• 1. Innra mat skólaárið 2010-2011 (Tilboð frá Menntamálaráðuneytinu um ráðgjöf við gerð innra mats. Taka þarf afstöðu fyrir 2. júní).
• 2. Umsjónarkennsla og fyrirkomulag á kennslu ýmissa greina næsta haust.
• 3. Auglýsing vegna lausra starfa.
• 4. Stuðningur við nemendur með sérþarfir næsta skólaár.
• 5. Bréf frá Gunnari Melsted þar sem hann tilkynnir uppsögn sína
• 6. Önnur mál.

Ester setti fundinn og Kristján byrjaði að þakka fyrir samstarfið bæði sem skólastjóri og aðstoðarskólastjóri og heldur nú í námsleyfi.

1. Mál tekið fyrir sem varðar innra mat grunnskólans, Bjarni tilkynnti að hann hefði tilkynnt þátttöku okkar við verkefnið sem er okkur að kostnaðarlausu og samþykkir skólanefnd hana einróma.
 
2. Umsjónarkennsla og fyrirkomulag á kennslu ýmissa greina næsta haust. Farið yfir fylgiskjal og fyrirkomulagið útskýrt nánar og samþykkir skólanefnd það einróma.

 
3. Starfsmannaráðningar. Lögð fram auglýsing sem birt var í Fréttablaðinu 29. maí síðastliðinn, á strandir.is og strandabyggd.is og hún rædd, umsóknarfrestur er til 20. júní næstkomandi.

Kristján vék af fundi.

4. Varðandi þörf á stuðningi við nemendur með sérþarfir næsta skólaár. Bjarni útskýrði þörfina fyrir hann og vill Skólanefnd að sveitarstjórn tryggi að þeir nemendur sem á honum þurfi að halda fái hann. Lögð fram skýrsla frá stuðningsfulltrúa til kynningar.

 
5. Bréf frá Gunnari Melsted þar sem hann tilkynnir uppsögn sína. Gunnar segir upp vegna umsóknar hans um annað starf og óskar Skólanefnd honum velfarnaðar í því starfi og þakkar honum störfin hjá Grunnskólanum á Hólmavík.

 
6. Önnur mál.

a) Skólanefnd vill hvetja skólastjórnendur og nýja skólanefnd til endurskoðunar á eineltisáætlun skólans. Vilja nýir skólastjórar þá láta bóka að þeir hafi nú þegar hafið umræður og undirbúning við að afla upplýsingar um þær eineltisáætlanir sem viðkenndar eru í íslensku skólastarfi og unnið verður í nánu samstarfi við skólaumhverfið um að velja réttu leiðina fyrir Grunnskólann í þessum málaflokki.

  
b) Formaður Skólanefndar vill benda sveitastjórn á að senda nýja Skólanefnd á námskeið varðandi vinnu og skyldu nefndarinnar.

 
c) Skólanefnd vill skora á nýja sveitastjórn að efla þá góðu þjónustu sem veitt hefur verið í skólastarfinu og hún verði ekki skert.

 
d) Skólanefnd vil óska skólanum til hamingju og lýsa velþóknun sinni á þeim heiðri skólans að Grænfánanum sé nú flaggað við skólann.

 
e) Skólanefnd vill þakka nemendum Tónlistarskólans fyrir stór góða tónlistarhátíð og þakkar um leið kennurum Tónlistarskólans fyrir vel unninn störf og Kristjáni Sigurðssyni og Arnari S. Jónssyni fyrir gott starf í uppsetningu og umgjörð hennar.

 
f) Formaður Skólanefndar vil lýsa ánægu sinni með Galakvöld sem haldið var í samstarfi foreldra og nemenda í 8.-10. bekk  Þar mættu nemendur í sínu fínasta pússi og báru foreldrar þrírétta máltíð fyrir þau og að lokinni máltíð var stiginn dans.

g) Og að lokum vil Skólanefnd þakka ánægjulegt starf við skólastjórnendur, sveitarstjórn og sveitarstjóra á tímabilinu.

Fleira ekki tekið fyrir, fundargerð lesin upp og hún samþykkt. Fundi slitið kl. 19:30.

Bjarni Ómar Haraldsson (sign)                     
Hildur Guðjónsdóttir (sign)

Ester Sigfúsdóttir (sign)                               
Jóhann Áskell Gunnarsson (sign)      
Ingimundur Pálsson (sign)                           
Sverrir Guðbrandsson  (sign)             

Steinunn Þorsteinsdóttir (sign)                     

Gunnar Melsted (sign)

ATH: Fundargerðin var tekin fyrir á fundi sveitarstjórnar 15. júní 2010. 
  

1.    Ráðning aðstoðarskólastjóra.

2.    Önnur mál.

Þá var gengið til dagskrár.

1.    Ráðning aðstoðarskólastjóra. Ester Sigfúsdóttir tók ekki þátt í umræðunni vegna tengsla við umsækjanda.  Aðeins barst ein umsókn um stöðu aðstoðarskólastjóra og var umsækjandinn Hildur Guðjónsdóttir kennari við skólann.  Bjarni Ómar telur sig vel geta unnið með Hildi og hefur eingöngu góða reynslu af samstarfi við hana enda fara hugmyndir þeirra varðandi skólastarfið vel saman.  Eftir að hafa rætt um umsóknina var Hildur boðuð á fund nefndarinnar svo ræða mætti hennar áherslur og væntingar varðandi starfið.  Hildur kynnti fyrir nefndinni helstu hugmyndir sínar og lagði áherslu á að tenging skólans við listgreinar sé að hennar mati afar mikilvæg.  Aðspurð sagðist hún vera ábyrgðarfull, með mikinn metnað og eldmóð og eiga mjög gott með mannleg samskipti.  Hefur hún átt gott samstarf við aðra kennara, foreldra sem og nemendur sína.  Kom fram í hennar máli að mikill metnaður er um að gera góðan skóla enn betri og treystir sé mjög vel til starfans með Bjarna Ómari.  Telur Hildur það afar mikilvægt að hlustað sé á foreldra og tekið tillit til þeirra skoðanna, þ.e. virkt foreldrasamstarf, og eru þau Bjarni Ómar alveg sammála um þá stefnu.  Þá er afar mikilvægt að halda vel utan um starfsmenn skólans sem er mjög góður og þéttur hópur.  Nefndin þakkar Hildi og Bjarna Ómari fyrir upplýsingarnar og viðræðurnar og véku þau af fundi.  Nefndin samþykkir samhljóða að mæla með Hildi Guðjónsdóttur í starf aðstoðarskólastjóra við Grunn- og Tónskóla Hólmavíkur.

2.    Önnur mál. 
a) Trúnaðarmál, fært í trúnaðarbók. 

b)   Borist hefur bréf frá Hrafnhildi Guðbjörnsdóttur þar sem hún fer þess á leit við nefndina að fá skriflegt svar með faglegum skýringum varðandi umsókn hennar um starf skólastjóra. Ester Sigfúsdóttir víkur af fundi þar sem hún tók ekki þátt í ráðningarferlinu. Nefndin þakkar Hrafnhildi fyrir bréfið og vill taka það skýrt fram að ákvörðun um tillögu til sveitarstjórnar um skólastjóra Grunn- og Tónskólans á Hólmavík hafi verið afar erfið þar sem báðir umsækjendur voru mjög svo hæfir. Sveitarstjóra er falið að svara bréfi Hrafnhildar í samræmi við umræður.

Fleira ekki tekið fyrir, fundargerð lesin upp og hún samþykkt. Fundi slitið kl. 19:10.

Jóhann Áskell Gunnarsson (sign)         
Ingimundur Pálsson (sign)

Steinunn Þorsteinsdóttir (sign)         
Ester Sigfúsdóttir  (sign)

Sverrir Guðbrandsson  (sign)                  
Ásdís Leifsdóttir  (sign)

• 1. Ráðning skólastjóra.

Búið var að boða til viðtals þá tvo umsækjendur sem sótt höfðu um stöðu skólastjóra Grunn- og Tónskólans á Hólmavík.  Var búið að semja 5 spurningar sem leggja átti fyrir umsækjendur og mætti fyrst Bjarni Ómar Haraldsson.  Voru spurningarnar lagðar fyrir hann og honum síðan gefinn kostur á að koma með lokaorð.  Að því loknu mætti Hrafnhildur Guðbjörnsdóttir og voru sömu spurningar lagðar fyrir hana og henni síðan gefið tækifæri til að koma með lokaorð.

Fundarmenn voru sammála um að erfitt væri að gera upp á milli þessarra tveggja mjög svo hæfu einstaklinga en eftir umræður var það samþykkt samhljóða að gera tillögu til sveitarstjórnar um að Bjarni Ómar Haraldsson verði ráðinn skólastjóri.

Fleira var ekki tekið fyrir, fundagerð lesin upp og samþykkt.  Fundi slitið kl. 21:50.

Jóhann Áskell Gunnarsson (sign)       Ingimundur Pálsson (sign)

Steinunn Þorsteinsdóttir (sign)                       Halldór Jónsson (sign)

Sverrir Guðbrandsson  (sign)                          Ásdís Leifsdóttir  (sign)

Dagskrá fundarins var eftirfarandi;

1. Ráðning skólastjóra.
2. Trúnaðarmál.
3. Önnur mál

Þá var gengið til dagskrár.

1. Ráðning skólastjóra.  Alls bárust tvær umsóknir um stöðu skólastjóra en umsækjendur eru Bjarni Ómar Haraldsson og Hrafnhildur Guðbjörnsdóttir sem bæði starfa við skólann.  Farið var yfir umsóknirnar og þær bornar saman við auglýsingu um starfið.  Ákveðið var að boða umsækjendur í viðtal eins fljótt og auðið er.
2. Trúnaðarmál.  Trúnaðarmál fært í trúnaðarbók.
3. Önnur mál.  Engin önnur mál.

Fleira var ekki tekið fyrir, fundagerð lesin upp og samþykkt.  Fundi slitið kl. 21:50.

Ester Sigfúsdóttir (sign)                      Ingimundur Pálsson (sign)

Steinunn Þorsteinsdóttir (sign)            Halldór Jónsson (sign)

Jóhann Áskell Gunnarsson (sign)          Sverrir Guðbrandsson  (sign)             

Ásdís Leifsdóttir  (sign)

Dagskrá fundarins var eftirfarandi;

1. Ráðning skólastjóra.
2. Önnur mál

Þá var gengið til dagskrár.

1. Ráðning skólastjóra.  Búið er að auglýsa eftir skólastjóra Grunn- og Tónskóla Hólmavíkur og er umsóknarfrestur til 30. apríl 2010.  Enn hefur engin umsókn borist en skólanefnd telur afar mikilvægt að vandað verði sérstaklega valið og sá aðili sem ráðinn verði passi vel inn í núverandi starfsmenningu og sé jákvæður gagnvart áframhaldi samrekstri Grunn- og Tónskóla Hólmavíkur.  Leitað skal eftir einstaklingi með menntun og reynslu í kennslu.  Hvetur skólanefnd sveitarstjórn til að ganga frá með formlegum hætti samrekstur Grunn- og Tónskólans á Hólmavík.
2. Önnur mál.  Trúnaðarmál, fært í trúnaðarbók.  Borist hefur bréf frá Victori Erni Victorssyni þar sem hann segir upp störfum sem skólastjóri um leið og hann þakkar nemendum, samstarfsfólki, foreldrum, skólanefnd og sveitarstjórn ánægjulegt samstarf á starfstíma sínum sem aðstoðarskólastjóri og skólastjóri við Grunnskólann og Tónskólann á Hólmavík.  Skólanefnd þakkar Victori fyrir gott samstarf á liðnum árum og óskar honum velfarnaðar á nýjum vettvangi.  Að endingu vill skólanefnd óska nemendum Grunn- og Tónskólans hjartanlega til hamingju með sýninguna Grease.

Fleira var ekki tekið fyrir, fundagerð lesin upp og samþykkt.  Fundi slitið kl. 18:35.

Ester Sigfúsdóttir (sign)                      Ingimundur Pálsson (sign)

Gunnar Melsted (sign)                        Kristinn Schram (sign)

Jóhann Áskell Gunnarsson (sign)       Sverrir Guðbrandsson  (sign)             

Ásdís Leifsdóttir  (sign)

Dagskrá fundarins var eftirfarandi;

1. Ráðning skólastjóra.
2. Önnur mál

Þá var gengið til dagskrár.

1. Ráðning skólastjóra.  Auglýsa þarf eftir skólastjóra þar sem Victor Victorsson ætlar ekki að koma til starfa í haust þegar leyfi hans lýkur.  Victor hefur ekki sent inn uppsagnarbréf en segir að það muni koma á næstu dögum.  Samþykkt var að setja auglýsingu sem birtast skal næstu helgi þar sem auglýst er eftir skólastjóra til frambúðar og aðstoðarskólastjóra tímabundið í eitt ár vegna námsleyfis og er skólastjórnendum falið að semja auglýsingu þess efnis. 
2. Önnur mál.  Gengið hefur afar vel að æfa Grease og er frumsýning fyrirhuguð fimmtudaginn 25. mars n.k.  Er mikil þátttaka hjá krökkunum og hafa allir efri bekkingar hlutverki að gegna í leiksýningunni.  Þá er búið að sækja um grænfánann og er von til þess að umsóknin verði tekin fyrir í apríl og vonandi að hægt verði að flagga fánanum fyrir skólalok.

Fleira var ekki tekið fyrir, fundagerð lesin upp og samþykkt.  Fundi slitið kl. 18:45.

Ester Sigfúsdóttir (sign)                      Ingimundur Pálsson (sign)

Steina Þorsteinsdóttir (sign)                Kristinn Schram (sign)

Jóhann Áskell Gunnarsson (sign)        Kristján Sigurðsson (sign)

Bjarni Ómar Haraldsson (sign)           Gunnar Melsted (sign)                       

Ásdís Leifsdóttir  (sign)

Dagskrá fundarins var eftirfarandi;

1. Skipulag skólaársins.
2. Önnur mál

Þá var gengið til dagskrár.

1. Skipulag skólaársins.

Kristján kynnir skóladagatal ársins 2010-2011. Það vantar tíma inn á fyrir skólabúðir sem líklega verða í febrúar, sem verður sett inn þegar svar kemur.  2 dagar verða teknir í vetrarfrí.  Þá verður hægt að ná tilskyldu tímamagni og byrja í enda ágústs og enda á svipuðum tíma og undanfarin ár eða í byrjun júní.  Eftir umræður um skóladagatalið var það samþykkt samhljóða.

Kristján kynnir bekkjarskiptingu og tímamagn eins og það er áætlað og bendir á að 8. Og 9. Bekkur (tilvonandi) verða meira í samkennslu.  Nemendafjöldi næsta árs er áætlaður 81 nemandi.  Í skólaráði kom upp hugmynd um skiptingu að taka 5 ára með inn í skólann og að þeir yrðu að einhverju leiti með 6 ára nemendum. Kynntar voru aðrar hugmyndir varðandi skiptingu tilvonandi annars bekkjar sem komið hafa upp.  En ef þeir tveir nemendur sem fyrirséð er að hefji skólagöngu í haust, koma eingöngu inn þá verður tímamagnið eins og sótt er um. 

Skólanefnd samþykkir umsótt tímamagn með fyrirvara. 

Vegna hugmyndar og umræðu um að taka 5 ára nemendur inn í skólann vill Skólanefnd bóka eftirfarandi: Að leikskólanefnd hittist og taki afstöðu til hugmyndarinnar. Sé vilji leikskólanefndar og sveitarstjórnar til þess að hugmyndin verði skoðuð nánar, verði  það hlutverk sveitarstjórnar að skipa nefnd sem hefur það hlutverk að fara yfir kosti og galla þessara hugmynda.  Lagt er til að Bjarni Ómar og Vala Friðriksdóttir verði skipuð í þessa nefnd frá grunnskólanum ásamt fulltrúa frá leikskólanum og leikskólanefnd, skólanefnd og/eða öðrum hagsmunaðilum. 

1. Önnur mál. 

Tónskólinn - Barbara farin í barneignarfrí.  Stefán og Viðar skipta með sér þeim nemendum sem hún kennir.  Hún hefur sinnt stundakennslu í grunnskólanum, Victor Örn mun leysa það af.  Kennsla í tónskólanum mun í vor verða með óhefðbundnu sniði ásamt áheyrnaprófum nemenda, vegna barneignaleyfis Viðars.

Varðandi kennslu  Viðars  og Barböru í haust er möguleiki á að fá afleysingarkennara í tónlistarkennslu.

Eins er líklegt að búið sé að festa íþróttakennara fyrir næsta haust.

Kristján nefnir að lokum að það þurfi að fara að huga að framhaldsdeild fyrir ungmenni á svæðinu.  Það væri möguleiki að fara í samstarf við Reykhóla og Dalina og yfir á Drangsnes.  Hentugt væri til dæmis að hafa þessa deild starfsrækta í Tjarnalundi eða Vogalandi sem væri miðsvæðis.  Mælist nefndin til þess að sveitarstjórn skipi starfsmann sem hefði það hlutverk að skipuleggja hugmyndir þessa efnis og hefja viðræður við hlutaðeigandi sveitarstjórnir.

Ester spurði um það hvort einhver reynsla væri komin á það að hafa samband við Kristján (2.bekk) til heimils í Ísafjarðardjúpi í gegnum tölvu á samskiptaforritinu skype. Vegna þeirra daga þegar hann er frá skóla vegna veðurs. Það er tilbúið á báðum endum, grunnskólanum og heima hjá honum en það hefur ekki komið til þess að það sé prófað. 

Kristinn nefndi einnig annað samskiptaforrit Netviewer sem er auðvelt og þægilegt til að hafa samskipti sín á milli. 

Kristján nefnir það að boðað verði til fundar varðandi næsta ár, þegar Victor hefur tekið ákvörðun um það hvort hann hefur störf aftur eftir ársleyfi eða ekki.  Varðandi það að hægt sé að taka ákvörðun  hvaða störf þurfi að auglýsa fyrir næsta haust.

Nefndir allir þeir atburðir sem nemendur héðan taka þátt í sem eru fjölmargir hvort sem er í grunn- eða tónskóla. 

Fleira var ekki tekið fyrir, fundagerð lesin og samþykkt.  Fundi slitið kl. 19:40.

Ester Sigfúsdóttir (sign)                      Ingimundur Pálsson (sign)

Sverrir Guðbrandsson (sign)               Halldór Jónsson (sign)

Jóhann Áskell Gunnarsson (sign)        Kristján Sigurðsson (sign)

Bjarni Ómar Haraldsson (sign)           Gunnar Melsted (sign)

Kristinn Schram (sign)

Dagskrá fundarins var eftirfarandi;

1. Trúnaðarmál.
2. Starfsmannamál - ráðning stuðningsfulltrúa.
3. Önnur mál

Þá var gengið til dagskrár.

1. Trúnaðarmál. Fært í trúnaðarbók.
2. Starfsmannamál - ráðning stuðningsfulltrúa.   Sótt hefur verið til sveitarstjórnar Strandabyggðar leyfi til að ráða í 50% stöðu í sérverkefni til reynslu í fjóra mánuði.  Verði reynslan góð er ekki ólíklegt að sótt verði um fasta stöðu kennsluárið 2010 - 2011 og yrði þá staðan auglýst.  Hins vegar verður ekki auglýst nú þar sem um tilraunaverkefni er að ræða í stuttan tíma.   Þá hefur borist bréf frá Kristjáni Sigurðssyni skólastjóra þar sem hann sækir um launalaust leyfi til eins árs til að sækja nám í tónmennt og stjórnun við Háskóla Íslands.  Gerir Kristján ráð fyrir að koma aftur sem aðstoðarskólastjóri að þeim tíma liðnum.  Skólanefnd samþykkir fyrir sitt leyti leyfið.
3. Önnur mál.  Bjarni Ómar greindi frá því að nýju tölvurnar eru að verða tilbúnar og er mikil breyting á vinnuaðstöðu  Er Sigurði Marinó Þorvaldssyni þakkað fyrir frábært og vel unnið starf, bæði hvað varðar kaup og uppsetningu á tölvunum.  Þá lagði Kristján fram skóladagatal 2010 - 2011 ásamt tímamagni fyrir Grunn- og Tónskólann á Hólmavík.  Þá greindi Bjarni Ómar frá því að hann hefði lokið námi um áramótin og var lokaverkefni hans um sameiningu Grunn- og Tónskólans.  Ætlar Bjarni Ómar að gefa sveitarstjóra og sveitarstjórn eintak af ritgerðinni sem og Héraðsbókasafninu.  Þá geta nefndarmenn fengið ritgerðina senda í tölvupósti.  Að endingu greindi Kristinn frá því að áhugi væri hjá foreldrum grunnskólabarna að fá einhvern til að fræða börn og fullorðna um einelti.  Sögðu Kristján og Bjarni Ómar að árlega væri einhver fræðsla í skólanum um þetta málefni.   Hvatt er til að hafa samband við samtökin Heimili og skóla til að fá einhvern á þeirra vegum.

Fleira var ekki tekið fyrir, fundagerð lesin og samþykkt.  Fundi slitið kl. 19:45.

Dagskrá fundarins var eftirfarandi;

1. Starfsmannamál.
2. Önnur mál.

Þá var gengið til dagskrár.

1. Starfsmannamál.  Þrjár umsóknir bárust um starf við liðveislu og eftir umfjöllun var ákveðið að ganga til samninga við Jóhönnu Hreinsdóttur iðjuþjálfa og hún ráðin í starfið.  Ekki var sótt um stöðu íþróttakennara en búið er að leysa það mál og mun Jóhanna Ása Einarsdóttir sjá um kennsluna að mestu leyti í vetur.  Þár er búið að ráða Stefán S. Jónsson sem tónlistarkennara í vetur og mun hann kenna yngri nemendum sem og halda utan um hljómsveitastarfið.
2. Önnur mál.  Kristján greindi frá því að Skólaskjólið yrði starfrækt innan veggja skólans í vetur en erfitt sé að finna því pláss.  Það verði hins vegar leyst innan skólans áður en starfsemi hans hefst í haust.  Þá greindi Bjarni Ómar frá því að búið hafði verið að safna 305 þús. kr. fyrir flygli þegar Verkalýðsfélag Vestfjarða, af miklum rausnarskap, veitti 745 þús. kr. styrk til kaupanna.  Nefndin sendir Verkalýðsfélaginu sínar bestu þakkir fyrir höfðinglega gjöf.  Stefnt er að því að kaupa flygil nú í haust og verður mikil viðhöfn þegar hann kemur.  Þá lagði Ester fram nýjar reglugerðir um skólahald, skólaakstur og aðbúnað í skóla.  Þá greindi Ásdís frá því að búið væri að semja um skólaakstur fyrir næsta skólaár og er ætlunin að setja upplýsingar um skólaaksturinn inn á Mentor vefinn sem og vef sveitarfélagsins.

Fleira var ekki tekið fyrir, fundagerð lesin og samþykkt.

Fundi slitið kl. 19:45.

Ester Sigfúsdóttir (sign)

Jóhann Á. Gunnarsson (sign)

Bjarni Ó. Haraldsson  (sign)

Sigríður Jónsdóttir  (sign)

Ingimundur Pálsson  (sign)

Kristján Sigurðsson  (sign)

Ásdís Leifsdóttir  (sign)

Fundur settur kl. 17:00.

1.mál.

Starfsmannaráðningar.  Ein umsókn barst um stöðu aðstoðarskólastjóra, Bjarni Ó. Haraldsson sækir um stöðuna.  Skólanefnd mælir með að Bjarni verði ráðinn.  Þá barst ein umsókn um stöðu stuðningsfulltrúa en tekin er sú ákvörðun að auglýsa aftur eftir starfsmanni með uppeldismenntun og/eða reynslu af börnum með sérþarfir.  Þá þarf einnig að auglýsa eftir tónlistarkennara í stað Bjarna, verði hann ráðinn sem aðstoðarskólastjóri, og einnig auglýsa aftur eftir íþróttakennara.

2.mál.

Önnur mál.  Engin önnur mál.

Fundagerð lesin og samþykkt.

Fundi slitið kl. 17:40.

Ester Sigfúsdóttir (sign)

Jóhann Á. Gunnarsson (sign)

Jóhanna Ragnarsdóttir  (sign)

Steinunn Þorsteinsdóttir  (sign)

Kristján Sigurðsson  (sign)

Ásdís Leifsdóttir  (sign)