Eftirfarandi dagskrá lá fyrir fundinum:

1. Beiðni frá Árna M. Björnssyni um niðursetningu á sumarhúsi á lóð C í Skeljavík.

2. Umsókn frá Eysteini Gunnarssyni um að rífa sumarhús í landi Skeljavíkur og setja annað hús á sama stað.

3. Deiliskipulag fyrir urðunarstað í landi Skeljavíkur.

4. Geymslusvæði við Hnitbjörg.

5. Umferðarsamþykkt fyrir Hólmavík.

6. Önnur mál.

Þá var gengið til dagskrár:

1. Beiðni frá Árna M. Björnssyni um niðursetningu á sumarhúsi á lóð C í Skeljavík.

Nefndin vill taka fram að hún sé ósátt við að málið varðandi niðursetningu hússins hafi ekki farið hefðbundna leið. Einnig skal tekið fram að umsækjandi þarf að skila inn teikningu af stækkuninni sem fram kemur í erindinu þegar að henni kemur. Að öðru leyti samþykkir nefndin erindið.

2. Umsókn frá Eysteini Gunnarssyni um að rífa sumarhús í landi Skeljavíkur og setja annað hús á sama stað.

Nefndin vill að afsali af veiðihúsinu sé skilað inn áður en niðurrif eigi sér stað. Teikningar af nýja húsinu eru ekki fullnægjandi, skila þarf inn myndum af útliti allra hliða, grunnmynd, snið og afstöðumynd. Nefnin hafnar því erindinu þar til fullnægjandi gögn liggja fyrir.

3. Deiliskipulag fyrir urðunarstað í landi Skeljavíkur.

Deiluskipulagið sem slíkt samþykkt með nokkrum athugasemdum. Nefndin gerir þær athugasemdir að jarðvegsmön verði ekki búin til úr efni við haugana þar sem að þar eru gamlir sláturúrgangar. Athugasemdir nefndar við tillöguuppdrátt. Nafnið á ánum hefur víxlast, Húsadalsá er orðin Víðidalsá og öfugt. Vantar norðurpílur á uppdrætti. Vantar mælikvarða á uppdrætti. Í kaflanum "almennt" og "vegir" er rangt nafn og númer á þjóðvegi, á að vera þjóðvegur 61 Djúpvegur. Í textanum þar sem færðar eru inn dagsetningar samþykkta stendur skipulags- og byggingarnefnd í stað byggingar-, umferðar- og skipulagsnefndar.

Þar sem Sorpsamlagið hefur verið að vinna að þessu deiluskipulagi leggur nefndin til að Strandabyggð taki nú við deiluskipulaginu og sjái um að klára afgreiðslu þess þar sem það er eigandi landsins.

4. Geymslusvæði við Hnitbjörg.

Nefndin vill að rúlluplast verði tekið af rúllum sem búið er að planta við geymslusvæði við Hnitbjörg. Nefndin vill taka það fram að undirbúa þurfi svæðið vel, t.d. að setja undirlag og reita það niður áður en dót verði flutt þangað. Færa þarf inn á afstöðumyndina hvernig aðkoma að geymslusvæðinu verður háttað. Einnig þarf að búa til reglur um notkun og umgengni á svæðinu. 

5. Umferðarsamþykkt fyrir Hólmavík.

Nefndin ákveður að fresta þeirri umræðu fram á næsta fund.

6. Önnur mál.

a) Hafdís bendir á að skilti hinu megin við götuna hjá Hólmakaffi og bendir á kaffihúsið er of nálægt götu og hluti af því nær inn á götuna.

b) Umsókn frá Benedikt Péturssyni um lóð undir fiskihjall í svokallaðri Réttarvík. Nefndin samþykkir erindið. Byggingafulltrúa falið að úthluta lóðinni.

c) Stakkanes-fjárhús. Teikningar af stækkun á fjárhúsi. Nefndin samþykkir teikningarnar fyrir sitt leyti.
d) Nefndin vill að byggingafulltrúi klári mál Guðmundar Björnssonar varðandi staðsetningu sumarhúss Guðmundar í Staðardal þar sem það er í óleyfi þar.

e) Nefndin lýsir yfir áhyggjum af húsnæðisleysi í þorpinu. Hún skorar á sveitastjórn að huga að úrræðum.

Fleira ekki tekið fyrir. Fundargerð lesin upp og samþykkt. Fundi slitið kl. 20:09.

Valgeir Örn Kristjánsson (sign)

Jóhann L. Jónsson (sign)

Þorsteinn Paul Newton (sign)

Hafdís Sturlaugsdóttir (sign)

Ingibjörg Emilsdóttir (sign)

Einar Indriðason (sign)

  
ATH: Fundargerðin var tekin fyrir á fundi sveitarstjórnar 17. ágúst 2010.
   

Eftirfarandi dagskrá lá fyrir fundinum:

1. Umsókn frá Jóni Gísla og Brynju vegna rifs á skúr við Kópnesbraut 21.

2. Umsókn um byggingarleyfi fyrir frístundahús í landi Kálfaness 2.

3. Umsókn frá Mílu ehf um uppsetningu endurvarpskerfis á lóð nr. 4 á Nauteyri.

4. Umsókn um lóð undir frístundahús í Skeljavíkurlandi.

5. Önnur mál.

Þá var gengið til dagskrár:

1. Umsókn frá Jóni Gísla og Brynju vegna rifs á skúr við Kópnesbraut 21

Nefndin samþykkir að veita leyfi fyrir niðurrifi skúrsins.

2. Umsókn um byggingarleyfi fyrir frístundahús í landi Kálfaness 2

Nefndin samþykkir að veita byggingarleyfi fyrir frístundahúsi í landi Kálfaness 2. Skráningartafla liggur fyrir. Nefndin samþykkir að kalla eftir afriti af samþykki meðeigenda að landinu, Kálfanesi 2.

3. Umsókn frá Mílu ehf um uppsetningu endurvarpskerfis á lóð nr. 4 á Nauteyri

Nefndin samþykkir að veita leyfi fyrir uppsetningu endurvarpskerfi á lóð nr. 4 á Nauteyri.

4. Umsókn um lóð undir frístundahús í Skeljavíkurlandi

Nefndin leggur til að Árni M. Björnssyni verði úthlutað lóð þeirri sem hann sækir um, þ.e. lóð C í Skeljavíkurlandi. Nefndin leggur einnig til að lóðarúthlutun falli úr gildi ef framkvæmdir verði ekki hafnar á lóðinni innan eins árs.

5. Önnur mál

a) Kynning vegna hugsanlegrar kæru vegna endurbóta á vegi við jörðina Grænanes.

b) Rætt um fundartíma og viðveru byggingarfulltrúa á fundum.

c) Rætt um leiksvæði fyrir börn út í „Túnum". Kanna á málið fyrir næsta fund.

d) Rætt var um afmörkun á götu milli Fiskislóðar og Höfðagötu. Hægt væri að afmarka götuna t.d. með grasi.

e) Nýjar og breyttar lóðir þarf að staðfesta í byggingarnefnd.

Lóðauppdráttur vegna golfvallar er samþykktur með þeim breytingum sem Golfklúbburinn gerir á fyrirliggjandi samkomulagi.

Aðar breytingar voru kynntar fyrir nefndinni en ekki er tímabært að fjalla um þær ennþá.

Fleira ekki tekið fyrir. Fundargerð lesin upp og samþykkt. Fundi slitið kl. 20:00.

Valgeir Örn Kristjánsson (sign)

Sigurður Marinó Þorvaldsson (sign)

Þorsteinn Paul Newton (sign)

Hafdís Sturlaugsdóttir (sign)

Ingimundur Jóhannsson (sign)

Gísli Gunnlaugsson (sign)

1. Kosning formanns, varaformanns og ritara.

2. Umsókn frá Hólmadrangi um byggingarleyfi fyrir lestunarhúsi.

3. Umsókn frá Albert Högnasyni um byggingarleyfi á geymsluhúsi í Tungulandi 3 Langadal.

4. Teikningar og afstöðumynd af húsi að Borgabraut 23.

5. Önnur mál.

Og þá var gengið til dagskrár:

1. Kosning formanns, varaformanns og ritara.
Valgeir Örn var kosinn formaður og Hafdís varaformaður. Ingibjörg var kosin ritari.

2. Umsókn frá Hólmadrangi um byggingarleyfi fyrir lestunarhúsi.
Þorsteinn vék af fundi. Einar benti á að að hlutverk slökkviliðsstjóra væri að fylgja eftir að brunavörnum í byggingum væri í lagi. Þær teikningar sem að hann fékk afhentar í gær fyrir fundinn eru ekki nægilega góðar til að hann gæti séð hvort þetta sé í lagi brunavarnalega séð. Hann vill að nákvæmari teikningar séu sendar til sín fyrir fundi í framtíðinni. Nefndin samþykkir teikningar að því skilyrtu að gengið verði frá þaki við norðurenda byggingar undir gluggum á vörugeymslu samkvæmt brunavarnareglugerð. Þorsteinn kom aftur inn á fundinn.

3. Umsókn frá Albert Högnasyni um byggingarleyfi á geymsluhúsi í Tungulandi 3 Langadal.
Nefndin tók vel í erindið en óskar eftir nákvæmari teikningum áður en erindið er samþykkt.

4. Teikningar og afstöðumynd af húsi að Borgabraut 23.
Nefndin setur það sem skilyrði að húsinu verði snúið og liggi eins og hin húsin í götunni. Einnig vantar skýrari teikningar og skráningatöflu. Skila þarf inn öllum gögnum til byggingarfulltrúa og vinnist í samráði við hann. Að þessum skilyrðum uppfylltum samþykkir nefndin erindið.

5. Önnur mál

a) Borist hefur erindi frá Elfu Björk Bragadóttur varðandi frágang á svæðinu við Kópnesbraut frá Café Riis og út fyrir Tryggvaskála og ítrekaður hraðaakstur og ryk á sama stað. Það er í ferli breytingar á svæðinu. Ekki verður tekin afstaða til annara breytinga á svæðinu. Varðandi hraðaakstur og ryk. Nefndin leggur til að gatan verði rykbundin og malarborin. Nefndin ætlar að taka sér tíma til að skoða málið betur varðandi hraðahindrun á götunni.

b) Valgeir kom með ábendingu um að gangbraut vanti frá Austurtúni yfir Hafnarbraut móts við gangstíg upp að Vitabraut. Einnig vantar gangbraut frá Höfðatúni yfir Hafnarbraut í átt að Íþróttamiðstöð.

c) Þorsteinn kom með ábendingu um svæðið fyrir framan vörumóttöku KSH. Hann vill að gengið verði frá því að vegurinn um Höfðatún verði afmarkaður með t.d. gangstétt þar sem bílar aka oft inn á götuna á öllum stöðum frá þessu svæði og oft stafar hætta af.

d) Þorsteinn kom með fyrirspurn varðandi svæðið í kringum Stóru-Grund. Nefndin skorar á sveitarstjórn að hafa leigutíma stuttan vegna þess að hún sér svæðið frekar fyrir sér sem frístundabyggð og útivistarsvæði. Einnig vill nefndin setja inn reglur um umgengni lóðarinnar og að svæðið verði haft snyrtilegt.

Fundi slitið kl. 20:26.

Valgeir Örn Kristjánsson (sign)

Sigurður Marinó Þorvaldsson (sign)

Ingibjörg Emilsdóttir (sign)

Þorsteinn Paul Newton (sign)

Hafdís Sturlaugsdóttir (sign)

Einar Indriðason (sign)

 
ATH: Fundargerðin var tekin fyrir á fundi sveitarstjórnar Strandabyggðar 29. júní 2010.
 

Fyrir fundinum lá eftirfarandi dagskrá.

• 1. Umsókn um byggingu sólskála við Borgabraut 9.
• 2. Umsókn um stöðuleyfi fyrir gám.
• 3. Beiðni um leiðréttingu á lóðasamningi.
• 4. Umsókn um breytingu á bílskúr að Vitabraut 6.
• 5. Umsókn um lóð.
• 6. Önnur mál.

Þá var gengið til dagskrár.

1. Umsókn um byggingu sólskála við Borgabraut 9. Borist hefur umsókn frá Önnu Guðlaugsdóttur og Hannesi Leifssyni um leyfi til að byggja sólskála við húseignina að Borgabraut 9 ásamt teikningum. Hannes Leifsson vék af fundi. Samþykkt er samhljóða að verða við erindinu. Hannes Leifsson kom aftur inn á fund.
 

2. Umsókn um stöðuleyfi fyrir gám. Borist hefur umsókn frá Sævari Benediktssyni þar sem sækir um stöðuleyfi fyrir gám á svæði þar sem aðgangur er að rafmagni, vatni og frárennsli. Samþykkt er samhljóða að úthluta honum lóð á gámasvæði í Skothúsvík þar sem um geymslugám er að ræða.
 

3. Beiðni um leiðréttingu á lóðasamningi. Borist hefur erindi frá Þorsteini Sigfússyni þar sem hann fer þess á leit að veitt stöðuleyfi undir gám í landi Nauteyrar, þar sem byggja á varanlega spennustöð. Samþykkt var samhljóða að við gerð leigusamnings við Háafell verði tryggt landsvæði undir spennistöð fyrir Orkubú Vestfjarða.
 

4. Umsókn um breytingu á bílskúr að Vitabraut 6. Borist hefur umsókn frá Sigurrósu G. Þórðardóttur og Sigurði M. Þorvaldssyni um leyfi til að setja hurð á bílskúr að Vitabraut 6. Samþykkt er samhljóða að verða við erindinu.
 

5. Umsókn um lóð. Borist hefur umsókn frá Heiðu Jónsdóttur um að fá leigða lóð í landi Stóru-Grundar þar sem fjárhús í eigu Gunnars Númason stendur. Er ætlunin að vera með frístundarbúskap og er markmiðið að lagfæra húsin. Samþykkt er, eftir miklar umræður, að vísa málinu til næstu sveitarstjórnar þar sem nefndin telur það eðlilegt að umrætt landsvæði verði skipulagt með það í huga að leyfa fleirum að vera með frístundabúskap, kjósi þeir svo.
   

6. Önnur mál.
a) Aðalskipulag Strandabyggðar 2010-2022. Lagt fram bréf Skipulagsstofnunar dags. 14. maí s.l. Þar er veitt heimild til að auglýsa aðalskipulagið þegar tekið hefur verið tillit til athugasemda stofnunarinnar. Á fundinum lá fyrir endurskoðuð greinargerð, umhverfisskýrsla og skipulagsuppdrættir frá Landmótun dags. 18. maí 2010 og umsagnir frá Siglingastofnun, Fornleifavernd ríkisins, Flugstoðum, Ísafjarðarbæ, Skógrækt ríkisins og Orkustofnun. Að loknum umræðum um athugasemdirnar og endurskoða tillögu samþykkti nefndin að leggja til við sveitarstjórn að auglýsa tillögu að aðalskipulagi sveitarfélagsins fyrir 2010-2022, sbr. 18. gr. skipulagslaga nr. 73/1997.
 
b) Snorri Jónsson greindi frá því að breyta þarf skipulögðu svæði undir gáma í Skothúsvíkinni þar sem stækka þarf svæðið svo hægt verði að athafna sig og auka bilið á milli gáma. Nefndin samþykkir að farið verði í umræddar breytingar en telur óráðlegt að auka bil milli gáma. Snorri Jónsson vill láta bóka að hann telji nauðsynlegt að bilið milli gáma verði aukið. Þá er samþykkt að nýta haugaefni til breytinganna en setja ofan á það möl úr Skothúsvíkinni.
 
c) Borist hefur umsókn frá Sigurði M. Þorvaldssyni þar sem hann sækir um lóð í Skothúsvík undir skúr. Nefndin hafnar erindinu en beinir því til sveitarstjórnar að skipulagt verði svæði strax undir slík geymsluhús sem og önnur verðmæti og hafi þegar verið bent á kjörið svæði í Skothúsvík.
 
d) Borist hefur umsókn um stöðuleyfi fyrir 2 gáma í Skothúsvík fyrir Hlökk ehf. Nefndin samþykkir beiðnina samhljóða.
 
e) Borist hefur erindi frá Ingimundi Guðmundssyni þar sem hann sækir um að fá að setja niður lítið sumarhús á lóðinni að Borgabraut 23. Nefndin samþykkir erindið með fjórum greiddum atkvæðum en Ingibjörg Emilsdóttir greiðir atkvæði á móti.
 
f) Borist hefur erindi frá Hannesi Leifssyni þar sem hann fer fram á að sveitarfélagið útvegi jarðvegsplanka til að hefta jarðvegsskrið frá blómabeði að götu. Ljóst megi vera að þegar farið verði í framkvæmdir vð götu verði jarðrask og því óviðunandi að húseigandi leggi út í mikinn kostnað við framkvæmdina sem tapast þegar gatan verður löguð. Hannes Leifsson vék af fundi við afgreiðslu málsins. Nefndin samþykkir samhljóða erindið með þeim skilyrðum að þegar farið verði í framkvæmdir við götuna beri húseiganda að ganga frá jarðraski við lóð sveitarfélaginu að kostnaðarlausu og gerður samningur þess efnis.
 
g) Erindi frá Jóni T. Guðlaugssyni um heimild til að breyta bílskúrshurð að Miðtúni 7. Nefndin samþykkir erindið samhljóða en Jóhann L. Jónsson vék af fundi við afgreiðslu málsins.
 
h) Borist hefur umsókn frá Snorra Jónssyni þar sem hann sækir um svæði í Skothúsvík til að geyma ýmis konar dót. Nefndin vísar til c liðar við afgreiðslu málsins.

Fleira ekki tekið fyrir, fundargerð lesin upp og hún samþykkt. Fundi slitið kl. 19:40.

Ingibjörg Emilsdóttir   (sign)             Snorri Jónsson  (sign)               Hannes Leifsson   (sign) 

Þórólfur Guðjónsson  (sign)               Jóhann L. Jónsson (sign)          Ásdís Leifsdóttir  (sign)
 

Fyrir fundinum lá eftirfarandi dagskrá.

• 1. Beiðni um breytingu á húsnæði að Hafnarbraut 7.
• 2. Önnur mál.

Þá var gengið til dagskrár.

1. Beiðni um að breytingu á húsnæði að Hafnarbraut 7.
Borist hefur erindi frá Katrínu Theodórsdóttur dags. 19. apríl 2010 með beiðni um utanhúsbreytingu á húsnæði að Hafnarbraut 7 en ætlunin er að fjarlægja múrhúð og klæða húsið með standandi timburklæðningu, skipta um járn á þaki ásamt því að gera sólpall við húsið. Samþykkt er samhljóða að verða við erindinu en nefndin telur rétt að benda umsækjanda á að skila þurfi inn samþykktum teikningum er sýna m.a. útgönguleiðir ef reka á þar kaffihús.

2. Önnur mál.
a) Erindi frá Kaupfélagi Steingrímsfjarðar dags. 26. apríl 2010 um leyfi til að byggja við vesturhlið hússins fyrir veitingasölu ofl. ásamt teikningum og skráningartöflu. Erindið er samþykkt samhljóða.

b) Erindi frá Haraldi Guðmundssyni dags. 2. maí 2010 um leyfi til að lengja fjárhús að Stakkanesi um tíu metra til austurs með sama útliti og er á núverandi húsum. Samþykkt er samhljóða að verða við erindinu.

c) Erindi frá Olís dags. 26. apríl 2010 um umsókn um lóð fyrir sjálfsafgreiðslu bensínstöð undir merki ÓB að Skeiði 1a. Samþykkt var samhljóða að verða við erindinu með fyrirvara um að öllum skilyrðum og leyfum við slíka starfsemi sé uppfyllt. Fundargerð lesin upp og hún samþykkt samhljóða, fundi slitið kl. 18:05.

Ingibjörg Emilsdóttir   (sign)             Snorri Jónsson  (sign)               Hannes Leifsson   (sign) 

Þórólfur Guðjónsson  (sign)        Haraldur V.A. Jónsson (sign)         Ásdís Leifsdóttir  (sign)
 

Fyrir fundinum lá eftirfarandi dagskrá.

• 1. Beiðni um að fjarlægja skorstein að Hafnarbraut 20.
• 2. Umsókn um byggingaleyfi til að reisa nýtt íbúðarhús að Gröf í Bitrufirði.
• 3. Önnur mál.

Þá var gengið til dagskrár.

• 1. Beiðni um að fjarlægja skorstein að Hafnarbraut 20. Borist hefur beiðni frá eigendum Hafnarbrautar 20 um að fjarlægja skorstein þegar skipt verður um járn á þaki hússins. Samþykkt var samhljóða að verða við erindinu.
• 2. Umsókn um byggingarleyfi til að reisa nýtt íbúðarhús að Gröf í Bitrufirði. Borist hefur umsókn um byggingarleyfi til að reisa nýtt íbúðarhús að Gröf í Bitrufirði. Samþykkt var samhljóða að verða við erindinu.
• 3. Önnur mál. a) Samþykkt var að settur yrði upp ljósastaur á Hvolsmýrarbraut. b) Rætt var um fyrirhugað geymslusvæði í Skothúsvíkinni en talið er afar mikilvægt af bygginganefnd að svæðið verði vel skipulagt og allur frágangur góður. c) Rætt var um hvort möguleiki sé á að lækka hámarkshraða beggja vegna Hólmavíkur en gera má ráð fyrir talsvert meiri umferð með tilkomu Arnkötludalsvegar. Þar sem mikið er um gangandi vegfarendur þykir það bjóða hættunni heim að þarna sé ekið á 90 km. hraða. d) Þórður Sverrisson kom á fund nefndarinnar og kynnti mögulega efnistöku í nágrenni Hólmavíkur. Einnig var lagður fram hugsanlegur flutningskostnaður miðað við þau svæðið sem Þórður benti á. Fleira ekki tekið fyrir, fundargerð send fundarmönnum og hún samþykkt. Fundi slitið kl. 18:30.

 Jóhann L. Jónsson   (sign)                  Snorri Jónsson  (sign)              Hannes Leifsson   (sign) 

 Þórólfur Guðjónsson  (sign)

Fyrir fundinum lá eftirfarandi dagskrá.

• 1. Beiðni um breytingu á húsnæði að Hafnarbraut 22.
• 2. Beiðni um að steypa stétt fyrir framan gáma.
• 3. Tillaga um gjaldskrá fyrir gámasvæði.
• 4. Önnur mál.

Þá var gengið til dagskrár.

• 1. Beiðni um breytingu á húsnæði að Hafnarbraut 22. Borist hefur beiðni frá Daníel Ingimundarsyni um að fá að breyta húsnæðinu að Hafnarbraut 22 með því að setja hurð og verönd við efri hæðina að sunnanverðu ásamt utanáliggjandi stiga frá verönd og niður með austurhlið hússins. Samþykkt var samhljóða að verða við erindinu með þeim skilyrðum að skilað verði inn fullnægjandi teikningum þar sem m.a. kemur fram burðarþol þaks þar sem verönd verður. Þá skal tekið fram að samkvæmt aðalskipulagi sem enn er í vinnslu er gert ráð fyrir að vegur liggi þar sem Hafnarbraut 22 er og því á ábyrgð eiganda allur kostnaður vegna breytinga á húsnæðinu þar með.
• 2. Beiðni um að steypa stétt fyrir framan gáma. Borist hefur beiðni frá Bryndísi Sigurðardóttur og Ingvari Péturssyni um að fá að steypa stétt fyrir framan beitningargáma Hlakkar ehf. Jóhann L. Jónsson vék af fundi. Samþykkt var samhljóða að verða við erindinu. Jóhann L. Jónsson kom aftur inn á fund.
• 3. Tillaga um gjaldskrá fyrir gámasvæði. Lögð er fram til samþykktar tillaga að gjaldskrá fyrir gámasvæði í Strandabyggð. Tillagan er samþykkt samhljóða.
• 4. Önnur mál. Jóhann L. Jónsson víkur af fundi. Borist hefur erindi frá Jóhanni L. Jónssyni um leyfi til að breyta opnanlegum gluggum að Vesturtúni 2 samkvæmt meðfylgjandi teikningum. Erindið er samþykkt samhljóða. Þá kom umsókn frá Jóhanni L. Jónssyni um lóð undir fiskhjall í Skothúsvík. Umsóknin er samþykkt samhljóða og starfsmönnum áhaldahúss falið að stika út lóðina. Jóhann L. Jónsson kom aftur á fundi. Þá greindi sveitarstjóri frá því að mikil óánægja er hjá einum leigutaka í Skothúsvíkinni með útsent bréf vegna fyrirhugaðar tiltektar í Skothúsvík þar sem ekki virðist vera gert ráð fyrir því að fólk í útgerð þurfi vinnusvæði og auk þess að ekki sé hægt að koma öllu fyrir í gámum. Snorri Jónsson ræddi einnig um skort á geymslusvæði fyrir alls kyns dót. Samþykkt var að kanna hvort hægt væri að gera geymslusvæði í gryfjunni í Skothúsvíkinni og leggja tillöguna fyrir nefndina. Þá vill Jóhann láta bóka að frágangur vegna spennistöðvar við Borgabraut sé ekki fullnægjandi né í samræmi við umsókn Orkubúsins. Fleira ekki tekið fyrir, fundargerð lesin upp og hún samþykkt. Fundi slitið kl. 18:55.

Jóhann L. Jónsson  (sign)  Snorri Jónsson  (sign)  Þórólfur Guðjónsson  (sign)  Már Ólafsson    (sign)   Ingibjörg Emilsdóttir (sign)   Einar Indriðason  (sign)    Ásdís Leifsdóttir   (sign)

Fyrir fundinum lá eftirfarandi dagskrá.

• 1. Ósk um leyfi til að reisa reykháf að Austurtúni 14.
• 2. Umsókn um lóð í landi Skeljavíkur.
• 3. Umsókn um byggingaleyfi að Kópnesbraut 14, gömlu gufubaðsstofu.
• 4. Önnur mál.

Þá var gengið til dagskrár.

• 1. Ósk um leyfi til að reisa reykháf að Austurtúni 14. Nefndin samþykkir erindið gegn því að skilað verði inn teikningu sem sýnir að skilyrðum skv. reglugerð sé fullnægt áður en framkvæmd hefst.
• 2. Umsókn um lóð í landi Skeljavíkur. Borist hefur umsókn um lóð í landi Skeljavíkur þar sem áður voru bústaðir og eru undirstöður enn til staðar. Samþykkt var samhljóða að verða við erindinu en stika þarf lóðirnar út að nýju.
• 3. Umsókn um byggingaleyfi að Kópnesbraut 14, gömlu gufubaðsstofu. Borist hefur beiðni um að byggja ofan á húseignina að Kópnesbraut 14 og klæða að utan allt húsið með timbri og járni. Nefndin samþykkir erindið samhljóða en gerir athugasemd varðandi lóðarstærð skv. teikningu sem sýnir lóðina mun stærri en hún er í raun. Þá vill nefndin beina því til eigenda hússins að þeir kynni sér fyrirhugaða breytingu á veglínu skv. teikningum á vef Strandabyggðar.
• 4. Önnur mál Borist hefur erindi frá Sorpsamlagi Strandasýslu þar sem farið er þess á leit að fá að setja niður gáma vegna flokkunar sorps en samlagið hefur tekið til leigu tímabundið Skeiði 3 og áformar að opna þar flokkunarstöð. Um er að ræða 5-8 gáma sem yrðu staðsettir við gafl hússins nema járngámurinn sem mun vera grafinn niður að hluta og staðsettur við girðingu O.V. Nefndin tekur vel í erindið en vill að skilað verði inn afstöðumynd svo hægt verði að gera sér grein fyrir staðsetningu gámanna.

Fleira ekki tekið fyrir, fundargerð lesin upp og hún samþykkt.  Fundi slitið kl.17:55.

Jóhann L. Jónsson   (sign)         Snorri Jónsson   (sign)              Þórólfur Guðjónsson   (sign)    

Hannes Leifsson   (sign)             Einar Indriðason  (sign)           Ásdís Leifsdóttir   (sign) 

Fyrir fundinum lá eftirfarandi dagskrá.

• 1. Teikningar af Lækjartúni 23.

• 2. Önnur mál.

Þá var gengið til dagskrár.

• 1. Borist hafa nýjar teikningar af Lækjartúni 23 þar sem gert er ráð fyrir íbúð í vinnustofunni sem búið er að reisa. Samþykkt er að verða við erindinu með tveimur greiddum atkvæðum gegn því að nágrannar samþykki breytta notkun hússins og teiknuð verði inn bílastæði. Einn greiddi atkvæði á móti og einn sat hjá.
• 2. Önnur mál. Borist hefur erindi frá Ingvari Péturssyni f.h. Hlakkar ehf. þar sem óskað er eftir að fá að setja niður balageymslugám á gámasvæðinu við höfnina. Samþykkt var samhljóða að verða við erindinu. Þá barst bréf frá Karli V. Jónssyni þar sem hann óskar eftir samþykki byggingarnefndar um lóðarnýtingu og notkun fasteignar til reksturs hjólbarðaverkstæðis. Vísað er til fyrri afgreiðslu þar sem bent er á að ekki er heimilt að reka verkstæði inn í íbúðarhverfi.

Fleira ekki tekið fyrir, fundargerð lesin upp og hún samþykkt.  Fundi slitið kl.17:40.

Jóhann L. Jónsson   (sign)         Snorri Jónsson   (sign)              Már Ólafsson   (sign)    

Hannes Leifsson   (sign)             Ásdís Leifsdóttir   (sign) 

Mánudaginn 5. október 2009 var haldinn fundur í byggingar-, umferðar- og skipulagsnefnd Strandabyggðar.  Fundurinn var haldinn á skrifstofu sveitarfélagsins og hófst hann kl.17:00.  Mættir voru, Jóhann L. Jónsson, Snorri Jónsson og Már Ólafsson.  Einnig sat fundinn Ásdís Leifsdóttir sveitarstjóri sem ritaði fundargerð. 

Fyrir fundinum lá eftirfarandi dagskrá.

• 1. Umsókn um starfsleyfi frá Karli V. Jónssyni vegna reksturs hjólbarðaverkstæðis að Austurtúni 1.
• 2. Önnur mál.

Þá var gengið til dagskrár.

• 1. Umsókn um starfsleyfi frá Karli V. Jónssyni vegna reksturs hjólbarðaverkstæðis að Austurtúni 1. Borist hefur umsókn um starfsleyfi frá Karli V. Jónssyni þar sem hann fer þess á leit að fá að nýta bílskúr við Austurtún 1 undir minni háttar viðgerðir á dekkjum. Nefndin samþykkti að hafna erindinu með tveimur greiddum atkvæðum en einn sat hjá, þar sem rekstur dekkjaverkstæðis innan íbúðarsvæðis samrýmist ekki skv. mgr. 4.21 skipulagsreglugerðar nr. 400/1998.
• 2. Önnur mál. Borist hefur umsókn um leyfi frá Kristmundi Árnasyni til að klæða húseignina að Hafnarbraut 23, Hólmavík. Samþykkt var samhljóða að verða við erindinu. Þá hefur borist erindi frá Trésmiðjunni Höfða þar sem óskað er eftir að fá lóð að stærð 1.585 fm. undir starfsemi trésmiðjunnar. Samþykkt var samhljóða að verða við erindinu. Þá voru lagðar fram teikningar af húsi Fiskmarkaðarins á Hólmavík ásamt skráningartöflu og afstöðumynd. Teikningarnar voru samþykktar samhljóða. Þá lagði formaður fram beiðni um að bréf yrði sent Sigmari B. Haukssyni og hann krafinn um teikningar af viðbyggingu við sumarhúsið að Víðivöllum.

Fleira ekki tekið fyrir, fundargerð lesin upp og hún samþykkt.  Fundi slitið kl.17:50.

Jóhann L. Jónsson   (sign)         Snorri Jónsson   (sign)      Már Ólafsson   (sign)

Ásdís Leifsdóttir   (sign)