Umhverfisþing á Hólmavík 11. maí 2016

Félagsheimilinu á Hólmavík kl. 15:30 -18-30

Sveitarfélagið Strandabyggð heldur Umhverfisþing á Hólmavík, miðvikudaginn 11. maí nk. Á þinginu kynnir Lína Björg Tryggvadóttir verkefnisstjóri hjá Fjórðungssambandi Vestfjarða umhverfisvottunarferli Earth Check sem öll sveitarfélög á Vestfjörðum taka þátt í. Stefán Gíslason, umhverfisstjórnunarfræðingur hjá UMÍS fjallar um verkefnið „Plastpokalausir Vestfirðir“ sem verið er að hleypa af stokkunum og framkvæmdastjóri Orkuseturs, Sigurður Ingi Friðleifsson talar um orkusparnað frá ýmsum hliðum. Þá mun Grunnskólinn á Hólmavík halda sinn árlega umhverfisdag í tengslum við þingið og bjóða upp á lítið leikrit, ljóðalestur, kynningu á grænfánastarfi skólans og bjóða upp á veitingar. Einnig mun Skógræktarfélag Standamanna, Sorpsamlag Strandamanna, Leikskólinn Lækjarbrekka og Náttúrustofa Vestfjarða koma að dagskránni sem má sjá hér að neðan.

Þingið er öllum opið ungum sem öldnum og hægt er að koma á einstaka fyrirlestra eða dagskrárliði eða njóta dagskrárinnar í heild sinni.

Dagskrá

Kl. 15:30 Opnun umhverfisþings

 Andrea Kristín Jónsdóttir sveitarstjóri Strandabyggðar setur þingið. 

Kl. 15:35 Sorpsamlag Strandasýslu.

Hvað hefur áunnist við sorpflokkun hjá Sorpsamlagi Strandasýslu? Einar Indriðason framkvæmdastjóri Sorpsamlags Strandasýslu.    (10 mín)                     

Kl. 15:45 Ruslaskrímslið.

Lítill leikþáttur, 3. og 4. bekkur Grunnskólans á Hólmavík.   (10 mín) 

Kl. 15:55 Flagð í fóstur. 

Kynning á samstarfs- og tilraunaverkefni Náttúrustofu Vf, Skógræktar Strandasýslu og Strandabyggðar um átak gegn lúpínu innan bæjarmarka Hólmavíkur.    (10 mín)         

16:05 Grænfánaskóli  - 10 ára vinna.

Unglingadeild Grunnskólans á Hólmavík kynna Grænfánastarfið sl. 10 ára í máli, leik og myndum. (10 mín)   

16:15 Skógræktarfélag Strandasýslu.  

Hallfríður Sigurðardóttir/Arlín Óladóttir (10 mín)  

16:25 Grænfáninn á Leikskólann.

Hvaða þýðingu hefur það? Alma Benjamínsdóttir, skólastjóri Leikskólans Lækjarbrekku.        (5 mín)

16:30 Kaffihlé

Nemendur úr Grunnskólanum á Hólmavík bjóða nýstárlegar eldbakaðar veitingar niður við tjaldstæði. Umhverfissöngur skólans fluttur.  (30 mín)

17:00 Umhverfisvottun Vestfjarða.

Kynning á verkefninu. Lína Björg Tryggvadóttir, verkefnisstjóri Fjórðungssambands Vestfjarða. (20 mín)

17: 20 Plastpokalausir Vestfirðir.

Stefán Gíslason umhverfisstjórnunarfræðingur UMÍS (40 mín)

17:40 Tuðran.

Kynning á verðlaunasamkeppni um gerð fjölnota innkaupapoka úr endurunnum efnum. Ásta Þórisdóttir. (5 mín)

17:45 Orkusparnaður.

Sigurður Ingi Friðleifsson, framkvæmdastjóri Orkuseturs (40 mín)

18:25 Umhverfisljóð.  Flutt verða nokkur ljóð Í tilefni útgáfu á umhverfisljóðabók nemenda í unglingadeild .  (5 mín)

18:30 Þinglok.

Andrea Kristín Jónsdóttir, sveitarstjóri slítur þingi.  (5 mín)

Allir eru hjartanlega velkomnir