Leikskólastjóri óskast í tímabundna stöðu við Leikskólann Lækjarbrekku í Strandabyggð
Markmið og verkefni
- Stjórnun og ábyrgð á daglegri starfsemi, fjárhagsáætlunum og rekstri leikskólans
- Fagleg forysta
- Ráðningar og mannauðsstjórnun
- Stuðla að framþróun í skólastarfi
- Leiða samstarf starfsmanna, nemenda, heimila og leikskólasamfélagsins í Strandabyggð
Menntun, færni og eiginleikar
- Leikskólakennaramenntun og önnur reynsla skv. lögum nr. 87/2008, 10. gr
- Skipulags- og stjórnunarfærni
- Samskiptafærni og geta til að tjá sig í ræðu og riti
- Frumkvæði og styrkur í ákvarðanatöku
- Hvetjandi og góð fyrirmynd
Um er að ræða afleysingastarf til 10 mánaða vegna fæðingarorlofs.
Um Strandabyggð og Leikskólann Lækjarbrekku
Í Strandabyggð búa um 470 manns og er Hólmavík þéttbýlisstaður sveitarfélagsins. Atvinnulíf í sveitarfélaginu er fjölbreytt og skólastarf öflugt. Blómlegt tómstunda-, íþrótta- og menningarstarf er í sveitarfélaginu og hugað er að því að sem flestir aldurshópar fái notið sín. Leikskólinn Lækjarbrekka er tveggja deilda leikskóli og eru börnin á aldrinum frá eins árs til sex ára. Í Lækjarbrekku starfar samhentur hópur starfsfólks með fjölbreytta reynslu, menntun og þekkingu.
Leikskólinn er þátttakandi í þróunarverkefninu Málþroski og læsi, færni til framtíðar ásamt leikskólunum í Húnavatnssýslum.
Upplýsingar um starfið veitir Andrea K. Jónsdóttir sveitarstjóri.
Umsóknarfrestur er til og með 20. júní 2016 og óskast umsóknir sendar á skrifstofu Strandabyggðar að Höfðagötu 3, 510 Hólmavík eða á netfangið sveitarstjori@strandabyggd.is. Sími á skrifstofu er 4513510.