Strandagangan var haldin í fallegu veðri í Selárdal í dag. Alls tóku 82 keppendur þátt í göngunni og komu víða að, m.a. frá Húsavík, Akureyri, Ólafsfirði, Siglufirði, Súðavík, Ísafirði og höfuðborgarsvæðinu. Í 20 km göngunni sigraði Sigurbjörn Þorgeirsson frá Ólafsfirði og fékk hann hinn stórglæsilega Sigfúsarbikar til varðveislu næsta árið. Sigurbjörn vann öruggan sigur í göngunni, en hann tók forustuna strax í upphafi og hélt henni alla leið. Annar Ólafsfirðingur, Kristján Hauksson, kom næstur í mark en hann var rúmlega mínútu á eftir Sigurbirni. Að keppni lokinni skelltu keppendur sér í sundlaugina á Hólmavík áður en gengið var að veisluhlaðborði í Félagsheimilinu á Hólmavík þar sem verðlaunaafhending fór fram. Forsvarsmenn Strandagöngunnar voru ánægðir með daginn og sögðu mótið hafa gengið vel fyrir sig.
Frekari upplýsingar um úrslit keppninnar má finna á vef Strandagöngunnar.
17. Strandagangan haldin í fallegu veðri í dag
12.03.2011
Strandagangan var haldin í fallegu veðri í Selárdal í dag. Alls tóku 82 keppendur þátt í göngunni og komu víða að, m.a. frá Húsavík, Akureyri, Ólafsfirði, Siglufirði, Súðaví...
