fulltrúaráð og Kristínu Önnu Oddsdóttur til vara. Varðandi varafulltrúa í Notendaráð lagði oddviti til að skipan verði vísað til Velferðarnefndar til úrvinnslu.

Oddviti gaf orðið laust. Enginn tók til máls.

Oddviti bar tillöguna upp til atkvæða og lagði til að skrifstofustjóra yrði falið að senda niðurstöður til Velferðarþjónustu Vestfjarða.

Samþykkt samhljóða.

Til að formgera kjörbréf er lagt fram til staðfestingar kjör Sigurbjörns Rafns Úlfarssonar sem varafulltrúa á Landsþing Sambands íslenskra sveitarfélaga.

Oddviti bar kjörið upp til atkvæða. Samþykkt samhljóða og skrifstofustjóra falið að senda kjörbréf til Sambands íslenskra sveitarfélaga.

Oddviti fól skrifstofustjóra að kynna efni samningsins. Salbjörg Engilbertsdóttir tók til máls og kynnti þjónustusamning um upplýsingatækni við Snerpu ehf.

Samningurinn tekur til reksturs upplýsingatækniumhverfis kaupanda. Þjónustan tekur meðal annars til notendaþjónustu, net- og kerfisreksturs, reksturs Microsoft 365, afritunar, öryggis og vöktunar í fjarþjónustu. Markmið samnings þessa er að tryggja stöðugan, öruggan og rekjanlegan rekstur upplýsingatækniumhverfis kaupanda með skýru umfangi þjónustu, skilgreindri ábyrgð og gagnsærri framkvæmd. Samningurinn felur jafnframt í sér að seljandi gegni ráðgjafahlutverki gagnvart kaupanda og styðji Strandabyggð við áframhaldandi uppbyggingu upplýsingatækniumhverfis sveitarfélagsins, eflingu öryggis og markvissa þróun kerfa til framtíðar.

Gert er ráð fyrir að samningur taki gildi 1. ágúst 2026 og verði innleiðing unnin tímanlega fyrir upphaf skóla.

Oddviti gaf orðið laust.

Sigurbjörn Rafn Úlfarsson tók til máls og spurði um umfang og upphæðir. Skrifstofustjóri mun deila þeim gögnum með sveitarstjórn.

Oddviti bar samninginn undir atkvæði sveitarstjórnar. Samþykktur samhljóða.

Oddviti fól skrifstofustjóra að kynna samninginn. Salbjörg Engilbertsdóttir fór yfir efni samningsins sem er tengdur netöryggisúttekt Strandabyggðar. Defend Iceland mun setja í gang gervigreindarvilluveiði sem skoðar helstu veikleika á vef og aðgöngum starfsmanna sveitarfélagsins. Defend Iceland er sömuleiðis með heiðarlega hakkara starfandi sem prófa kerfi og skila skýrslum um niðurstöður. Samningur gildir frá undirritun samnings og út ágústmánuð 2026. Skýrslu um veikleika verður skilað tímanlega til Strandabyggðar fyrir lokaskil til Rannís v. verkefnastyrks.

Oddviti gaf orðið laust. Eftirfarandi tóku til máls Þorgeir Pálsson og Sigurbjörn Rafn Úlfarsson. Skrifstofustjóri svaraði spurningum um samninginn.

Samningur var lagður fram til afgreiðslu sveitarstjórnar og skrifstofustjóra falið að undirrita hann. Samþykkt samhljóða.


Oddviti gaf orðið laust. Eftirfarandi tóku til máls Þorgeir Pálsson og Sigurbjörn Rafn Úlfarsson. Skrifstofustjóri svaraði spurningum um samninginn

Samningur var lagður fram til afgreiðslu sveitarstjórnar og skrifstofustjóra falið að undirrita hann. Samþykkt samhljóða.

Lagt var fram erindi frá foreldrum barna í Strandabyggð varðandi stækkun á lóð undir Lillaróló.

Oddviti gaf orðið laust. Þorgeir Pálsson tók til máls og útskýrði að þetta erindi væri í takt við fyrri umræðu. Hann lagði jafnframt áherslu á að svæðið yrði afmarkað til að verja gegn umferð á tjaldsvæði.

Sigurbjörn Rafn Úlfarsson tók til máls og styður tillöguna en bendir á þörf á umræðu í US nefnd.

Þorgeir Pálsson benti á að staðsetning hafi verið valin eftir könnun meðal foreldra.

Oddviti vakti athygli á að svæðið væri deiliskipulagt sem tjaldsvæði og því þurfi endanleg staðsetning að fara til umfjöllunar á næsta fundi US nefndar. Oddviti lagði einnig til að umsækjendur fengju að setja niður leiktæki skv. teikningu í tillögu 2 til bráðabirgða.

Oddviti bar báðar tillögur undir atkvæði sveitarstjórnar. Fyrri tillagan var samþykkt samhljóða. Seinni tillagan samkvæmt teikningu 2 var einnig samþykkt samhljóða.

Lagt var fram erindi frá Laufeyju Heiðu Reynisdóttur með ósk um samstarf við Alzheimersamtökin um setja upp fjólubláan bekk í sveitarfélaginu sem tákn um vitundarvakningu um heilabilun. Víða um land hafa sveitarfélög tekið þátt í þessu verkefni þar sem sveitarfélög leggja undir bekk, mála hann fjólubláan og fá skilti frá Alzheimersamtökunum til að festa á bekkinn.

Oddviti gaf orðið laust. Þorgeir Pálsson tók til máls og telur þetta mikilvægt verkefni.

Oddviti bar tillöguna upp til atkvæða. Samþykkt samhljóða.

Lagt var fram erindi frá Strandabandalaginu og fól oddviti Þorgeir Pálssyni að fylgja erindinu úr hlaði. Þorgeir tók til máls og fór yfir erindið en Sigríður Drífa Þórólfsdóttir óskar eftir að leggja fram verkfæri sem framlag í minningu bróður síns. Þorgeir Pálsson lagði síðan fram eftirfarandi tillögu:

Tillagan hljóðar svo: "Strandabandalagið leggur til að sveitarstjórn taki tilboði íbúa um framlag til nýs Vinabæjar fyrir krakka í sveitarfélaginu og feli forstöðumanni eignasjóðs að koma málinu í ferli, hvað varðar staðsetningu og flutning efnis."

Oddviti gaf orðið laust. Kjartan Jónsson tók til máls og fagnar framlagi Sigríðar Drífu Þórólfsdóttur, hann leggur til að erindið fari til umfjöllunar í US nefnd. Sigurbjörn Rafn Úlfarsson tók til máls og tók undir með Kjartani Jónssyni varðandi val á reit sem hentar og það skipti máli að Vinabær verði sýnilegur. Kjartan Jónsson leggur jafnframt til að íbúar Vinabæjar og foreldrar verði með í ráðum varðandi staðsetningu. Jón Örn Haraldsson tók til máls og lagði til að erindið færi til umfjöllunar á nemendaþingi.

Sveitarstjórn vill þakka Sigríði Drífu Þórólfsdóttur sérstaklega fyrir hennar tilboð og umhyggju fyrir verkefninu.

Oddviti lagði til að tillaga Strandabandalagsins færi í umfjöllun US nefndar, forstöðumanns Eignasjóðs og hlutaðeigandi aðila Vinabæjar og bar tillöguna upp til atkvæða. Samþykkt samhljóða.

Lagt var fram erindi frá Strandabandalaginu varðandi sumarhúsabyggð í Skeljavík og fól oddviti Þorgeiri Pálssyni að útskýra erindið. Þorgeir tók til máls, fór yfir sögu málsins og lagði fram eftirfarandi tillögu Strandabandalagins:

"Strandabandalagið leggur til að US nefnd takið málið til endurskoðunar og komi því í viðeigandi ferli.“

Oddviti gaf orðið laust. Sigurbjörn Rafn Úlfarsson og fagnar tillögunni og tók fram að þarna gætu einnig verið framtíðar byggingarland. Jón Örn Haraldsson tók til máls og tók undir með Sigurbirni. Þorgeir tók til máls og nefndi að þarna væru tún og garðar sem væru í notkun en án þess að samningar finnist þar um og að skýra þurfi eignarhald á svæðinu.

Oddviti bar tillöguna upp til atkvæða. Samþykkt samhljóða.

Áfangastaðaáætlun lögð fram til formlegrar samþykktar sveitarstjórnar.

Oddviti gaf orðið laust. Enginn tók til máls.

Oddviti lagði Áfangastaðaáætlun Vestfjarða fram til samþykktar. Samþykkt samhljóða.

Lögð var fram til samþykktar, gjaldskrá um handsömun og vörslu búfjár í Strandabyggð.

Oddviti gaf orðið laust. Þorgeir Pálsson tók til máls.

Oddviti lagði gjaldskrána fram til samþykktar sveitarstjórnar og að skrifstofustjóra yrði falin úrvinnsla. Samþykkt samhljóða.

Lögð var fram umsögn Strandabyggðar til formlegrar samþykktar.

Oddviti gaf orðið laust. Sigurbjörn Rafn Úlfarsson tók til máls og sagði margt gott í umsögninni en tók fram að hann hefði viljað koma að vinnu við hana. Jón Örn Haraldsson tók til máls og útskýrði vinnu við umsögnina. Þorgeir Pálsson sagði þetta mál hafa komið upp í lok kjörtímabils en ekki verið unnið. Hann tók undir orð Sigurbjörns Rafns Úlfarssonar varðandi aðkomu að umsögninni en hefði viljað sjá nokkur atriði skýrari og að samtal hefði mátt vera meira innan sveitarstjórnar. Kjartan Jónsson tók til máls og tók undir ábendingarnar og segir þau vilja bæta úr framvegis.

Oddviti bar umsögnina undir atkvæði sveitarstjórnar. Samþykkt með þremur atkvæðum Vegvísis en fulltrúar B-lista og T- lista sátu hjá.

Húsnæðis-, mannvirkja og skipulagsstofnun hefur óskað eftir umsögn sveitarstjórnar við eftirfarandi mál í Skipulagsgátt: Hvalárlína 1 og Miðdalslína 1 - Viðbót við fyrri matsáætlun, nr. 0751/2026: Kynning matsáætlunar (Mat á umhverfisáhrifum)

Oddviti gaf orðið laust. Eftirfarandi tóku til máls Þorgeir Pálsson og Kjartan Jónsson.

Oddviti lagði til eftirfarandi afgreiðslu sveitarstjórnar. Sveitarstjórn Strandabyggðar gerir ekki athugasemd við framlagða tillögu. Borið undir atkvæði sveitarstjórnar. Samþykkt samhljóða.

Lögð er fram eftirfarandi tillaga að bókun sveitastjórnar:

"Sveitarstjórn Strandabyggðar lýsir yfir þungum áhyggjum af nýrri reglugerð mennta- og barnamálaráðuneytisins sem gengur gegn samkomulagi ríkis og sveitarfélaga frá 19. mars 2025 um ábyrgð á þjónustu við börn með fjölþættan vanda. Með reglugerðinni hefur ríkið einhliða þrengt skilgreiningu á hópnum sem skilur þannig eftir ábyrgð og kostnað hjá sveitarfélögum sem á grundvelli samkomulagsins á heima hjá ríkinu.

Sveitarstjórn telur breytinguna óásættanlega, án fullnægjandi faglegra raka og fela í sér alvarlegan trúnaðarbrest af hálfu ríkisins gagnvart sveitarfélögum. Skorað er á ráðuneytið að afturkalla reglugerðina og taki þá ábyrgð og skuldbindingu sem samið var um."

Oddviti gaf orðið laust. Enginn tók til máls.

Oddviti bar tillöguna upp til atkvæða. Samþykkt samhljóða og skrifstofustjóra falið að senda bókunina til Sambands íslenskra sveitarfélaga.

Vegagerðin tilkynnir hér með um fyrirhugaðar breytingar á þjónustu landsbyggðarvagna en frá hausti 2026 verði akstri á leið 61 Ísafjörður-Hólmavík hætt.

Oddviti gaf orðið laust. Sigurbjörn Rafn Úlfarsson tók til máls og harmaði ákvörðun Vegagerðarinnar og vildi hvetja Vegagerðina til að endurskoða ákvörðun sína. Einnig hefur hann áhuga á að vita fjölda farþega í akstri. Þorgeir Pálsson tók til máls og lagði til að sveitarstjórn mótmælti þessari ákvörðun.

Bókun sveitarstjórnar:

Sveitarstjórn Strandabyggðar harmar ákvörðun Vegagerðarinnar á fyrirhugaðri breytingu á þjónustu landsbyggðarvanga milli Ísafjarðar og Hólmavíkur. Hér er enn eitt dæmið um hvernig fjárveitingarvaldið sveltir stofnanir sínar og kemur í veg fyrir að veita nauðsynlega þjónustu á landsbyggðinni. Þessi ákvörðun skerðir meðal annars möguleika á að sækja þjónustu og nám til Ísafjarðar.

Oddviti bar bókunina undir atkvæði sveitarstjórnar og hún samþykkt samhljóða. Skrifstofustjóra falið að senda bókunina til ráðuneytis.

Lagt var fram erindi frá Einari Ísakssyni starfandi Minjaverði Vestfjarða sem hvetur sveitarstjórn til að hafa Minjastofnun með í ráðum þegar kemur að skipulagsmálum innan sveitarfélaganna.

Oddviti gaf orðið laust. Eftirtaldir tóku til máls. Þorgeir Pálsson og Sigurbjörn Rafn Úlfarsson.

Lagt fram til kynningar.

Lagt fram erindi frá Landssambandi eldri borgara með hvatningu til nýkjörinna sveitarstjórna að skipa í öldungaráð, endurmeta afslætti á fasteignagjöldum og veita frístundastyrki til eldri borgara.

Oddviti gaf orðið laust. Eftirtaldir tóku til máls, Sigurbjörn Rafn Úlfarsson og vísar í fyrsta lið fundar um skipan í öldungaráð.

Lagt fram til kynningar.

Lagt fram erindi frá Atvinnuvegaráðuneytinu sem áminning um að koma á skipulegu samstarfi sveitafélaga, að uppfæra afréttarskrár og að endurskoða fjallskilasamþykktir.

Oddviti gaf orðið laust. Þorgeir Pálsson tók til máls og fór yfir umræður á fundi með bændum sl. haust. Jón Örn Haraldsson tók til máls og taldi þörf á endurskoðun fjallskilasamþykktar Strandasýslu.

Lagt fram til kynningar.

Lagt fram erindi frá Sambandi íslenskra sveitarfélaga varðandi framboð til stjórnar.

Oddviti gaf orðið laust.

Þorgeir Pálsson tók til máls og lagði fram eftirfarandi tillögu:

"Sveitarstjórn Strandabyggðar styður framboð Kristjáns Kristjánssonar frá Ísafirði til setu í stjórn Sambands íslenskra sveitarfélaga á komandi kjörtímabili"

Oddviti bar tillöguna undir atkvæði. Samþykkt samhljóða.

Oddviti gaf formanni nefndarinnar Sigurbirni Rafni Úlfarsyni orðið sem tók til máls og kynnti efni fundargerðarinnar. Liðir til samþykktar eru í sér liðum í fundargerð.

Oddviti gaf orðið laust. Þorgeir Pálsson tók til máls.

Fundargerðin lögð fram til kynningar.

Um er að ræða innsendar athugasemdir vegna byggingarleyfis að Kópnesbraut 27. Oddviti fól formanni US nefndar að fara yfir þennan fundarlið sem hann gerði.

Oddviti gaf orðið laust.

Varðandi lið nr. 1 felur sveitarstjórn byggingarfulltrúa að fullvinna málið og kynna teikningarnar fyrir hlutaðeigandi þegar þær berast.

Varðandi lið nr. 2, 3, 7 lagði formaður US nefndar til að unnið verði í tengslum við fjárhagsáætlun að deiliskipuleggja Kópnesbraut og gerð verði frumkönnun á kostnaði. Fram að því verði gefið leyfi fyrir bráðabirgðaframkvæmd til að tryggja aðgengi tækja svo hægt sé að hefja framkvæmdir eins og US nefnd leggur til. Borið undir atkvæði sveitarstjórnar. Samþykkt samhljóða.

Oddviti bar fram tillögu um að forstöðumanni eignasjóðs verði falið að fylgja eftir tillögu US nefndar varðandi lið nr. 4, 5 og 6. Borið undir atkvæði sveitarstjórnar. Samþykkt samhljóða.

Oddviti gaf orðið laust. Þorgeir Pálsson tók til máls.

Oddviti bar tillögu US nefndar undir atkvæði sveitarstjórnar. Samþykkt samhljóða.

Jón Örn Haraldsson vék sæti undir þessum lið. Inn á fundinn kom Andri Freyr Arnarsson varamaður G-lista Vegvísis.

Oddviti gaf orðið laust.

Oddviti bar tillögu US nefndar undir atkvæði sveitarstjórnar. Samþykkt samhljóða.

Andri Freyr Arnarsson vék af fundi og Jón Örn Haraldsson tók aftur sæti á fundinum.

Oddviti gaf orðið laust.

Oddviti bar tillögu US nefndar undir atkvæði sveitarstjórnar. Samþykkt samhljóða.

Þinggerð Fjórðungsþing lögð fram til kynningar.

Oddviti gaf orðið laust. Þorgeir Pálsson tók til máls og hvatti sveitarstjórnarfólk til að mæta á Fjórðungsþing að hausti. Oddviti tók til máls og tók fram að líkleg dagsetning væri 27. og 28. október á Bíldudal.

Fundargerð lögð fram til kynningar

Oddviti gaf orðið laust. Enginn tók til máls.

Fundargerð lögð fram til kynningar

Oddviti gaf orðið laust. Enginn tók til máls.

Fundargerð lögð fram til kynningar

Oddviti gaf orðið laust. Enginn tók til máls.

Ársreikningur lagður fram til kynningar

Oddviti gaf orðið laust. Enginn tók til máls.