Ákveðið hefur verið að efna til hugmyndasamkeppni um minjagrip í tengslum við 50 ára ártíð skjaldbökunnar sem Einar Hansen dró að landi á Hólmavík árið 1963.

Gjaldgengir í keppnina eru hverslags gripir sem tengjast þessum merka viðburði með einum eða öðrum hætti. Ekki er nauðsynlegt að skila inn fullunnum grip, teikning og útskýringar duga til. Keppendur skili inn hugmynd sinni, merktri með dulnefni, annars vegar og umslagi, merktu dulnefni, með réttu nafni keppanda hins vegar. Aðeins verða teknar gildar þær hugmyndir sem hægt er að sýna í Hnyðju í tengslum við Skjaldbökuhátíðina í október. Hugmyndum skal skila til tómstundafulltrúa á skrifstofu Strandabyggðar eigi síðar en miðvikudaginn 9. október en hún veitir einnig allar nánari upplýsingar.

Verðlaunin eru ekki af verri endanum en sigurvegari keppninna hlýtur 30.000 króna styrk sem vonandi nýtist til að útfæra gripinn enn betur og koma honum í dreifingu.