Haldinn í Félagsheimilinu vegna lyklaleysis að skrifstofu sveitarfélagsins.

Mættir voru Ásta Þórisdóttir, Jón Gísli Jónsson, Lýður Jónsson, Jón Halldórsson og Eysteinn Gunnarsson.

Dagskrá

1. SEEDS sjálfboðaliðasamtök
2. Dagur umhverfisins 2010
3. Önnur mál

1. SEEDS.

Samþykkt var að leggja til við sveitarstjórn að fenginn verði 8 manna hópur til Strandabyggðar einni til tveimur vikum fyriri Hamingjudaga, sem verði hér í tvær vikur og aðstoði við undirbúning Hamingjudaga og önnur tengd verkefni. Samþykkt var að senda bréf til Menningarmálanefndar og óska eftir tillögum, áliti og umsögn nefndarinnar og hvaða verkefni hún hefði fyrir sjálfboðaliðana. Umhverfisnefnd ályktar að þar sem Hólmavíkurkaupstaður á 120 ára verslunarafmæli á þessu ári hljóti Hamingjudagar að verða með veglegasta móti og mikið við haft.

1. Dagur umhverfisins.

verður haldinn 25. apríl og óskað eftir aðkomu Sveitarstjórnar að hátíð sem haldin verður á vegum Grunnskólans á umhverfisdaginn.

1. Önnur mál.

Eysteinn minnti aðra fundarmenn á að samþykkt hefði verið að veita umhverfisverðlaun árlega í sveitarfélaginu. Lagt var til að umhverfisverðlaun verði veitt síðsumars árið 2010 af nýrri umhverfisnefnd.

Umhverfisnefnd vill enn og aftur árétta nauðsyn þess að tekið verði til úti á Skeiði og fleiri stöðum og furðar sig á seinagangi Sveitarstjórnar á því að framkvæma jafn smávægilegar aðgerðir og að taka til á svæðum sem sveitarfélagið hefur yfir að ráða.

Umhverfisnefnd vill lýsa sérstakri ánægju sinni með hvernig til hefur tekist með flokkun sorps hjá Sorpsamlaginu.

Fleira var ekki tekið fyrir.

Fundið slitið kl. 22:00

Mættir voru Ásta Þórisdóttir, Jón Gísli Jónsson, Lýður Jónsson, Jón Halldórsson og Eysteinn Gunnarsson.

Fundarefni:

• 1. Kynning á skýrslu frá Náttúrustofu Vestfjarða sjá. á slóðinni:
• 2. Önnur mál.

Þá var gengið til dagskrár.

• 1. Kynning á skýrslu frá Náttúrustofu Vestfjarða sjá. á slóðinni:

Kynnt var skýrsla sem Náttúrustofa Vesturlands lét gera um ágengar plöntur í Stykkishólmi. Skýrslan fjallar um útbreiðslu Alaskalúpínu, skógarkerfils, Spánarkerfils og bjarnarklóar og tillögur um mótvægisaðgerðir. Nefndin ræddi um útbreiðslu þessa plantna á Hólmavík. Rætt var um að fræða þyrfti íbúa um hvaða plöntur þetta eru og virkja þá til að halda þeim í skefjum, þetta mætti t.d. gera á næsta íbúafundi. Þá var nefndin sammála um að ákveðin lína í lúpínubreiðunni fyrir ofan bæinn verði slegin árlega á tímabilinu 20. Júní - 15. Júlí og allar lúpínu-, kerfil, hvanna- og bjarnarklóarplöntur verði fjarlægðar fyrir neðan þessa línu, sem ekki eru innan lóða.

• 2. Önnur mál.

Vistvernd í verki.

Umhverfisnefnd leggur til að sveitarfélagið taki þátt í verkefninu „vistvernd í verki" sem   Landvernd heldur utan um. Verkefnið kostar 10 þús. krónur á ári fyrir sveitarfélagið en að auki er þátttökukostnaður 3 þúsund krónur á hvern þátttakanda. Verkefnið útheimtir staðbundin stjórnanda verkefnisins og leiðbeinanda sem heldur utan um visthópana.

Ástand í Skothúsvík.

Rætt var um óviðunandi ástand í víkinni utan Víðidalsár og var upplýst að sveitarstjóri væri að vinna í málinu og vonast umhverfisnefnd eftir upplýsingum um hvernig mál standa á allra næstu dögum.

Ályktun um sauðfjárveikivarnargirðingar í Strandabyggð.

Ef sauðfjárveikivarnir hyggjast leggja niður varnargirðingar, þá krefst Umhverfisnefnd Strandabyggðar að eigandi fjarlægi girðingarnar á sinn kostnað.

Fleira var ekki tekið fyrir á fundinum, fundargerð lesin upp og hún samþykkt.  Fundi slitið kl. 22:00

Ásta Þórisdóttir (sign)

Jón Gísli Jónsson (sign)

Lýður Jónsson (sign)

Jón Halldórsson (sign)

Eysteinn Gunnarsson (sign

7. maí 2009 á skrifstofu sveitarfélagsins kl. 20.00

Mættir voru Ásta Þórisdóttir, Jón Gísli Jónsson, Lýður Jónsson, Jón Halldórsson og Eysteinn Gunnarsson.

Fundarefni:

1. Staðardagskrá 21

2. Önnur mál

1. Farið var yfir málaflokka í Staðardagskrá 21 sem umhverfisnefnd hefur á sinni könnu. Verkefnalistar málaflokkanna frá 2008 voru skoðaðir og þeir uppfærðir bæði með nýjum verkefnum og eldri verkefnum forgangsraðað.

Skógrækt.

Ákveðið var að mælast er til þess við sveitarstjórn að hún hvetji Grunnskólann á Hólmavík til að taka þátt í Yrkju samstarfsverkefni Skógræktar Íslands og Námsgagnastofnunar, í sambandi við gróðursetningar við grunnskóla.

Verkefni 3 á verkefnalista 2008 um að fá nemendur við Landbúnaðarháskóla Íslands í hugmyndavinnu um hvar væri hægt að planta trjágróðri innan þéttbýlis Hólmavíkur var frestað og ákveðið að bíða eftir nýju aðalskipulagi.

Ákveðið var að athuga hvort skógræktarfélag Strandasýslu muni hafa áhuga á að koma að umhverfis- og hreinsunardegi í Strandabyggð með einhverjum hætti.

Lagt er til við sveitarstjórn að hún kanni áhuga íbúa á matjurtagörðum og hvort þörf sé á því að stækka garða sem eru úti í Skeljavík.

Rætt var um að skipuleggja svæði sem yrðu opin almenningi til að gróðursetja tré í.  Þetta yrði eins konar "flag í fóstur".

Skógrækt/Verkefnalisti

1. Stækka matjurtargarða í Skeljavík, ef áhugi íbúa er fyrir hendi.
2. Skógræktarverkefni Yrkju verði tekið upp í Grunnskóla.
3. Skipulagt verði svæði opið almenningi til gróðursetningar trjáa.

Leitað eftir samstarfi við Skógræktarfélag Strandasýslu um að koma að árlegum umhverfisdegi í Strandabyggð.

Hugað verði að gróðursetningu innan þéttbýlis á Hólmavík þegar nýtt Aðalskipulag er komið.

Úrgangsmál.

Óbreytt verkefnaröðun er í sambandi við úrgangsmál og hvatt er til þess að vinna við sorpmál og flokkun sorps verði hraðað eftir fremsta megni.

Lagt er til að umhverfisdagur verði haldinn í Strandabyggð í lok maí ár hvert. Skipaðir verði hverfisstjórar í hverju hverfi og rusl og annar úrgangur verði sóttur, verði þess óskað.

Úrgangsmál/Verkefnalisti

1. Útbúin verði svæðisáætlun um meðhöndlun úrgangs, samanber lög nr. 55/2003 um meðhöndlun úrgangs og landsáætlun um meðhöndlun úrgangs.
2. Útbúin verði áælun um hvernig eigi að laga núverandi uðunarstað að hertum kröfum, sbr. reglugerð nr. 738/2003 um urðun úrgangs.
3. Árlegum umhverfisdegi verði komið á í lok maí.
4. Útbúið veði lokað gámaplan með góðum flokkunarmöguleikum fyrir endurvinnanlegan úrgang.
   • Markviss fræðsla til almennings verði stöðugt í gangi, þar sem komið er á framfæri hvaða úrgangsflokka eigi að flokka sér, hvernig ganga skuli frá hverjum flokki fyrir sig og fyrirkomulag á gamaplani. Lagt er til að þessi fræðsla myndi tengjast verkefninu "Vistvernd í verki".
   • Urðunarstaðurinn verði skipulagður og lagaður (hvar á hvaða úrgangu að vera urðaður?) Skýrð  verði verkaskipting milli sveitarfélags og sorpsamlags. Þetta tengist gerð aðlögunaráætlun fyrir urðunarstaðinn.
   • Skipulag yfir urðunarstað verði skýrt; hver beri ábyrgð á staðnum. Boðleiðir verði skýrðar (hvað á að gera, hver á að gera það og hverning á að gera það?).
   • Kannaðir verði möguleika á að kurla bretti til spónaframleiðslu, t.d. fyrir hestamennsku og hænsnarækt og/eða til stígagerðar.

Fráveitumál

Óbreytt verkefnaröðun er í sambandi við fráveitumál en lögð er áhersla á að olíugildrur hjá sveitarfélaginu séu athugaðar reglulega og fylgst gaumgæfilega með vikni þeirra.

Fráveitumál/Verkefnalisti

1. Útrásir í sjó verði lengdar til að tryggja að viðtaki sé nægilega góður.
2. Ástand olíugildra hjá fyrirtækjum (s.s. vélsmiðjan, Hólmadrangur, N1, Vegagerðin, á Skeiði, ...) verði athugaðar og tryggt að þær virki sem skyldi.
   • Rotþrær verði settar á þá sveitabæi, þar sem þær vantar enn, jafnframt því sem siturlagnir verði útbúnar þar sem þær vantar.
   • Átak verði gert í að kortleggja lagnir í þorpinu og laga ástand þeirra.
   • Ástand frárennslislagna við íþróttahús verði kannað.
   • Sett verði rotþró við Vesturtún og afrennslið leitt í sjó fram.
   • Á þeim svæðum í þorpinu þar sem frárennsli fer í rotþró, verði tryggt að húsaskolp og ofanvatn sé aðskilið.

2. Önnur mál

Gámasvæði í Réttarvík þarf að komast í gagnið sem allra fyrst og að vera búið að vera búið að koma öllum gámum þangað í síðasta lagi fyrir 17. júní 2009.  Lagt er til að sveitarstjórn sendi bréf til fyrirtækja þar sem þau eru beðin um að taka til í kringum sig og virða lóðamörk.

Fleira var ekki tekið fyrir á fundinum.

Fundi slitið kl. 22: 15

Ásta Þórisdóttir (sign)

Jón Gísli Jónsson (sign)

Lýður Jónsson (sign)

Jón Halldórsson (sign)

Eysteinn Gunnarsson (sign)

1. Sjálfboðaliðaverkefni
2. Staðardagskrá 21
3. Önnur mál

Þá var gengið til dagskrár

1. Sjálfboðaliðaverkefni
Ásta Þórisdóttir formaður nefndarinnar kynnti fyrir nefndinni sjálfboðaliðastarf SEEDS. Umhverfisnefnd leggur til við sveitarstjórn að sótt verði um  að fá 10 manns í umhverfisverkefni í Strandabyggð sumarið 2009. Um er að ræða 8 manns auk 2 verkstjóra.

Verkefnið er viðhald á göngustígum í Kálfanesborgum. Sótt yrði um að hópurinn myndi starfa að verkefninu 8.-19. júní, undir leiðsögn verkstjóra sinna. Einn starfsmaður/tengiliður verður frá sveitarfélaginu og hefur hann yfirumsjón með vinnunni, stýrir verkefninu og sér um að útvega verkfæri og efni til vinnunnar. Lagt er til að hópurinn gisti í Grunnskólanum á Hólmavík, í einni til tveim skólastofum og hefði setustofu og eldhús til umráða. Hópurinn sér um matseld fyrir sig sjálfur og sveitarfélagið borgar 1200-1500 kr. pr. mann á dag.
 
Hópurinn vinnur í 2 vikur í 6-7 klst. á dag á virkum dögum, en er í fríi helgina á milli. Ætlast er til að sveitarfélagið tryggi þeim einhverja afþreyingu í frístundum, og leggjum við til að hópurinn fengi frítt í sund og í líkamsrækt, auk ákveðins tíma í íþróttasal. Það er einnig mikilvægt þar sem ekki er baðaðstaða í skólanum. Þá yrði skipulagt stutt ferðalag um nágrennið með þeim um helgina sem þau verða hér, eða leitað væri eftir einhverri afþreyingu hjá heimamönnum s.s. sjóferð eða hestaferð. Reiknað er með að afnot af skóla og íþróttahúsi sé án útgjalda og einnig að hægt væri að fá skólarútu lánaða til afnota fyrir eina stutta ferð um helgi.

Kostnaður sveitarfélagsins vegna fæðiskostnaðar:
144.000. - 180.000. kr.

Efnisþörf vegna göngustígagerðar:
Harpað efni, verkfæri s.s. hjólbörur, skóflur o.þ.h.

2. Staðardagskrá 21
Samþykkt var að mælast til þess við sveitarstjórn að hún komi málaflokkum í Staðardagskrá 21 fyrir Strandabyggð, sem samþykkt var 2.7.2008. til þeirra ábyrgðaraðila/nefnda sem tiltekið er í skýrslunni. Einnig að nefndirnar fari yfir sína málaflokka og verkefni í skýrslunni og skili umsögn sinni fyrir 15. maí 2009. Þá verður Staðardagskrá 21 fyrir Strandabyggð uppfærð og endurútgefin með hliðsjón af umsögnum nefnda. Þetta er mikilvægt til þess að skýrslan nýtist sem aðgerðar- og velferðaráætlun sveitarfélagsins. Ákveðið var að halda kynningarfund á Staðardagskrá 21 þann 31. mars nk.

Samþykkt var að leggja til við sveitarstjórn að hún fái ábyrgan og trúverðugan aðila strax til að gera svæðisáætlun um meðhöndlun úrgangs, sb. lög nr. 55/2003 um meðhöndlun úrgangs.

Samþykkt vað að leggja til við sveitarstjórn að hún sjái til þess að útbúin verði áætlun um hvernig eigi að laga núverandi urðunarstað að hertum kröfum sb. reglugerð nr. 738/2003 um urðun úrgangs, svo að ekki þurfi að koma til þess að urðunarstað verði lokað þann 16. júlí 2009.

3. Önnur mál
Engin önnur mál voru tekin fyrir.

Fundi slitið kl. 22:40

Ásta Þórisdóttir (sign)
Jón Gísli Jónsson (sign)
Lýður Jónsson (sign)
Jóhann Áskell Gunnarsson (sign)
Eysteinn Gunnarsson (sign)

Dagskrá fundarins var eftirfarandi:

1. Matslýsing vegna nýs aðalskipulags 2008-2020 fyrir Strandabyggð.
2. Önnur mál

Þá var gengið til dagskrár.

1. Matslýsing vegna nýs aðalskipulags 2008-2020 fyrir Strandabyggð. 
Lögð var fram til umfjöllunar matslýsing vegna nýs aðalskipulags fyrir árin 2008-2020 sem unnin er af Landmótun. Fundarmenn sáu engar rangfærslur eða villur í matslýsingunni og lýstu ánægju sinni með þá vinnu sem komin er.

2. Önnur mál. 
Ásta gerði grein fyrir Grænfánaverkefninu og sagði frá jarðgerðartanki sem notaður er í skólanum. Hefur tankurinn vakið mikla athygli hjá kennurum skólans sem og foreldrum nemenda og spurning um hvort hægt væri, með aðstoð sveitarfélagsins, að greiða niður kostnað við slíka jarðgerð. Má t.d. hugsa sér að sveitarfélagið greiði niður tankinn þar sem sorpmagn kemur til með að minnka umtalsvert. Er því skorað á sveitarstjórn Strandabyggðar að hefja strax vinnu við málið svo auðveldara verði fyrir íbúa að fjárfesta í slíkum tanki. 

Þá sagði Jón að eitthvað verði að gera varðandi ruslahaugana sem eru okkur til skammar. 

Fleira var ekki tekið fyrir og fundi slitið kl. 21:40.

Fundarefni:

1. Vinna við Staðardagskrá 21
2. Umhverfisviðurkenningar 17. júní 2008
3. Hreinsunarátak helgina 24. - 25. maí sl.
4. Erindi frá garðyrkjustjóra um verkefni sumarsins
5. Önnur mál

1. Vinna við Staðardagskrá 21
Farið var yfir staðardagskrá 21 fyrir Strandabyggð og gerðar síðustu lagfæringar á henni, en einungis bárust athugasemdir frá tveimur aðilum. Ragnhildur mun ganga frá skýrslunni og senda hana til baka.

2. Umhverfisviðurkenningar
Skoðaðar voru tilnefningar frá íbúum og ákveðið hverjir munu hljóta umhverfisviðurkenningar þann 17. júní. Ákveðið var að viðkomandi fengju skrautskrifað skjal.

3. Umhverfisátak 24. og 25. maí 2008
Endurskoða þarf framkvæmd hreinsunarátaks vegna hörmulegrar þátttöku íbúa. Það vantar meiri fyrirvara og lengri tíma fyrir íbúa að skipuleggja hvað gera skuli í sínum hverfum og svæðisstjóra.

4. Erindi frá garðyrkjustjóra.
Samþykkt var að hitta garðyrkjustjóra hið allra fyrsta vegna verkefna sumarsins.

5. Önnur mál.
Engin önnur mál voru tekin fyrir.

Fundi slitið kl. 23:40.
 
Samþykkt:
Ásta Þórisdóttir (sign)
Jón Halldórsson (sign)
Jón Gísli Jónsson (sign)
Eysteinn Gunnarsson (sign)

1. Staðardagskrá 21.

Fjölskyldumál, lífstíll og neysla:

• Útivist. Rætt var um hvernig væri hægt að auka áhuga fólks á útivist, til dæmis með göngustígagerð, m.a. um Óshring og fyrir ofan Kálfanes og út á Grundir.
• Reiðvegir. Samþykkt var fyrir löngu síðan af Vegagerðinni að lagður verði reiðvegur fyrir ofan Kálfanes. Umhverfisnefnd leggur til við sveitarstjórn að hún athugi hvað því verki líður og reki á eftir framkvæmdum við reiðvegi í sveitarfélaginu. Hvatt er til þess að boðið verði upp á námskeið um græn innkaup fyrir stofnanir sveitarfélagsins og fyrirtæki, á degi umhverfisins 25. apríl nk. Námskeiðið býðst sveitarfélaginu að kostnaðarlausu frá Landsskrifstofu Staðardagskrár 21.
• Leikvellir barna. Full þörf er á að lagfæra leikvelli, t.d. við Höfðatún. Fyrirhugað er að endurbæta leikvöll við skóla í sumar.
• Það vantar betri aðgang að merki Stefáns frá Hvítadal og athuga hvort hægt væri að merkja gönguleið frá söluskála KSH þangað niðureftir.

• Félagsheimilið hefur fengið upplyftingu á síðustu mánuðum, en vantar betri nýtingu. Full ástæða er fyrir sveitarfélagið að halda áfram að eiga og reka félagsheimili og reyna að koma meiri starfsemi í húsið og skipuleggja nýtingu þess.
• Full ástæða er til að gera áætlun um viðhald á húsnæði í eigu sveitarfélagsins, til að spara peninga sem fara annars í handahófskennt viðhald.
• Rætt var um sameiginleg innkaup sveitarfélagsins og að hægt væri að hagræða með auknu samráði.
• Aukin ábyrgð stjórnenda. Með rammafjárlögum færist aukin ábyrgð á millistjórnendur sem er mjög gott að mati Umhverfisnefndar. Gríðarlega mikilvægt er að gera góða áætlun um framkvæmdir á vegum sveitarfélagsins til að minnsta kosti 3ja ára til að auka skilvirkni og sparnað í verkefnum.

• Rætt var um að gera könnun meðal íbúa hvaða afþreyingu fólki finnst vanta í sveitarfélagið.
• Það vantar varanlegt húsnæði fyrir félagsstarf eldri borgara.
  

2. Önnur mál
Engin önnur mál voru tekin fyrir.

Fundi slitið kl. 22:36

Fundarritari: Jón Gísli Jónsson

Dagskrá fundarins var eftirfarandi:

1. Vinna við Staðardagskrá
2. Önnur mál

1. Vinna við Staðardagskrá

• Skipulagsmál voru fyrsta mál á dagskrá. Rætt var um skipulag í bænum, gönguleiðir og opin svæði auk framboðs á byggingalóðum.
• Umferð og flutningar. Fjallað var um hávaða frá flutningabílum á hvíldartímum og hvort þörf væri á að úthluta til rekstraraðila þeirra lóð til að þjónusta þá á, sem væri ekki nálægt íbúabyggð. Rætt um snjómokstur og lokanir á götum o.fl.
• Menningarminjar. Rætt um gamla skólann og óviðunandi ástands hans í dag. Þá var rætt um mikilvægi þess að gömul örnefni glatist ekki og að endurskoða þurfi örnefnaskrá. Örnefni í sveitarfélaginu þurfa að vera aðgengileg almenningi, s.s. á útgefnum kortum eða á skiltum út við vegi. Sögustaði þarf að merkja, sambærilegt verkefninu "Sagnareki". Þá var rætt um Arnkötlu 2008 og þau verkefni sem þar eru að fara að stað í sambandi við fugla- og náttúruskoðun. Rætt var um hvaða sérstöðu Strandir hafa í matarmenningu og hvort það væri menningarminjar sem við ættum að vinna með. Nefndin var sammála um að full þörf væri á að stofna og koma á laggirnar Héraðsskjalasafni.
• Fræðslumál. Rætt var um fjarnámsver en það er að verða tilbúið. Huga þarf áfram að húsnæði tónskóla og finna lausnir þar. Rætt var um gjaldfrjálsan leikskóla, en það hefur ekki gefist vel í þeim sveitarfélögum sem hafa reynt það. Full þörf er á að koma á námskeiði fyrir fyrirtæki í sveitarfélaginu, sem tæki á innkaupum, efnanotkun og umhverfismálum almennt. 
• Rætt var um hvernig áframhald verði á vinnu Staðardagskrár. Ákveðinn næsti fundur miðvikudaginn 5. mars 2008 og stefnt að því að reyna að fá Atvinnumálanefnd til að funda sama dag um atvinnumálin.

2. Önnur mál
Engin önnur mál voru tekin fyrir.

Fundi slitið kl. 23:00.

Fundarritari Jón Gísli Jónsson.