Menntamálaráðherra á menntaþingi á Hólmavík

Katrín Jakobsdóttir menntamálaráðherra verður gestur á menntaþingi sem haldið verður á Hólmavík fimmtudaginn 12. janúar 2012. Þingið átti að halda nú í haust í tilefni af því að undanfarið ár hafa Strandamenn verið að fagna 100 ára skólahaldi á Hólmavík, en vegna mikilla anna í menntamálaráðuneytinu í kringum ráðherraskipti 1. nóvember s.l. var menntaþinginu frestað fram í janúar. Þingið hefst kl. 16:30 í Félagsheimilinu á Hólmavík og eru allir Strandamenn og nærsveitungar velkomnir. Dagskrá þingsins verður auglýst nánar síðar.