Strandabygg� - Fr�ttir

Skrifa� undir samning vi� F�lag eldri borgara

Fri, 03 Feb 2012 08:29:00 +0000

Síðastliðinn miðvikudag var hátíðleg stund á skrifstofu Strandabyggðar, en þá var skrifað undir styrktarsamning milli Félags eldri borgara í Strandasýslu og sveitarfélagsins Strandabyggðar. Meginmarkmið samningsins, sem gildir til þriggja ára, er að styðja við þá mikilvægu og öflugu starfsemi sem fer fram allt árið um kring á vegum félagsins. Formaður Félags eldri borgara í Strandasýslu, Maríus Kárason, skrifaði undir samninginn fyrir hönd félagsins og Ingibjörg Valgeirsdóttir sveitarstjóri skrifaði undir fyrir hönd Strandabyggðar.

Allir íbúar 60 ára og eldri geta gengið í Félag eldri borgara í Strandasýslu og notið þess frábæra starfs sem þar fer fram.

Dagur leiksk�lans haldinn h�t��legur n�sta m�nudag

Thu, 02 Feb 2012 17:24:00 +0000

Í tilefni af degi leikskólans mánudaginn 6. febrúar verður opið hús í leikskólanum Lækjarbrekku þann dag frá kl. 9:00-12:00 og 14:00-16:00. Allir sem hafa áhuga á að koma og skoða leikskólann eru hjartanlega velkomnir í heimsókn.

Í tilkynningu frá börnum og starfsfólki á Lækjarbrekku kemur fram að þau vonist til að sjá sem flesta mæta. Íbúar í Strandabyggð eru hvattir til að nýta sér þetta skemmtilega boð og kíkja í heimsókn á leikskólann næsta mánudag!

Samningur vi� G�sla Gunnlaugsson byggingarfulltr�a

Thu, 02 Feb 2012 09:07:00 +0000

1. febrúar 2012 var undirritaður samningur við Gísla Gunnlaugsson byggingarfulltrúa. Í samningnum felst að Gísli annast öll þau verkefni sem tilheyra starfi skipulags- og byggingarfulltrúa samkvæmt gildandi Skipulagslögum og Mannvirkjalögum og tilheyrandi reglugerðum. Þar á meðal undirbúningi funda Umhverfis- og skipulagsnefndar í samráði við formann nefndarinnar, fundarseta, ritun fundargerða og frágangur erinda eftir staðfestingu sveitarstjórnar. Auk þess sinnir Gísli ýmsum tilfallandi verkefnum fyrir Strandabyggð, þ.á.m. ráðgjöf varðandi viðhald, minniháttar hönnunarverkefni o.s.frv. Byggingarfulltrúi verður áfram með viðtalstíma á skrifstofu Strandabyggðar sem verða auglýstir hér á vefsíðu sveitarfélagsins. Með samningnum er lögð áhersla á að efla fagmennsku og auka þjónustu við íbúa Strandabyggðar.

F�lags�j�nusta Stranda og Reykh�lahrepps eins �rs � dag

Wed, 01 Feb 2012 15:53:00 +0000

Félagsþjónusta Stranda og Reykhólahrepps er eins árs í dag, þann 1. febrúar, en fyrir ári síðan hóf Hildur Jakobína Gísladóttir störf sem félagsmálastjóri í 70% starfi. Þeir málaflokkar sem félagsþjónustan sinnir er, barnavernd, félagsleg ráðgjöf, félagsleg heimaþjónusta, fjárhagsaðstoð, málefni aldraðra og málefni fatlaðra. Á árinu sem hefur liðið frá því að Félagsþjónustan tók til starfa hefur gríðarlega mikið og mikilvægt starf verið unnið við að skilgreina grunnþætti starfsins, m.a. við að útbúa reglur og verkferla í nánast öllum málaflokkum.

Með því að smella hér má lesa yfirlit um starf Félagsþjónustu Reykhóla og Stranda fyrsta starfsárið. Strandabyggð óskar afmælisbarninu innilega til hamingju með daginn!

G�sli Gunnlaugsson byggingarfulltr�i me� vi�talst�ma

Wed, 01 Feb 2012 10:24:00 +0000

Gísli Gunnlaugsson byggingarfulltrúi er með viðtalstíma á 2. hæð í Þróunarsetrinu í dag, miðvikudaginn 1. febrúar, milli kl. 10:00 - 12:00.

Grunnsk�linn � H�lmav�k tekur ��tt � L�fshlaupinu

Tue, 31 Jan 2012 18:52:00 +0000

Á morgun, þann 1. febrúar, hefst Lífshlaupið sem er heilsu- og hvatningarverkefni ÍSÍ fyrir alla aldurshópa. Í fyrra lenti Grunnskólinn á Hólmavík í 2. sæti í sínum flokki en keppnin virkar þannig að landsmenn eru hvattir til þess að huga að daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta.

Lýðheilsustöð ráðleggur börnum og unglingum að hreyfa sig í minnst 60 mínútur á dag og fullorðnum í minnst 30 mínútur á dag. Inn á vef Lífshlaupsins er hægt að velja um þrjár leiðir til að taka þátt í Lífshlaupinu: Ef þú ert 15 ára og yngri getur þú tekið þátt í hvatningarverkefni fyrir grunnskóla. Ef þú ert 16 ára og eldri getur þú tekið þátt í vinnustaðakeppni. Allir geta tekið þátt í einstaklingskeppni þar sem þátttakendur geta skráð niður sína daglegu hreyfingu allt árið. Hægt er að fylgjast með fjölda þátttakenda, fjölda liða og með þeim árangri sem þátttakendur ná í hverju sveitarfélagi fyrir sig með því að smella á Staðan vinstra megin á vef Lífshlaupsins http://lifshlaupid.is/ en þar má einnig nálgast ítarlegri upplýsingar um hvatningarleikinn þar sem grunnskólanemendur eru hvattir til þess að ná að hreyfa sig alla daga meðan á leiknum stendur í samræmi við ráðleggingar um hreyfingu.

Byggingarfulltr�i me� vi�talst�ma

Mon, 30 Jan 2012 08:46:00 +0000

Gísli Gunnlaugsson byggingarfulltrúi verður með viðtalstíma á 3. hæð í Þróunarsetrinu, miðvikudaginn 1. febrúar, milli kl. 10:00 - 12:00.

Sl�kkvibifrei� seld

Fri, 27 Jan 2012 14:11:00 +0000

Slökkvibifreið í eigu slökkviliðs Strandabyggðar var auglýst til sölu í byrjun janúar. Bifreiðin sem er af gerðinni Mercedes Bens Unimog var seld hæstbjóðanda, Birni Hanssyni á Álftanesi fyrir kr. 1.510.000.

Slökkvibifreiðin var seld svo unnt væri að festa kaup á nauðsynlegum búnaði fyrir slökkviliðið og liggur nú fyrir pöntun á rafdrifnum klippum og glennum ásamt Tetra búnaði.

Engin b�rn � leiksk�lanum L�kjarbrekku

Thu, 26 Jan 2012 13:17:00 +0000

Engin börn eru á leikskólanum Lækjarbrekku en leikskólinn opnaði kl. 10:30 í morgun (skrifað kl. 13:30). Þeir foreldrar / forráðamenn sem hafa hug á að koma með börn sín í leikskólann síðar í dag er bent á að hafa samband við Kolbrúnu Þorsteinsdóttur deildarstjóra í síma 451 3411.

Snjómokstur innanbæjar á Hólmavík gengur hægt en örugglega. Enn eru vegir víðast hvar á Ströndum og Vestfjörðum ófærir og mjög snjóþungt. Á meðfylgjandi mynd má sjá Sverri Guðbrandsson á snjóblásaranum að hreinsa Sýslumannshallann á Hólmavík.

Leiksk�linn L�kjarbrekka opinn

Thu, 26 Jan 2012 10:43:00 +0000

Deildarstjórarnir Hlíf Hrólfsdóttir og Kolbrún Þorsteinsdóttir hafa opnað báðar deildir í leikskólanum Lækjarbrekku. Enn er þung ófærð á Hólmavík og ljóst að einhvern tíma mun taka að opna götur bæjarins.

Deildarstjórarnir fengu aðstoð Áhaldahúss við að komast til vinnu en starfsmenn Áhaldahúss ásamt Björgunarsveitinni Dagrenningu hafa verið að aðstoða fólk við að komast til vinnu í morgun, einkum starfsfólk Heilbrigðisstofnunarinnar á Hólmavík.