Tónaflóð verður haldið 13. mars

Nú hefur verið ákveðin ný dagsetning fyrir Tónaflóð, sem eru fjáröflunartónleikar nemendafélags Grunnskólans á Hólmavík og félagsmiðstöðvarinnar Ozon. Tónleikarnir verða haldnir miðvikudaginn 13. mars og verða nú staðsettir í Bragganum.

Þar munu hljómsveitir skipaðar nemendum úr 5-10 bekk spila valda slagara ásamt hinum og þessum söngvurum sem jafnan setja mikinn svip á viðburðinn.