3. Hamingjudagar, uppgjör og niðurstaða.

Kristín Einarsdóttir kom á fundinn og kynnti skýrslu sína um hátíðina. Fram kom í umræðum að ekki telur nefndin þörf á að fara í markvissara auglýsingaátak þar sem kostnaður er gífurlegur og þetta er auglýst vel í nágrannasveitarfélögum og hjá heimamönnum og gestum þeirra. Nokkur umræða var um dagskrá og skipulag hátíðarinnar. Eins gerir framkvæmdastjóri þá tillögu að ráðinn sé framkvæmdastjóri strax að hausti í einhvers konar hlutastarf, frekar en að hann sé ráðinn að vori.

Umræður voru um að auka sjálfboðaliðastarf og deila jafnvel verkefnum niður á hverfin. Rætt var um að auka framboð í sölubásum og hvetja heimamenn til að selja vörur sínar líkt og á bændamörkuðum. Allnokkrar umræður voru um dagskráratriði og fyrirkomulag á kökuhlaðborði sem og viðburðum á laugardagskvöldi. Verður þetta allt tekið til nánari skoðunar með næsta framkvæmdastjóra. Menningarmálanefnd þakkar framkvæmdastjóra vel unnin störf og jafnframt þakkar framkvæmdarstjóri menningarmálanefnd fyrir samstarfið.

Í framhaldi af umræðum um starfstíma framkvæmdarstjóra vill menningarmálanefnd koma með eftirfarandi tillögu: "Menningarmálanefnd mælir með því að framkvæmdastjóri Hamingjudaga verði ráðinn í hlutastarf, að lágmarki í 9 mánuði, þannig að hann hefji störf í september og laun dreifist þar með á lengri tíma."

Eftir nokkrar umræður var ákveðið að halda Hamingjudaga á næsta ári í 26. viku sumars eða á tímabilinu 30. júní – 3. júlí.

4. Önnur mál.
Nú í haust verður 100 ára afmæli skólahalds á Hólmavík og hefur komið upp sú hugmynd að setja upp ljósmyndasýningu í tilefni þess. Menningarmálanefnd langar að hvetja sveitarstjórn til að koma uppsetningu á sýningu um sögu skólans í máli og myndum í réttan farveg.

Fundargerðin lesin upp og samþykkt samhljóða. Fleira ekki fyrir tekið og fundi slitið kl. 20.00.

Salbjörg Engilbertsdóttir (sign)

Jón Alfreðsson (sign)

Lýður Jónsson (sign)

Steinunn Þorsteinsdóttir (sign)

Ester Sigfúsdóttir (sign)

ATH: Fundargerðin var tekin fyrir á fundi sveitarstjórnar 27. júlí 2010.

Dagskrá fundarins:

1. Það sem komið er í dagskrá Hamingjudaga.

2. Ýmsir lausir endar vegna Hamingjudaga.

3. Önnur mál.

4. Menningarverðlaun 2010.

Ákveðið var að taka liði 1. og 2. saman þar sem að þeir skarast mjög mikið.

1. og 2. Dagskrá Hamingjudaga og lausir endar:

- Tónleikar verða með Geirmundi Valtýssyni á Cafe Riis á laugardagskvöldinu. Lenda á sama tíma og hnallþóruborðið og hólmvískir hamingjutónar.

- Brynja Bjarnfjörð verður með ljósmyndasýningu á Furuvöllum ( Gamli fiskmarkaðurinn). Athugað verður hvort ekki verður hægt að setja fleiri atburði þar inn líka.

- Gunnlaugur Bjarnason ætlar að sjá um fjöldasöng við varðeldinn, sér sjálfur um hljóðkerfið. Uppistand Gísla og Rögnvaldar verður líka við varðeldinn, sem munu sjá um inntökupróf fyrir laglausa kórinn þar.

- Einn keppandi hefur skráð sig í sögkeppni barna. Skráningarfrestur er til 29. júní. Rætt var hvort væri betra að hafa lifandi undirspil eða karaoke og allir voru sammála um að lifandi undirspil væri betra, Kristín ætlar að finna einhvern.

- Dagskráin er tilbúin fyrir dagskemmtun.

- Spurning er með hljóðkerfismál ef hamingjutónarnir verða inni í fiskmarkaði, Daníel telur þó að það verði ekkert mál. Væri einnig hægt að hafa hnallþóruhlaðborð og ljósmyndasýningu Nonna inni í fiskmarkaði en hamingjutóna á útisviðinu.

- Ekkert hefur frést af veifumálum sem eldri borgarar voru fengnir í. Jafnframt vantar einhvern í uppáhellingar, Rúna Stína býður sig fram í það og ætlar að reyna að fá einhverja með sér.

- Spákonan er ekki alveg búin að gefa fast svar.

- Ekki hefur borist svar frá Kötlu um gjafir vegna kökuverðlauna.

- Sagnatjaldið er í vinnslu hjá Leikfélagi Hólmavíkur, væri hægt að staðsetja það á Furuvöllum.

- Gengur illa að ná í fólk hjá Flugstoðum vegna leyfis til að nota aðstöðuhúsið við flugvöllinn.

- Áhaldahússtarfsmenn ætla að sjá um að gera vagninn kláran fyrir sviðið.

- Blöðrubirgðir eru farnar að minnka, þarf að panta.

3. Önnur mál:

a) Salbjörg Engilbertsdóttir hefur þrýst á þátttöku í vinabæjarmóti en þó er óvíst hvað verður.

b) Gjörningurinn sem var í félagsheimilinu varð en minni en átti að vera, vegna óviðráðanlegra aðstæðna.

c) Ályktun frá menningarmálanefnd:

Menningarmálanefnd vill þakka fráfarandi sveitarstjórn Strandabyggðar fyrir samstarfið. Hvetur nefndin komandi sveitarstjórn til að standa eins vel við bakið á menningarstarfi í sveitarfélaginu. Óska nefndarmenn komandi menningarmálanefnd velfarnaðar í starfi sínu á kjörtímabilinu.

d) Kristín Sigurrós Einarsdóttir vill þakka menningarmálanefndinni fyrir frábært samstarf við undirbúning Hamingjudaga.

4. Menningarverðlaun 2010:

4 tilnefningar bárust til menningarverðlauna 2010 frá bæjarbúum. Jón Halldórsson víkur af fundi og Kristín Einarsdóttir tekur sæti hans á meðan fjallað er um þessi mál. Ákveðið var að veita öllum tilnefndum viðurkenningar. Mjög erfitt var að velja á milli tilnefndra því allir áttu þeir verðlaunin meira en skilið. Jón kemur aftur á fundinn.

Einnig var ákveðið að veita Sigurði Atlasyni sérstaka viðurkenningu fyrir sín frábæru störf að menningarmálum í gegnum tíðina og ekki síst á síðustu tíu árum sem framkvæmdastjóri Strandagaldurs, sem fagnar 10 ára afmæli á þessu ári.

Fleira ekki gert, fundi slitið kl. 19.45.

Kristín Sigurrós Einarsdóttir (sign)    
Jón Halldórsson (sign)

Rúna Stína Ásgrímsdóttir (sign)   
Jóhanna Ása Einarsdóttir (sign)

Salbjörg Engilbertsdóttir (sign)  
Guðrún Guðfinnsdóttir(sign)
 

Dagskrá fundarins:

1. Vinabæjarmót haustið 2010.

2. Hamingjudagar, dagskrá.

3. Önnur mál

1. Vinabæjarmót haustið 2010.  
Eins og áður hefur komið fram (sjá fundargerð frá 21. apríl 2010) hefur borist boð á vinabæjarmót í Tanum í Svíþjóð í september. Menningarmálanefnd langar að hvetja nýja sveitarstjórn til að taka ákvörðun sem fyrst, miðað við fyrri umræður nefndarinnar varðandi hvort senda eigi fulltrúa á mótið.

2. Hamingjudagar. 
Farið var yfir dagskrána varðandi tímasetningar og rætt ítarlega um hana. Er dagskráin að verða nokkuð tilbúin og aðeins örfá atriði sem eru ófrágengin.

3. Önnur mál.

Næsti fundur: Ákveðið að halda fund aftur fimmtudaginn 24. júní, klukkan 17:00.   
 

Fleira ekki gert, fundi slitið kl. 19.00.

Kristín Sigurrós Einarsdóttir (sign)   
Jón Halldórsson (sign)

Rúna Stína Ásgrímsdóttir (sign)       

Salbjörg Engilbertsdóttir (sign)

  
ATH: Fundargerðin var tekin fyrir á fundi sveitarstjórnar Strandabyggðar 29. júní 2010.
 

Dagskrá fundarins:

1.    Gjörningur í félagsheimilinu

2.    Hamingjudagar

3.    Önnur mál

1. Séra Gunnar í Digranesi hefur spurst fyrir um hvort hægt sé að fá félagsheimilið endurgjaldslaust til að hafa gjörning. Gjörningurinn yrði opinn öllum og frítt inn. Er þetta hópur sem kemur og er með mótorhjólamessu fyrr um daginn. Mælir menningarmálanefnd með því að félagsheimilið verði lánað endurgjaldslaust fyrir þessa dagskrá.

2.  Hamingjudagar það sem er komið eða þarf að skoða nánar:

    A. Börnin: Kristín hefur leitað tilboða til hopp og skopp í sambandi við hoppukastala. Einnig hefur hún haft samband við starfsmann skemmtigarðsins sem benti henni á starfsmanninn sem sér um þetta hjá þeim. Starfsmaðurinn taldi að þeir tækju ekki fast verð heldur einungis innkomu.

    B. Afþreying: Go kart og paintball fólk er ekki tilbúið að koma, þar sem að kostnaðurinn væri of mikill miðað við innkomu.

   C.  Hamingjulagið var valið á tónleikum tónskólans 18. maí sl. Ekki er búið að taka upp Kristín ætlar að hafa samband við sigurvegarann og ýta á eftir því að fara með lagið í upptökur.

   D.  Hljóðkerfi:  Ákveðið hefur verið að kaupa hljóðkerfi. Var ódýrara tilboðinu tekið, tvö tilboð höfðu borist, en þó með fyrirvara. Var ákveðið að kaupa hljóðkerfi ef það næðist að koma því hingað fyrir hamingjudaga. Bjarna falið að klára dæmið, er í einhverji bið. Þurfum að vita um málið sem fyrst ef þarf að leigja hljóðkerfi. Verður hægt að láta okkar gamla kerfi duga ef til kemur, samkvæmt upplýsingum frá hljóðmanni.

    E.  RUV: Er einungis með beinar útsendingar á hátíðum þar sem eru gerðir stórir auglýsingapakkar, Kristín fékk tilboð upp á 400.000 frá þeim.

   F.  Leyfi: Skemmtana- og varðeldsleyfi er í eðlilegum farvegi. Verið er að bíða eftir gæslulista björgunarsveitar þar sem að leyfi kemur ekki fyrr en kennitölur gæslumanna liggja fyrir.

   G.  Leikfélagið: Engin svör fengist frá formanni. Stjórnarfundur hjá þeim á morgun, þá skýrast málin. Möguleg formannsskipti framundan þar. Verið að skoða sagnatjald og búningaleiga fyrir furðufataballið.

   H.   Gúppakonan: Rut Ingólfsdóttir, hefur ekki náðst í hana. Kristín ætlar að halda áfram að reyna.

   I.    Deep purple: Er í farvegi, á einungis eftir að ákveða hverjir selja inn og eru í gæslu. 

   J.  Ljósmyndasýning: Ljósmyndasýning vegna 100 ára afmælis skólahalds á Hólmavík. Er mjög áhugavert. Kristín hefur sett sig í samband við Jón Jónsson sem vill hugmyndir um rými sem er verið að spá í undir sýninguna og umfang sýningarinnar í heild. Eðlilegast að sýningin yrði upp í grunnskóla, þar eru listar sem hafa verið settir upp í tengslum við aðrar sýningar á hamingjudögum. Væri mjög gaman að gera þetta, talið að of stuttur tími sé núna. Væri gaman að gera sýninguna klára í sumar og opna hana í haust á afmælinu sjálfu, hægt væri síðan að hafa hana opna á hamingjudögum næsta ár.

    K.      Hrynsmiðja: Arnar er til í hrynsmiðju. Ætlar að senda Kristínu nánari útfærslu á því þegar nær dregur. Arnar er ekki til í hagyrðingakvöld að sinni.

    L.       Leiktæki:  Eitthvað af leiktækjunum er komið á svæðið við galdrasýninguna en það vantar hluta af þeim ennþá. Ekki er vitað hvar allt er, þarf að ganga í málið og klára uppsetninguna.

   M.    Kassabílar: Hafþór tilbúinn.

   N.  Miðill:  Sú sem var í fyrra er upptekin. Hún hefur sett sig í samband við starfsfélaga til að athuga um áhuga annarra.

   O.     Seeds fólk:  Staðan er svolítið óljós.  Virðist vera í einhverji upplausn og enginn virðist vita neitt um málið. Það er enginn starfsmaður sem er að halda utan um komu þessa hóps. Ekki vitað hvort þau koma, hvar þau eiga þá að vera, hvað þau eiga að gera og hver á að vera umsjónarmaður.

   P.    Tónlistarfólk: Komið að því að herja á tónlistarfólk á svæðinu. Kristín ætlar að senda bréf á tónlistarfólkið eins og í fyrra. Hefur rætt við Bjarna um að fá atriði úr tónskólanum.

   R. Buff:  Allt of dýrt og tilboði frá Bros hafnað.

   S. Límmiðar:   Fáum tilboð í það á morgun. Tilboðið er frá Merkjalandi.

   T.  Veifur:  Er að bíða eftir tilboði frá Bros í veifur til að festa á ljósastaurana í stað blómanna. Hefur verið beint til vinnuskólans að gera veifur til að skreyta með við vigtarskúrinn og hafnarsvæðið. Semja við Félag eldri borgara eða Kvenfélagið um að gera veifur fyrir þetta svæði. Ákveðið að senda fyrirspurn til Félags eldri borgara fyrir aðalfund þeirra.

   U. Fiskmarkaðurinn: Allt klárt þar.

   V. Sölubásar:  Lions hefur haft samband og vill fá sölubás.

                        Karlotta Kristín Árnadóttir hefur óskað eftir sölubás til að selja skartgripi.

   W.  Kökumálið stóra:  Kristín ætlar að setja inn auglýsingu um hamingjukökurnar og minna fólk á að þær megi ekki móðgast þó enginn biðji þær formlega að baka.

   X.   Íbúafundur og súpuveislur: Lagt til að yrðu haldnir hverfafundir. Hafa þá sem fyrst og kjósa þar hverfisstjóra. Kristín leggur til 9., 10., 14. og 15. júní og þá einn í hverju hverfi.

   Y.   Viðurkenningar:  Lagt til að veita viðurkenningar fyrir vel unnin störf að menningarmálum, verðlaun verði afhent á hamingjudögum. Ákveðið að auglýsa strax á morgun á Strandir.is og Strandabyggd.is, eftir tilnefningum. Athuga hvort að Hafþór eigi einhvern verðlaunagrip og Inga Emils geri viðurkenningarskjal.

   Þ.    Bolir:  Ef bolirnir fara í sölu í upplýsingamiðstöðinni þá mun Strandagaldur leggja prósentur ofan á verðið. Trúlegast betra að reyna að selja þetta upp í íþróttamiðstöð á tilboðsverði í þeirri von að losna við þá, þar sem að bolirnir yrðu orðnir of dýrir ef þeir yrðu seldir í Upplýsingamiðstöð.

   Æ.   Leikskólinn:  Sýning leikskólans verður í íþróttamiðstöðinni líkt og í fyrra. Verður sennilegast sett upp í næstu viku.

   Ö.      Heit endurnýjuð:  Jón og Svanný hafa ekki gefið svar hvort þau vilji endurnýja heitin á hamingjudögum. Ákveðið að senda inn beiðni á aðalfund eldri borgara hvort mögulegt sé að einhver úr þeirra röðum sé tilbúinn í þetta.

3. Önnur mál:

      - Skiltamál: Jón minnir á pening sem er til. Það eru styrkir sem fengust úr pokasjóði til að vinna upplýsingaskilti fyrir ferðamenn. Þarf að ganga í málið og eyða peningunum í eitthvað viturlegt.

-     Næsti fundur:  Ákveðið að halda fund aftur 21. júní, klukkan 17:00.    

Fleira ekki gert, fundi slitið kl. 21:40.

Kristín Sigurrós Einarsdóttir (sign)    
Jón Halldórsson (sign)

Guðrún Guðfinnsdóttir (sign)           
Rúna Stína Ásgrímsdóttir (sign)    

Jóhanna Ása Einarsdóttir (sign)   
Salbjörg Engilbertsdóttir (sign)

ATH: Fundargerðin var tekin fyrir á fundi sveitarstjórnar 15. júní 2010.
 

Dagskrá fundarins var svohljóðandi:

• 1. Hamingjudagar 2010.
• 2. Önnur mál.

Þá var gengið til dagskrár:

• 1. a. Rætt var fram og aftur um Hamingudaga 2010 og farið yfir niðurstöður hugarflugsfundar með íbúum þann 28. og 29. apríl s.l. Margar góðar hugmyndir komu þar fram t.d: Inntökupróf fyrir laglausakórinn og kombakk hjá Krummakvartettinum, Kvennakórinn flytur lög Hemúlsins, súpuveisla í hverfunum, hjón sem hafa átt hamingjusamt líf í árafjöld endurnýji heitin o.m.fl. Farið var yfir dagskrána frá því í fyrra og rætt um hvað mætti bæta.

b.   Tillaga kom einnig fram um að gera hvamminn, þar sem olíutankarnir stóðu, að sælureit með bekkjum og borðum og þá jafnvel að halda samkeppni um útlit sælureitsins og gestum Hamingjudaga gefinn kostur á að skila inn hugmyndum á þessu ári og síðan yrðu framkvæmdir kláraðar fyrir næstu Hamingjudaga. 

c.   Tillaga kom um að bæta við skátaleiktækin sem smíðuð voru í fyrra  og voru á túninu við Galdrasafnið og eins að setja gömlu rólurnar frá leikskólanum þar niður. 

• 2. Fram kom að Bjarni Ómar hefur verið að leita tilboða í nýtt hljóðkerfi en ljóst er að gamla hljóðkerfið dugar tæplega fyrir svona stóran viðburð og er einnig farið að gefa sig. Eins varð mixerinn fyrir vatnstjóni nú í vor og erfitt að treysta á að hann gefi sig ekki við notkun. Menningarmálanefnd keypti gamla hljóðkerfið árið 2006 á rúmar 260 þúsund kr. enda var það ódýrara að kaupa kerfi en að leigja það þegar til lengri tíma var litið. Við hvetjum því sveitarstjórn til að skoða það vel að fjárfesta í nýju hljóðkerfi sem dugar fyrir alla þá listviðburði sem eiga sér stað í sveitarfélaginu.

Næsti fundur áætlaður eftir hvítasunnu.

Fleira ekki fyrirtekið fundi slitið kl. 19.15

Salbjörg Engilbertsdóttir(sign)                                    Guðrún Guðfinnsdóttir (sign)

Rúna Stína Ásgrímsdóttir (sign)                                  Jón. H. Halldórsson (sign)

Jóhanna Ása Einarsdóttir (sign)                                  Kristín S. Einarsdóttir (sign)

Dagskrá fundarins:

•1.                     Kosning formanns.

•2.                     Erindi frá Niels Kronvald.

•3.                     Hamingjudagar.

1. Kosning formanns.  Kristín stingur upp á að Salbjörg Engilbertsdóttir taki að sér starf formanns fram yfir Hamingjudaga en nefndin kemur til með að starfa fram yfir þá, þrátt fyrir sveitarstjórnarkosningar.  Salbjörg þakkar sýnt traust og tekur að sér formannsstarfið.
2. Erindi frá Niels Kronvald.  Niels hefur sent okkur fréttabréf frá Foreiningen  Norden sem er lagt fram til kynningar.  Einnig hefur hann sent boðsbréf á lista og menningar hátíð í Ryslinge Hojskole á mið-Fjóni.  Aðilum frá vinabæjunum er boðið að koma og taka þátt að einhverju leiti.  Sækja þarf um fyrir 1. Maí.  Ákveðið var að birta bréfið á vef Strandabyggðar til kynningar fyrir íbúana.  Ekkert hefur heyrst nánar frá vinabæjarmóti sem áætlað var að halda í Tanum í Svíþjóð á árinu.
3. Hamingjudagar.   

•A.       Tillaga um sýningu Héraðsbókasafnsins á úrklippum og kvöldskemmtun því tengdu t.d. á föstudagskvöldinu þar sem rithöfundar tengdir svæðinu myndu lesa úr verkum sínum.

•B.        Ásta hefur sótt um að fá sjálfboða frá SEEDS á ný og myndi þeirra vinna  nýtast að einhverju leiti við undirbúning Hamingjudaga og jafnvel í götuleikhús.

•C.       Íbúafundur verður haldinn fimmtudaginn 29. Apríl.  Byrjað verður með súpufundi í hádeginu og síðan haldinn íbúafundur um kvöldið.

•D.       Lagakeppnin.  Allir sammála um að reyna að halda keppni.  Jón leggur til að keppendum sé gert auðveldara að taka þátt með því að gera ekki kröfu um að laginu sé skilað inn á diski eða á öðru formi.  Nefndin telur lágmark að keppandi þurfi að skila inn texta.  Nauðsynlegt er þó að skila undirleik á diski ef keppandi sér ekki sjálfur um undirleik.  Óskadagur til keppnishalds er 7. Maí. Og skilafrestur til að skila lögum eða texta inn á skrifstofu Strandabyggðar verður 3. Maí.  Kristín sér um að auglýsa þetta í næstu viku. 

•E.        Dagskrá.  Nokkuð hefur verið um að tónlistarmenn hafi haft samband við Kristínu og er allt í skoðun.  Ýmsir dagskrárliðir ræddir fram og aftur.   Rætt var um að gaman væri að ef einhver myndi gifta sig á Hamingjudögum og var  nokkuð rætt um það innan nefndarinnar.  Jón og Ingibjörg lifa enn í synd og því tilvalið að hann myndi sýna gott fordæmi og fara bónleiðna við sambýliskonu sína.  Nánar um niðurstöður á næsta fundi.

•F.        Ákveðið er að halda næsta fund miðvikudaginn 21. Apríl.   Ásu finnst einnig  gaman að fá tölvupóst og segir að gott sé að ræða málin þar, fleiri eru sammála því. 

Fleira ekki gert, fundi slitið kl .  18.40

Kristín Sigurrós Einarsdóttir (sign)     Jón Halldórsson (sign)

Guðrún Guðfinnsdóttir (sign)            Rúna Stína Ásgrímsdóttir (sign)         

Jóhanna Ása Einarsdóttir (sign)          Salbjörg Engilbertsdóttir (sign)

Dagskrá fundarins:

•1.                     Vinabæjarsamskipti

•2.                     Hamingjudagar

•3.                     Önnur mál

1. Vinabæjarsamskipti. Borist hefur bréf frá vinabæ okkar í Svíjóð, Tanums. Bréfið varðaði boð á vinabæjarmót sem halda á 23. - 26. september 2010. Vinabæjarmótið yrði jafnframt 20 ára afmæli vinabæjarsamstarfsins.Talið er að finna þurfi nýtt form á samstarfi vinabæjanna. Þessa daga á að reyna að nota til að finna nýjan flöt á samstarfinu. Menningarmálanefnd telur því heppilegast að það færi fulltrúi frá menningarmálanefnd og fulltrúi frá sveitarstjórn, ákvörðun um hverjir færu yrði í höndum nýrrar sveitarstjórnar. Lagt er til að sveitarfélagið stefni að því að senda fulltrúa og að jafnframt verði auglýst eftir fulltrúum.
2. Hamingjudagar. 

•A.    Hljómsveitir: Kristín kynnti tilboð sem henni hafa borist um verð á hljómsveitum. Upphæðirnar voru frá 150.000-  - 900.000.-. Ákveðið var að athuga nánar með Svavar og hljómsveitina Hraun sem tekur 250.000 og að fá barnaskemmtiatriði og Svavar sem kynnir á hátíðinni. Ákvörðum verður tekin þegar Kristín hefur heyrt aftur í Svavari Knúti. Og jafnframt skoðað fleiri hljómsveitir.

•B.     Hljóðmálin eru í farvegi. Kristín hefur talað við Bjarna Ómar og líklegt er að hann og Daníel myndu taka hljóðmálin að sér. Þeir vilja þó vita nánar hvað er verið að tala um hvað þarf í hljóðmálum, áður en þeir gefa endanlegt svar.

•C.    Skemmtikraftar.

• - Júlí Heiðar er tilbúinn að koma og vera með skemmtun fyrir unglinga fyrir 30.000.- með akstri. Yrði þó að fylla upp í með dj, spurning um Einar og Darra. Ákveðið að fá Júlí til að koma. Spurning um að fá hann til að vera með atriði á sviðinu á laugardeginum líka.
• - Aðalsteinn Ásberg og Svavar Knútur með barnaatriði.
• - Töframaðurinn Jón Víðis; skoða hann.
• - Brúðuleikhúsið hjá Ástu.

•D.    Hnallþóruborð og hólmvískir hamingjutónar:

• - Semja við fiskmarkaðseigendur um að halda það inni á laugardagskvöldinu. Kalli hefur sagt að þetta yrði ekkert mál.
• - Ganga þarf í hús og biðja um kökur.
• - Fá fólk til að sjá um hnallþóruborðið, dómara og leita eftir gjafakörfum.

•E.     Ýmsir dagskrárliðir.

• - Úrklippusýning frá bókasafninu, Jón Jónsson með á nótunum. Kristín á þó eftir að tala við Ester betur.
• - Varðeldurinn góði, fá Gulla og Siggu aftur til að stjórna fjöldasöng. Hafa varðeldinn á sama stað og síðast. Byrja aftur með skrúðgöngu við Galdrasafn.
• - Ljósmyndasýning á vegum Jóns Halldórssonar.
• - Myndbandasýningar frá 100 ára afmælinu. Sigurður Atlason í startholunum.

•F.     Ýmis afþreying

- Athuga með Go kart. Gera Kalla að tengilið. Hafa frá fimmtudegi og föstudegi.

- Götuleikhús, fá hóp af unglingum til að vinna með þeim og sýna atriði með þeim. SEEDS hópurinn sér um þetta. Tala við Sigga Palla um að vera tengiliður.

- Kvikindakar. Tala við Kalla um það.

- Setja skátaleiktækin sem Jói gerði í fyrra upp aftur og reyna jafnframt að bæta við tækjum.

•G.    Auglýsingar Gefa út bækling aftur og prenta þau á sama stað.

•H.    Lagasamkeppni hefur verið auglýst og verður á áður ákveðnum tíma.

• - Tala við nemendur í elstu bekkjum skólans til að vera kynnar.

•I.       Íþróttaviðburðir Mótorkrossmót ? Fótboltamót? Gólfmót?

-Hamingjuhlaup Stebba Gísla halda því áfram fá hann jafnvel til að hlaupa frá örðum upphafsstað en í fyrra.

•J.      Ýmis atriði:

  -Svið ekki komið af stað. Kristín er með myndir sem hún ætlar að bera undir hagverksmenn og athuga með kostnað.

- Setja stóran tengil á vigtarskúrinn. Tala við Júlíus eða Bjarka Guðlaugs.

- Mælt með því að hætta með blómakörfurnar.

- Útfæra merki hamingjudaganna til að hengja á ljósastaurana. Kristín ætlar að semja við Ástu og Orkubúið.

- Skreytingar við hús og í hverfunum. Halda þeim áfram gafst vel í fyrra. Kjósa aftur skreytingastjóra í hverfin, passa þó að hafa stjórana þannig að þeir hafi samband við fólkið í hverfinu sínu.

Fleira ekki gert, fundi slitið kl .  18.59

Kristín Sigurrós Einarsdóttir (sign)     Jón Halldórsson (sign)

Guðrún Guðfinnsdóttir (sign)            Rúna Stína Ásgrímsdóttir (sign)         

Jóhanna Ása Einarsdóttir (sign)          Salbjörg Engilbertsdóttir (sign)

1. Hamingjudagar á Hólmavík 2010
2. Önnur mál

1. Hamingjudagar 2010

1. Arnar vakti máls á því að nauðsynlegt væri að fara að setja niður dagsetningu næstu Hamingjudaga. Meðal annars væru ferðablöð farin að kalla eftir dagsetningum viðburða. Nefndin leggur til að fyrsta helgin í júlí, það er 2.-4. júlí verði fyrir valinu.
2. Nefndin vill minna á að ráðning framkvæmdastjóra er í höndum sveitarstjórnar, eftir að ákvörðun þess efnis var tekin snemma þessa árs, og hvetur sveitarstjórn til að huga að ráðningu strax í byrjun næsta árs.
3. Fyrir liggur að sveitarstjórnarkosningar eru 29. maí næstkomandi og því líkur á að nefndarskipti verði í lok undirbúningstíma Hamingjudaga. Því bendir nefndin á að heppilegt geti verið að menningarmálanefnd starfi fram yfir Hamingjudaga, enda hefur nefndin ávalt gegn mikilvægu hlutverki í lokaundirbúningnum.
4. Fram kom að sala á varningi hamingjudaga hefur verið gerð upp í upplýsingamiðstöðinni og var salan óskaplega lítil þetta árið. Þessi sala verður tekin inn í reikninginn, þegar lokauppgjör verður gert og skýrslan uppfærð í framhaldi af því.
5. Rætt var um fjölmiðlaumfjöllun og aðsókn að hátíðinni. Fram komu vangaveltur um að veður og annað sem setti strik í reikninginn árið 2008 geti orðið til þess að talsverð vinna verði að markaðssetja hátíðina upp á nýtt.

1. Önnur mál

• a. Menningarmálanefnd fagnar þeim tíðindum að Verkalýðsfélag Vestfirðinga hafi vilja til að stofnað sé hollvinafélag Félagsheimilisins á Hólmavík og sé reiðubúið að leggja fram fjármagn til þess. Vonast nefndin til að í kjölfarið verði málefni félagsheimilisins tekin til ítarlegrar skoðunar, enda er húsið lífæð menningarlífs í sveitarfélaginu og mikilvægt að rekstur þess sé í sem bestu lagi.
• b. Arnar nefndi þá hugmynd að veita viðurkenningu tengda menningarstarfsemi, í þvi skyni að koma hrósi og hvatningu út í samfélagið. Slík viðurkenning gæti hlotnast fyrirtæki, stofnun, félagi eða einstaklingi sem hefði lagt eitthvað mikilvægt af mörkum til menningarlífs á svæðinu. Lagði hann til að auglýst yrði eftir tilnefningum til þessarar viðurkenningar og síðan myndi nefndin velja úr þeim sem koma til álita. Nefndin tók vel í þessar hugmyndir og stefnir á að slíkt verði gert. Verði viðurkenningin veitt ár frá ári. Ákveðið var að klára afgreiðslu þessa máls í tölvupósti á næstu dögum.
• c. Arnar S. Jónsson tilkynnti að hann hyggðist segja sig úr Menningarmálanefnd, vegna mikilla anna í námi og starfi. Þakkaði hann nefndarmönnum samstarfið. Nefndarmenn þökkuðu sömuleiðis Arnari samstarfið og óeigingjarnt starf í þágu nefndarinnar.
• d. Rúna Stína greindi frá því að gestir frá norska vinabænum Hole væru væntanlegir um næstu helgi, í sína árlegu heimsókn til að færa Strandabyggð jólatré.

Fleira ekki gert, fundi slitið kl 18:51.

Kristín Sigurrós Einarsdóttir (sign)     Jón Halldórsson (sign)

Arnar Snæberg Jónsson (sign)            Rúna Stína Ásgrímsdóttir (sign)        

Jóhanna Ása Einarsdóttir (sign)

1. Skýrsla um Hamingjudaga 2009
2. Spjall við Menningarfulltrúa Vestfjarða
3. Önnur mál

1. Skýrsla um Hamingjudaga 2009

Kristín lagði fram til kynningar lokaskýrslu um bæjarhátíðina Hamingjudaga 2009. Hún fór yfir skýrsluna sem inniheldur heildstætt yfirlit yfir verkefnið og hvernig til tókst. Meðal þess sem Kristín kom inn á í yfirferð sinni yfir skýrsluna var eftirfarandi:

• 1) Heimamenn og sjálfboðaliðar stóðu sig afar vel í hinum ýmsu málum sem snéru að hátíðinni, m.a. áhaldahús sveitarfélagsins, gæsluaðilar, einstaklingar, listamenn, félög og fyrirtæki og margir fleiri aðilar.
• 2) Upplifun gesta af hátíðinni var almennt góð og ánægja ríkti með dagskráratriði og almennan gang Hamingjudaga.
• 3) Samstarf framkvæmdastjóra við Menningarmálanefnd og alla aðra aðila gekk vel.
• 4) Fjárframlag sveitarfélagsins minnkaði til hátíðarinnar árið 2009 og fjárhagsáætlun hátíðarinnar stóðst ekki nógu vel. Gjöld umfram kostnað voru ríflega 900 þúsund krónur, en ekki er búið að gera fjármál endanlega upp. Meðal þátta sem brugðust í áætlun innkoma vegna dansleiks sem var helmingi minni en gert var ráð fyrir. Áætlun um gjöld vegna hátíðarinnar stóðst svo til, en talsvert vantaði upp á tekjurnar. Erfitt var að nálgast styrki fyrir hátíðina.

Margt fleira kom fram í skýrslunni sem rætt var um, m.a. tillögur um framtíð hátíðarinnar og hvernig staðið skuli að ýmsum verkþáttum hennar. Lagt var til að nefndarmenn læsu skýrsluna yfir og fjölluðu um brýnustu mál sem hún fjallar um á komandi fundum nefndarinnar.

Nefndin þakkar Kristínu kærlega fyrir vel unnið starf við hátíðina sem og samstarf í aðdraganda hennar. Kristín þakkaði nefndinni jafnframt fyrir samstarfið.

1. Spjall við Menningarfulltrúa Vestfjarða

Jón Jónsson, menningarfulltrúi Vestfjarða, mætti á fundinn til skrafs og ráðagerða um menningarmál í Strandabyggð og á Vestfjörðum. Jón skýrði frá starfsemi Menningarráðsins og uppbyggingu þess. Ráðið auglýsir eftir styrkjum tvisvar sinnum á ári og mikið magn berst af umsóknum. Samningur um menningarsamning ríkis og sveitarfélaga verður endurnýjaður um áramótin ef að líkum lætur.

Aðspurður sagði Jón að bæjarhátíðir sem slíkar fengju ekki styrk frá Menningarráði, en einstök verkefni innan slíkra hátíða gætu fengið styrk. Rætt var um að skoða hvort hægt væri að nýta þennan möguleika á styrk vegna t.d. listsýninga á Hamingjudögum - þá þyrfti að ráða framkvæmdastjóra fyrr á árinu.

Jón var spurður að því hvort hann teldi að nefndin hefði einhver tækifæri til verkefna á komandi misserum. Hann taldi að með opnun vegarins um Arnkötludal hefði opnast möguleiki á að gera Hólmavík að miðstöð funda og ráðstefna í NV-kjördæmi, vegna þess hve bærinn er miðsvæðis. Menningarmálanefnd hefði e.t.v. möguleika á því að stuðla að því að svo geti orðið. Rætt var um þetta vítt og breitt.

Jón nefndi einnig að menningarmálanefnd gæti stuðlað að aukinni samvinnu milli sveitarfélagsins og listamanna og vert væri að skoða möguleika á því að stuðla að uppsetningu listaverka eða minnisvarða í sveitarfélaginu. Þá var rætt um að staða Strandabyggðar á menningarsviðinu væri afar sterk, mikið framboð væri á atburðum og ýmis konar starfsemi í gangi. Jón taldi að möguleiki væri á að auka framboð á listgreinum í grunnskóla- og tónskólastarfi.

Jón hvatti að lokum nefndina til að sækja um í Menningarsjóðinn í komandi úthlutunum.

1. Önnur mál

• a) Menningarmálanefnd Strandabyggðar óskar Tónlistarskólanum á Hólmavík innilega til hamingju með kaup á nýjum flygli. Nefndin vonar að hljóðfærið verði til þess að efla starfsemi skólans og gera hana enn öflugri en hún er nú þegar. Í tengslum við þetta lýsti Kristín yfir ánægju sinni með að formaður Menningarmálanefndar hefði tekið til máls við afhendingu flygils í tónskólanum.
• b) Rúna Stína, sem situr í stjórn Steinshúss fyrir hönd Strandabyggðar, skýrði frá því að vel gangi að gera húsið upp. Það mun vera frágengið að utan og verið er að ganga frá fræðimannaíbúð innandyra. Vonast er til að hægt verði að taka íbúðina í notkun næsta vor og rífandi gangur er í framkvæmdum og uppbyggingu. Nefndin fagnar þessu góða gengi og hvetur stofnunina til dáða.

Fleira ekki gert, fundi slitið kl 19:19.

Guðrún Guðfinnsdóttir (sign)             Jón Halldórsson (sign)

Arnar Snæberg Jónsson (sign)            Rúna Stína Ásgrímsdóttir (sign)        

Kristín Sigurrós Einarsdóttir (sign)

1. Hamingjudagar 2009, staða mála og næstu verkefni
2. Önnur mál

1. Hamingjudagar 2009, staða mála og næstu verkefni.

Kristín dreifði skýrslu til nefndarmanna sem skýrði ítarlega frá núverandi stöðu í hinum ýmsu verkþáttum í undirbúningi Hamingjudaga. Farið var yfir hvert atriði fyrir sig og þau rædd í kjölinn.

Rætt var um listamenn og skemmtanir, íþróttamót sem fyrirhugað er að hafa inni í dagskrá hátíðarinnar, gæslumál og hljóðmál. Fram kom í skýrslu Kristínar að fegrun bæjarins gengur vel og skreytingamál eru í góðum farvegi. Rætt var um að skreytingavinna þyrfti að hefjast sem allra fyrst og helst að vera lokið á fimmtudegi fyrir Hamingjudaga, en þá kemur sjónvarpsteymi til að taka upp nokkrar keppnisgreinar í og við Hólmavík í tengslum við kraftakeppnina Vestfjarðavíkingurinn.

Rætt var um málefni tjaldvæðis og um markaðssetningu hátíðarinnar. Ákveðið var að dagskrárbæklingur, sem nota á sem helsta markaðssetningarvopn Hamingjudaganna, yrði settur í póst í síðasta lagi miðvikudaginn 24. júní.

Aðrir dagskrárliðir voru reifaðir, s.s. dansleikur, diskótek, kökuhlaðborð, sýningarhald, sölutjöld, styrkir og ýmislegt fleira varðandi hátíðina. Ákveðið var að veita verðlaun fyrir skreytingar í bænum; best skreytta húsið, best skreytta fyrirtækið, best skreytta hverfið og flottustu fígúruna.

Nefndin lýsti yfir ánægju sinni með skýrslu Kristínar og áætlunina í heild sinni. Nefndarmenn voru sammála um að dagskrárdrögin litu vel út og aðeins veðurguðirnir gætu komið í veg fyrir frábæra skemmtun á Hamingjudögum 2009. Framkvæmdastjóri lýsti að sama skapi yfir ánægju sinni með samskipti við nefndarmenn sem hafa að miklu leyti farið í gegnum tölvupóst undanfarnar vikur.

2.  Önnur mál

Engin önnur mál voru á dagskrá.

Að lokum var ákveðið að stefna að því að halda næsta nefndarfund mánudaginn 22. júní kl. 17:00.     Fleira ekki gert, fundi slitið kl 18:47.

Guðrún Guðfinnsdóttir (sign)             Jón Halldórsson (sign)

Arnar Snæberg Jónsson (sign)            Rúna Stína Ásgrímsdóttir (sign)