Strandabygg� - Landb�na�arnefnd

Landb�na�arnefnd 27. apr�l 2009

Mon, 27 Apr 2009 17:49:00 +0000

Fundur haldinn í Landbúnaðarnefnd mánudaginn 27. apríl 2009 á skrifstofu sveitarfélagsins og hófst hann kl. 17:00. Mættir voru fundarmennirnir Drífa Hrólfsdóttir, Magnús Sveinsson, Jón Stefánsson og Reynir Björnsson varamaður. Einnig sat fundinn Ásdís Leifsdóttir sveitarstjóri sem ritaði fundargerð. Dagskrá fundarins var eftirfarandi:

1. Kynning á skýrslu milliþinganefndar Búnaðarþings um fjallskil og ný fjallskilasamþykkt fyrir Strandasýslu.

2. Önnur mál.

Þá var gengið til dagskrár.

1. Kynning á skýrslu milliþinganefndar Búnaðarþings um fjallskil og ný fjallskilasamþykkt fyrir Strandasýslu. Lögð er fram til kynningar skýrsla milliþinganefndar Búnaðarþings um fjallskil ásamt nýrri fjallskilasamþykkt fyrir Strandasýslu. Lagðar voru til eftirfarandi breytingar á nýrri fjallskilasamþykkt: Að í 21. gr. breytist skilarétt í Skeljavíkurrétt úr laugardegi í sunnudag. Þá ber að fella út skilarétt í Bitrufirði norðan varnarlínu þar sem engin skilarétt er til staðar og ókunnu fé ekið yfir í Kollafjörð. Þá er lagt til í 20. gr. að fella út "að höfðu samráði við sveitarstjórn". Þá vill nefndin koma því áleiðis varðandi 14. gr. að eðlilegt sé að landeigandi geti tekið þátt fjallskilum í stað þess að greiða gjald eins og kveðið er á um í greininni.

2. Önnur mál. Brýnt er að koma upp skilarétt í Kollafirði þar sem engin skilarétt er til staðar heldur hafa verið notuð fjárhús.

Fundargerð lesin upp og hún samþykkt. Fundi slitið kl. 18.15.

Landb�na�arnefnd 20. apr�l 2009

Mon, 20 Apr 2009 17:34:00 +0000

Fundur haldinn í Landbúnaðarnefnd mánudaginn 20. apríl 2009 á skrifstofu sveitarfélagsins og hófst hann kl. 17:00. Mættir voru fundarmennirnir Drífa Hrólfsdóttir, Sverrir Guðbrandsson, Magnús Sveinsson, Jón Stefánsson og Marta Sigvaldadóttir. Einnig sat fundinn Ásdís Leifsdóttir sveitarstjóri sem ritaði fundargerð. Dagskrá fundarins var eftirfarandi:

1. Grenjavinnsla 2009.

2. Kynning á skýrslu milliþinganefndar Búnaðarþings um fjallskil og ný fjallskilasamþykkt fyrir Strandasýslu.

3. Önnur mál.

Þá var gengið til dagskrár.

1. Grenjavinnsla 2009. Lagt er til að sömu aðilar sjái um grenjavinnslu og síðustu ár en þeir eru:

Indriði Aðalsteinsson Mórilla/Ísafjarðará.

Magnús Steingrímsson Selá/Grjótá.

Þorvaldur G. Helgason Grjótá/Hrófá.

Ragnar Bragason Hrófá/Forvaða.

Torfi Halldórsson Forvaða/Ennisháls.

Þorvaldur G. Helgason Ennisháls/Þambárvellir.

Magnús Sveinsson Þambárvellir.

Tillagan var samþykkt samhljóða.

2. Kynning á skýrslu milliþinganefndar Búnaðarþings um fjallskil. Lögð er fram til kynningar skýrsla milliþinganefndar Búnaðarþings um fjallskil ásamt nýrri fjallskilasamþykkt fyrir Strandasýslu. Samþykkt var að afgreiða málið að viku liðinni.

3. Önnur mál. Engin önnur mál.

Landb�na�arnefnd - 11. �g�st 2008

Mon, 11 Aug 2008 13:56:00 +0000

Fundur haldinn í Landbúnaðarnefnd mánudaginn 11. ágúst 2008 á skrifstofu sveitarfélagsins og hófst hann kl. 17:00. Mættir voru fundarmennirnir Sverrir Guðbrandsson, Magnús Sveinsson, Jón Stefánsson, Marta Sigvaldadóttir og Haraldur V.A. Jónsson varamaður. Einnig sat fundinn Ásdís Leifsdóttir sveitarstjóri sem ritaði fundargerð. Dagskrá fundarins var eftirfarandi:

1. Fjallskil haustið 2008.
2. Önnur mál.

Þá var gengið til dagskrár.

1. Fjallskil haustið 2008.
Farið var yfir leitarseðil síðasta árs og gerðar breytingar á dagsetningum ásamt leiðréttingum á leitarsvæðum.

2. Önnur mál.
Á fundi í Sævangi sem haldinn var 12. júlí s.l. vegna sauðfjárveikivarna kom tillaga um að setja saman ráðgjafanefnd um sauðfjárveikivarnir og að Strandabyggð hefði frumkvæði við stofnun nefndarinnar. Kom tillaga um að þrír verði tilnefndir í nefndina fyrir Strandabyggð, tveir frá Reykhólahreppi, einn frá Kaldrananeshreppi og einn frá Árneshreppi. Gerð er tillaga um að fulltrúar Strandabyggðar verði: Marta Sigvaldadóttir, Magnús Sveinsson og Jón Stefánsson. Þá er sveitarstjóra Strandabyggðar falið að skrifa hinum sveitarfélögunum til að kanna hvort vilji sé fyrir hendi að sameinast um slíka nefnd.

Fundargerð lesin upp og hún samþykkt.   Fundi slitið kl. 18.25.

Magnús Sveinsson                     Sverrir Guðbrandsson                       Marta Sigvaldadóttir
      (sign)                                           (sign)                                                 (sign)

Jón Stefánsson             Haraldur V.A. Jónsson             Ásdís Leifsdóttir
      (sign)                                           (sign)                                                 (sign)

Landb�na�arnefnd - 14. apr�l 2008

Mon, 14 Apr 2008 13:55:00 +0000

Fundur haldinn í Landbúnaðarnefnd mánudaginn 14. apríl 2008 á skrifstofu sveitarfélagsins og hófst hann kl. 17:00. Mættir voru fundarmennirnir Drífa Hrólfsdóttir sem setti fundinn og stjórnaði honum, Sverrir Guðbrandsson, Jón Stefánsson og Marta Sigvaldadóttir. Einnig sat fundinn Ásdís Leifsdóttir sveitarstjóri sem ritaði fundargerð. Dagskrá fundarins var eftirfarandi:

1. Sauðfjárvarnargirðingar í Strandabyggð.
2. Tilhögun refa- og minkaveiða 2008.
3. Skýrsla nefndar um refa- og minkaveiðar á Vestfjörðum.
4. Önnur mál.

Þá var gengið til dagskrár.

1. Sauðfjárvarnargirðingar í Strandabyggð.
Girðingunni úr Steingrímsfirði hefur ekki verið viðhaldið sl. tvö ár og er ekki fjárheld. Þá er girðingin sem liggur frá Bitru yfir í Gilsfjðrð mjög léleg og nauðsynlegt að gera hana fjárhelda hið fyrsta enda fyrsta varnargirðingin inn á Vestfirði. Þá álítur nefndin einnig nauðsynlegt að girðingum fyrir vestan, þ.e. frá Steingrímsfirði yfir í Þorskafjörð og Ísafirði yfir í Kvígindisfjörð, verði viðhaldið, enda um mikilvægt líflambasvæði að ræða. Samþykkt var samhljóða að senda landbúnaðarráðherra yfirlýsingu þess efnis og er sveitarstjóra falið að senda erindið ásamt eldri gögnum.

2. Tilhögun refa- og minkaveiða 2008.
Á síðasta ári gengdu eftirfarandi aðilar grenjavinnslu fyrir Strandabyggð:

Indriði Aðalsteinsson            Mórilla/Ísafjarðará.
Magnús Steingrímsson        Selá/Grjótá.
Þorvaldur G. Helgason         Grjótá/Hrófá.
Ragnar Bragason                  frá Hrófá að Forvaða.
Torfi Halldórsson                   Forvaða/ Ennisháls.
Þorvaldur G. Helgason        Ennishálsi/Þambárvelli.
Magnús Sveinsson               Þambárvelli

Tillaga er gerð til sveitarstjórnar um að sömu aðilar verði áfram árið 2008.

3. Skýrsla nefndar um refa- og minkaveiðar á Vestfjörðum.
Lögð er fram skýrsla þar sem unnin var fyrir Fjórðungssamband Vestfirðinga um tilhögun refa- og minkaveiðar á Vestfjörðum. Nefndin fagnar tillögum nefndarinnar en gerir eftirfarandi tillögur um breytingar:
A) Greiðslur vegna grenjaleitar í fylgiskjali 1. séu óraunhæfar og þurfi að endurskoða. Betra sé að greiða tímakaup ásamt aksturspening fyrir vinnsluna líkt og verið hefur undanfarna áratugi og 4. liður falli þar með út. Að öðru leyti eru tillögur í fylgiskjölum 1 til 3 samþykktar.

4. Önnur mál.
Ítrekuð er beiðni til Héraðsnefndar um endurskoðun á fjallskilareglugerð Strandasýslu sem og hvað gera skuli varðandi leitarsvæði sem fjárlaust er að stærstum hluta líkt og í Ísafjarðardjúpi.

Fundargerð send fundarmönnum til yfirlestrar og hún samþykkt. Fundi slitið kl. 18.40.

Drífa Hrólfsdóttir
Sverrir Guðbrandsson
Marta Sigvaldadóttir
Jón Stefánsson
Ásdís Leifsdóttir