A A A

Valmynd

Skóladagatal, sérstakir dagar

Uppbrotsdagar


Á Litlu jólum er skipulag þannig að kennslu lýkur klukkan 12:30, að hádegisverði loknum fara nemendur og starfsfólk heim og mæta aftur í félagsheimili klukkan 14:00. Nemendur úr sveit eiga athvarf í skóla milli hádegisverðar og litlu jóla, skólastjóri sér um gæslu þann tíma. Á litlu jólum er dagskrá á sviði sem er áður undirbúin af hverri bekkjardeild. Umsjónarkennari stýrir þeirri vinnu. Nemendur í 7. bekk sjá  um að kynna skemmtiatriði. Nemendur í 10. bekk sjá um að jólasveinar mæti á staðinn og taka þátt í að skreyta jólatréð. Gengið er í kringum jólatréð og starfsfólk skólans sér um undirleik. Litlu jól hefjast klukkan 14:00 - 16:00.


Íþróttahátíð er haldin í janúar, húnhefur verið með ýmsum hætti, oft hafa nemendur boðið foreldrum til leiks í íþróttahúsi síðdegis. Á þessu skólaári hefur verið ákveðið að hátíðin tengist heilbrigði og hollustu og íbúum sveitarfélagsins verði boðið til þátttöku.


Starfs- og skólakynning í 10. bekk fer þannig fram að nemendur í 10. bekk velja sér vinnustaði utan héraðs og fara í starfskynningu á sitt hvorn staðinn í þrjá daga og í heimsóknir í framhaldsskóla í tvo daga. Starfs- og skólakynning í 10. bekk stendur yfir í viku í janúar.

Á sama tíma fer 9. bekkur í tveggja daga starfskynningu á heimaslóðum. Umsjónarkennari hefur samband við væntanlega vinnustaði og viðtökuskóla og heldur utan um skipulag kynninganna.


Ferðir að Laugum og í Reykjaskóla eru farnar annað hvort ár í viku í senn og er farið sama árið á báða staði. Kennari fer með hópunum og stuðningsfulltrúi ef þess gerist þörf.


Stóra upplestrarkeppnin í 7. bekk er haldin sameiginlega með skólunum á Reykhólum, Drangsnesi og Finnbogastöðum og skipt á milli staða. Keppnin í vetur verður haldin á Hólmavík.


Skertir dagar - fyrirkomulag


Viðtalsdagar 6. nóvember, 19. febrúar og 31. maí: Nemendur og foreldrar mæta saman í viðtal og fara aftur heim að því loknu. Viðtöl eru 15 mínútur. Sé þörf á lengri tíma koma viðmælendur sér saman um hann.  Áhersla hefur verið á líðan og lestur á fyrsta foreldrafundi. Fyrirkomulag viðtalsdaga verður endurskoðað í vetur 2017-2018. Innleiðing leiðsagnarmats í samræmi við breytta kennsluhætti er hafin.


Stofujól: Síðasti dagur fyrir jól. Nemendur mæta í skólann klukkan 11:00 með kerti, litlar gjafir og eitthvert góðgæti. Róleg stund í hverri bekkjardeild, nemendur fá kort með jólakveðju frá bekkjarfélögum, umsjónarkennari sér um stofujól. Stofujólum lýkur klukkan 12:00 og um leið hefst jólafrí.


Útivistardagur: Er alltaf eftir sumardaginn fyrsta. Allir nemendur og starfsfólk fer þá saman í einhvers konar útivist. Hefur verið með ýmsu móti, sleðar/skíði, skautar, gönguferð, sund. Mjög margir nemendur fara á Andrésar andarleikana á Akureyri og útivistardagurinn er ætlaður til að gefa þeim sem heima sitja tækifæri til að njóta útivistar. Skóladegi lýkur við lok skóladags yngstu nemenda.


Umhverfisdagur: Er þemadagur umhverfisins og þá er sett upp dagskrá með fræðslu og leik sem tengist umhverfinu. Oft er öðrum skólum boðið að taka þátt eða foreldrum, eldri borgurum eða öðru fólki á svæðinu. Á þessum degi er reynt að skila einhverju af sér til umhverfisins  (fjölnota pokar til Kaupfélagsins vor2017). Skóladegi allra lýkur við lok skóladags yngstu nemenda.


Vordagur: Er dagur með leikjadagskrá og grilli sem stendur yfir frá klukkan 10:00. Keppt er um sterkasta nemanda skólans, grillaðar pylsur og djús í boði og spákona/maður mætir á svæðið. Allir eru velkomnir en nemendur leikskólans eru sérstaklega boðnir.


Skóladagatal 2017-2018


Bekkjavefir

Atburđadagatal

« Febrúar 2018 »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

Nćstu atburđir