Fyrstu réttardagarnir í Strandabyggð eru í dag, föstudag, en þá verður réttað í Skeljavíkurrétt við Hólmavík kl. 16:00. Á morgun, laugardag, verður réttað í Krossárdalsrétt kl: 16:00.
Næstu réttir eru viku síðar, sunnudaginn 20. september, Kirkjubólsrétt kl. 14:00, í Staðarrétt kl: 15:00 og Kollafjarðarrétt kl 16:30.
Fólk er eindregið hvatt til að gera sér dagamun og kíkja í réttirnar í haust. Leitir og réttir eru nefnilega afskaplega hressandi og skemmtileg iðja, hvort sem menn eru í því hlutverki að rölta um fjöll, draga í dilka eða bara horfa á iðandi mannlífið sem blómstrar í kringum sauðfjárbúskapinn þegar hausta tekur.
