A A A

Valmynd

Ólafur Stefánsson heimsćkir nemendur grunnskólans.

Hrafnhildur Guđbjörnsdóttir | 18. nóvember 2019
Miðvikudaginn 20. nóvember nk. heimsækja Ólafur Stefánsson frumkvöðull og fyrrverandi landsliðsfyrirliði í handbolta og Arnar Ingvarsson nemendur og starfsfólk Grunnskólans á Hólmavík. Þeir munu fjalla um sögugerð og frásagnarlist í hverri bekkjardeild fyrir sig og búa til sögustemningu í gegnum stafræn hljóð og lifandi tónlist.
Heimsókn Ólafs og Arnars í skólana á Hólmavík og Drangsnesi er þáttur í samstarfinu við Galdrasýningu á Ströndum og styrkt af Barnamenningarsjóði.


Daginn áður 19.nóvember klukkan 19:00 bjóða þeir félagarnir upp á Kakóhugleiðslu í Hvatastöðinni í flugstöðinni. Þar bjóða þeir upp á hreint kakó frá Perú. Með blandi af öndun, hugleiðslu, sagnamennsku, hljóðfærum og tækni skapa þeir stað fyrir þátttakendur að hvíla hugann og gefa ímyndunaraflinu lausan tauminn. Athugið að viðburðurinn er ókeypis og þar eruð þið öll velkomin.

Ţjóđtrúarverkefni Grunnskólanna og Galdrasýningar á Ströndum

Hrafnhildur Guđbjörnsdóttir | 13. nóvember 2019
Í haust hefur Galdrasýning á Ströndum verið í öflugu samstarfi við Grunnskólana á Hólmavík og Drangsnesi þar sem nemendur hafa fengið fræðslu um þjóðtrú og galdra sem tengjast svæðinu. Nemendur hafa farið í vettvangsferðir um Strandir og heimsótt sagnastaði með  Dagrúnu Ósk Jónsdóttur  þjóðfræðingi  og notið fræðslu hennar og frásagna og fengið leiðsögn Önnu Bjargar Þórarinsdóttur framkvæmdastjóra um Galdrasýninguna. Í skólunum hafa börnin svo unnið markvisst með efnið með dyggri aðstoð kennara sinna.
Verkefnið hlaut veglegan styrk úr Barnamenningarsjóði og afrakstur vinnunnar verður til sýnis  á Galdrasýningunni fimmtudaginn 14. nóvember, kl 17:00.


Námsvísir birtur

Esther Ösp Valdimarsdóttir | 28. október 2019
Undanfarið hefur verið unnið að gerð námsvísis fyrir alla skólann. Þar er að finna yfirlit yfir allt nám nemenda í Grunnskólanum á Hólmavík. Námsvísirinn byggir að mestu leiti á þemaverkefnum þar sem einn grunnþáttur aðalnámskrár er í forgrunni hverju sinni og lykilhæfni og hæfniviðmið stjórna ferðinni í skapandi starfi þar sem námsgreinar eru samþættar. Námsvísirinn rúllar á þremur árum þannig að börnin í samkennsluskólanum okkar fái öll tækifæri til að tileinka sér hvern námsþátt án þess þó að lenda í endurtekningum. Að því sögðu er um að ræða lifandi skjal sem mun taka breytingum og þróast í tímans rás.

Hægt er að kynna sér námsvísinn nánar á þessum hlekk.

Gjöf frá foreldrafélaginu

Esther Ösp Valdimarsdóttir | 23. október 2019
Nemendur er ánćgđir međ nýju spilin
Nemendur er ánćgđir međ nýju spilin
Grunnskólinn á Hólmavík hlaut síðastliðið vor styrk úr Sprotasjóði til að þróa stærðfræðinám nemenda. Kennarar vinna hörðum höndum að þessu verkefni í samstarfi við kennsluráðgjafa Tröppu. Liður í þessu eru talnastundir sem allir nemendur taka nú þátt í nokkra morgna í viku. Í talnastund er ýmist unnið með kennara á kennarastöð, í sjálfstæðri vinnu eða skapandi hópastarfi....
Meira

Jákvćđur agi og vöfflukaffi

Esther Ösp Valdimarsdóttir | 14. október 2019
Rúna Mćja, Inga og Ásdís í vöfflukaffinu
Rúna Mćja, Inga og Ásdís í vöfflukaffinu
Í skólanum okkar vinnum við samkvæmt hugmyndafræðinni um jákvæðan aga. Við leggjum því áherslu á að benda á það sem vel er gert. Við vinnum ekki eftir umbunarkerfi en erum dugleg að hrósa og höfum gaman að því að umbuna þegar ástæða þykir til. Síðastliðinn fimmtudag buðu skólaliðar einmitt upp á vöfflur með sultu og rjóma í frímínútum til að þakka nemendum fyrir einstaklega góða umgengni um skólann það sem af er hausti.

Hugleiđsludagur unga fólksins

Esther Ösp Valdimarsdóttir | 10. október 2019
Hugleiðsludagur unga fólksins fór fram þann 9. október, á afmælisdegi John Lennon og sama dag og kveikt er á Friðarsúlunni í Viðey. Við í Grunnskólanum á Hólmavík tókum að sjálfsögðu þátt með því að koma öll saman í hugleiðslu í upphafi dags, rétt eins og fjölmargir aðrir skólar á landinu. Börn og starfsfólk tengdu við hjartað sitt og innri ró í þrjár mínútur og áttu saman góða kyrrðarstund. Flest eru börnin vön enda stundar 1.-6. bekkur skólans hugleiðslu daglega. 

Farsćlt samstarf

Esther Ösp Valdimarsdóttir | 08. október 2019
Hrafnhildur skólastýra tekur viđ rausnarlegurm gjöfum frá Önnu Björgu á Galdrasýningunni, ipad og hljóđnema sem nemendur munu nýta í mynd- og hljóđvinnslu.
Hrafnhildur skólastýra tekur viđ rausnarlegurm gjöfum frá Önnu Björgu á Galdrasýningunni, ipad og hljóđnema sem nemendur munu nýta í mynd- og hljóđvinnslu.
Í gær, mánudaginn 7.október, hófst nýtt þemaverkefni meðal nemenda í Grunnskólanum á Hólmavík. Verkefnið snýst um þjóðtrú og galdra og er unnið í samstarfi við Galdrasýninguna á Ströndum, Þjóðfræðistofu - Rannsóknarsetur HÍ á Ströndum og Grunnskólann á Drangsnesi með stuðningi frá Barnamenningarsjóði.

Námshóparnir hafa nú þegar farið í vettvangsferðir um Strandir og kynnst sér sögur um ýmsa vætti og kynjaverur og hafa kennarar fengið í hendurnar nýtt fræðsluefni frá Þjóðfræðistofu. Galdrasýningin hefur enn fremur fært Grunnskólanum á Hólmavík ný tæki til verkefnavinnunnar sem munu sannarlega nýtast óspart í framhaldinu og færum við bestu þakkir fyrir....
Meira

Gjaldfrjáls frístund

Esther Ösp Valdimarsdóttir | 01. október 2019
Afurđ úr föndursmiđju
Afurđ úr föndursmiđju
Samþykkt hefur verið að bjóða frístund fyrir 1.-5. bekk gjaldfrjálst til áramóta. Um er að ræða tilraunaverkefni og hlakkar starfsfólkið mikið til að bjóða sem flestum börnum upp á tækifæri til að taka þátt í þessu metnaðarfulla starfi.

Allar nánari upplýsingar um frístund má finna á þessari slóð eða með því að hafa samband við Esther verkefnastýru eða Hrafnhildi skólastýru....
Meira

Hérađsbókasafniđ fyrir umhverfiđ

Hrafnhildur Guđbjörnsdóttir | 24. september 2019
Fyrir um það bil ári síðan setti Héraðsbókasafn Strandasýslu sér það markmið að minnka notkun á plasti um helming. Nú hefur komið í ljós að þessu markmiði hefur verið náð og gott betur. Plastnotkun hefur minnkað um meira en 75%.
Sá siður að plasta bókakost safnsins hefur verið við lýði frá upphafi. Lánþegar safnsins eru hins vegar þekktir fyrir að fara sérlega vel með þær bækur sem þeir fá að láni svo plastleysið hefur ekki bitnað á bókunum.
Sett hefur verið upp hilla með bókum sem eru til í tví- og þrítökum og er vinsælt af gestum safnsins að grúska í hillunni og taka með sér gefins bækur.
Þrengsli hafa háð bókasafninu um árabil en unnið er að því í samstarfi við Grunnskólann á Hólmavík að flytja hluta barnabókadeildarinnar í nærliggjandi stofu og þá rýmkast um starfsemina. 
Bókaeign safnsins telur rúmlega18.000 bækur. Keyptar eru inn bækur allt árið en flestar í kringum jólin. 

Bókavörður er Svanur Kristjánsson, hægt er að hafa samband við hann til að gerast félagi í bókasafninu. Bókasafnið er opið frá 8:30- 16:00 á meðan skólastarf er í húsinu. Síðdegisopnun er 17:30-18:30 á þriðjudögum. Síminn er 451 3256 og netfang bokasafn@strandabyggd.is







Göngum í skólann og Ólympíuhlaup

Esther Ösp Valdimarsdóttir | 23. september 2019
Nemendur og kennarar sem notuđu virkan ferđamáta til ađ komast í og úr skóla skráđu nafn sitt á laufblađ og prýddu ţetta glćsilega tré
Nemendur og kennarar sem notuđu virkan ferđamáta til ađ komast í og úr skóla skráđu nafn sitt á laufblađ og prýddu ţetta glćsilega tré
Nú á miðvikudaginn tekur Grunnskólinn á Hólmavík þátt í Ólympíuhlaupi ÍSÍ sem áður var Norræna skólahlaupið. Hlaupið er lokahnykkur okkar í átakinu göngum í skólann sem var í gangi síðastliðnar tvær vikur en þá notuðu nemendur og starfsfólk virka ferðamáta til að komast til og frá skóla....
Meira
Eldri fćrslur

Bekkjavefir

Atburđadagatal

« Apríl 2020 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir