Meðmælasöfnun framboða verður í ár rafræn í fyrsta sinn í mörgum sveitarfélögum, þar á meðal í Strandabyggð.
Kerfið hefur verið opnað fyrir söfnun. Mælst er til þess að samtök sem hyggjast bjóða fram stofni rafræna meðmælasöfnun fyrir framboð sitt.
Einnig verður hægt að skila meðmælum á pappír.
Leiðbeiningar um söfnun meðmæla má finna á:
https://island.is/stofna-medmaelasoefnun-vegna-frambods-til-sveitarstjornar
Ýmsar leiðbeiningar fyrir kjósendur og framboð má finna hér:
https://island.is/v/sveitarstjornarkosningar-2026
- Viðmiðunardagur kjörskrár er 8. apríl 2026 kl. 12:00. Skráning lögheimilis þann dag segir til um hvar kjósandi kýs.
- 10. apríl 2026 kl. 12:00. Framboðsfrestur rennur út.
- 10. apríl 2026 kl. 11:00-12:00. Kjörstjórn tekur við framboðum í Félagsheimilinu á Hólmavík. Að lokinni móttöku framboða mun kjörstjórn funda með umboðsmönnum framboðslista.
- 10. apríl Kjörskrá auglýst. Hægt verður að fletta upp hvort einstaklingur sé á kjörskrá eftir þennan dag.
- 13. apríl - Yfirkjörstjórnir sveitarfélaga tilkynna um gild framboð
- 17.apríl - Utankjörfundaratkvæðagreiðsla hefst.
Kjörfundur í Strandabyggð fer fram í Hnyðju í Þróunarsetri 16. maí 2026 kl. 10:00 til 18:00.
Kjörstjórn Strandabyggðar