1. Yfirfara hvort tillögur sem snéru að hlutverki nefndarinnar hafi verið samþykktar innan sveitarstjórnar.
2. Fara yfir hvernig mönnum fannst sumarið 2009 hafa komið út, hvað varðar ferðaþjónustu.
3. Ákveða næsta þema (síðast var það ferðaþjónusta).
4. Arnkötludalur - tækifæri.
5. Önnur mál (stefnumót á Ströndum).

Þá var gengið til dagskrár.

1. Yfirfara hvort tillögur sem snéru að hlutverki nefndarinnar hafi verið samþykktar innan sveitarstjórnar.  Tillögurnar voru samþykktar samhljóða af sveitarstjórn.
2. Fara yfir hvernig mönnum fannst sumarið 2009 hafa komið út, hvað varðar ferðaþjónustu.  Fjallað var um fund sem haldinn var á Café Riis með aðilum í ferðaþjónustu í Strandabyggð og rætt um viðbrögð þeirra við fundinum.  Þá var fjallað um útkomu sumarsins en talsverð aukning var á ferðamönnum til Vestfjarða en enn vantar tölur frá Hagstofunni þess efnis.  Þá var rætt um hvort svæði eða lóðir undir ferðatengda þjónustu sé til staðar og hvort ekki slíkt sé nauðsynlegt fyrir nýja aðila.  Vill meirihluti nefndarinnar láta bóka nauðsyn þess að svæðið milli Höfðagötu og Fiskislóðar verði skilgreint undir verslun og þjónustu en ekki hafnsækna starfsemi.  Þá mun Viktoría koma með endanlegar tölur um gistinætur sumarið 2009 á næsta fundi.
3. Ákveða næsta þema (síðast var það ferðaþjónusta).  Samþykkt var að fela Atvinnuþróunarfélaginu að undirbúa verklýsingu og kostnaðaráætlun vegna þarfagreiningu fyrir þjónustu á Hólmavík enda mikil tækifæri sem ekki er verið að nýta í dag.   
4. Arnkötludalur - tækifæri.  Vísað til næsta fundar enda fellur sá liður vel undir þarfagreiningu fyrir þjónustu.
5. Önnur mál.  Rætt var um hversu vel heppnuð sýningin Stefnumót á Ströndum var og lýsir nefndin ánægju með að hún verði sett upp aftur í byrjun sumars.

 Fleira var ekki tekið fyrir, fundargerð lesin upp og hún samþykkt. Fundi slitið kl. 19:15.

Fundur haldinn í atvinnumálanefnd Strandabyggðar miðvikudaginn 15. apríl 2009 kl. 17:00 á skrifstofu Strandabyggðar.  Þorseinn Newton(formaður) setti fundinn og stjórnaði honum en aðrir fundarmenn voru Lára G. Agnarsdóttir(ritari), Valdimar Guðmundsson(varamaður) og Jón Stefánsson(varamaður) Einnig sat fundinn Ásdís Leifsdóttir sveitarstjóri og Viktoría Rán Ólafsdóttir frá Atvest.  Eftirfarandi dagskrá lá fyrir fundinum:

1.      Klára stefnumótunar- og markmiðsstetningu Atvinnumálanefndar

2.      Skipulagning fundarins með ferðaþjónustuaðilum

3. Önnur mál

Þá var gengið til dagskrár.

1.Klára stefnumótunar- og markmiðsstetningu Atvinnumálanefndar

 Þorsteinn lagði fram tillögur að hlutverki nefndainnar, var hún rædd og verður  send til samþykktar sveitarstjórnar.   

2.Skipulagning fundarins með ferðaþjónustuaðilum

Rætt var um fundinn sem verður haldinn með ferðaþjónustuaðilum og hvernig önnur sveitarfélög hafa reynt að mæta aukningu ferðamanna á sínu svæði. Rætt var um hvaða þjónustu við höfum upp á að bjóða og hvernig við ætlum að taka á móti aukinni umferð ferðamanna þegar vegurinn um Arnkötludal verður opnaður.

3. Önnur mál

 Rætt var um að halda fund með ferðaþjónustuaðilum 24.apríl kl 16:00 á Cafe Riis.

 Fleira var ekki tekið fyrir, fundargerð lesin upp og hún samþykkt. Fundi slitið kl. 18:35.

1.      Tillögur að hlutverki atvinnumálanefndar
2.      Verkefni næstu sex mánuði

3. Önnur mál

Þá var gengið til dagskrár.

1. Tillögur að hlutverki atvinnumálanefndar

Þorgeir ræddi un tillögur sínar sem hann hafði áður sent fundarmönnum og kannaði afstöðu fundarmanna til tillagnanna.

2. Verkefni næstu sex mánuð

Stefnumótun í ferðaþónustu: umræður voru um stefnumótun í ferðaþjónustunnin á svæðinu s.s. hver er markhópurinn? Eru ferðaþjónustuaðilar tilbúnir að taka við auknum straumi ferðamanna? Hvernig auglýsum við Strandir sem ferðamannastað? Ákveðið var að boða fulltrúa ferðaþjónustuaðila til fundar og ræða stefnumótun.

Hver er sérstaða Hólmavíkur? Galdrar, náttúran og fuglaskoðun. Góð aðstaða og stutt á áhugaverða staði út frá Hólmavík.

3. Önnur mál

Rætt var um að halda fund með ferðaþjónustuaðilum 20.apríl.

Ákveðið var að hittast aftur miðvikudaginn 15. apríl kl 17. Fleira var ekki tekið fyrir, fundargerð lesin upp og hún samþykkt. Fundi slitið kl. 13:00

1. Starfsemi Atvinnumálanefndar
2. Önnur mál

Þá var gengið til dagskrár.

1. Starfsemi Atvinnumálanefndar
Þorgeir Pálsson kynnti starfsemi AtVest og hvernig þeirra samstarf er byggt upp í samstarfi við Vesturbyggð og Ísafjarðarbæ. Þorgeir kynnti einnig hugmyndir AtVest og hvernig þeirra aðkoma væri að nefndinni. Rætt var um að við þyrftum að móta einhverja stefnu varðandi opnun vegarins um Arnkötludal. Samfélagið þarf að vera tilbúið til að taka á móti fjölgun ferðamanna.

Ákveðið var að fara í samstarf við AtVest í 6 mánuði til að byrja með og er það tímabil sveitafélaginu að kostnaðarlausu. AtVest er tilbúið til að móta dagskrá næstu funda hjá nefndinni. Rætt var um að skoðaðar væru skýrsla Staðardagskrár 21 og stefnumótunarskýrsla Arnkötlu 2008.

2. Önnur mál
Rætt var vítt og breytt um atvinnumál og ýmsir möguleikar ræddir. Nefndin lýsir yfir ánægju sinni með súpufundina sem haldnir hafa verið á vegum Þróunarsetursins og hafa fjallað um atvinnumál á svæðinu.

Nefndin beinir því til sveitarstjórnarmanna að skýrsla Staðardagskrár 21 verði birt opinberlega þannig að skýrslan verði öllum sýnileg.

Ákveðið var að næsti fundur verði mánudaginn 30. mars.

Fleira var ekki tekið fyrir, fundargerð lesin upp og hún samþykkt. Fundi slitið kl. 18:20.

1. Erindi frá Atvest
2. Önnur mál

Þá var gengið til dagskrár.

1. Erindi frá Atvest
Í erindi frá Atvest kemur fram hugmynd um hvort að við hefðum áhuga á að ganga frá samkomulagi við Atvest sem gerir ráð fyrir aukinni aðkomu að starfi atvinnumálanefndar. Starfsmaður er tilbúin að koma á fund með nefndinni í næstu viku ef áhugi er fyrir því. Rætt var um erindið og ákvörðun tekin um að Fá Þorgeir Pálsson til að koma á næsta fund eftir viku.

2. Önnur mál
Engin önnur mál voru á dagskrá.

Fleira var ekki tekið fyrir, fundargerð lesin upp og hún samþykkt. Fundi slitið kl. 17:50.

1. Staða atvinnumála
2. Erindi frá Elísabetu Pálsdóttir
3. Önnur mál

Þá var gengið til dagskrár.

1. Staða atvinnumála
Rætt var atvinnuástand Strandabyggðar og komu upp spurningar hvort að erfiðara væri að ráða í sumarstörf þetta sumarið eða hvort að sumarstörfum hefði fjölgað. Einnig var rætt um stöðu atvinnumála almennt og hefur Atvinnumálanefnd áhyggjur af að engin hafi sótt um störf við leikskólann.

2. Erindi frá Elísabetu Pálsdóttur
Tekið var fyrir erindi frá Elísabetu Pálsdóttur varðandi byggingu gistihúsa við Fiskislóð. Atvinnumálanefnd styður eindregið þessa hugmynd þar sem þessi hús myndu verða atvinnuskapandi og væri mjög góð viðbót við ferðamannaþjónustuna. Þessi hús myndi hýsa ferðamenn sem kæmu til að stunda sjóstangaveiðar.
Vonast nefndin að þessi framkvæmd komist á og að sátt náist um framkvæmdina. Nefndin skorar á sveitastjórn að vinna að framgangi málsins sem fyrst.

3. Önnur mál
Atvinnumálanefnd lýsir ánægju sinni yfir opnuna Þróunarseturs á Hólmavík.

Fleira var ekki tekið fyrir, fundargerð lesin upp og hún samþykkt. Fundi slitið kl. 18:15.

1. Staðardagskrá 21
2. Staða Arnkötluvekefnis
3. Önnur mál

Þá var gengið til dagskrár.

1. Staðardagskrá 21
Ragnhildur Helga viðraði hugmyndir Staðardagskrár 21 um að unnið yrði áfram með hugmyndir sem komu fram á íbúðarfundi sem haldinn var síðast liðið vor. Atvinnumálanefnd myndi starfa með þá þætti sem snýr að atvinnumálum. Rætt var um stöðu sjávarútvegsins og smábátaútgerðarinnar. Gunnlaugur sagði frá hugmyndavinnu Vestfjarðarnefndar um kræklingarækt og hefur verið reynt aðeins á Drangsnesi. Athuga mætti meiri vinnslu með grásleppu. Hugmyndir um kítinvinnslu eru ennþá uppi á borðinu. Hugmyndir eru um að aukning verði á afköstum Hólmadrangs á næstu árum. Spurning kom upp hvort að ekki væri hægt að fullvinna meira fisk- og rækjuafurðir á staðnum.

Staða landbúnaðar hefur verið sú að býlum hefur verið að fækka en á móti hafa nokkrir bændur verið að stækka við sig. Nokkrir bændur hafa verið með sérhæfða framleiðslu sem er afrakstur Vaxtarsprotaverkefnis sem fór af stað á síðastliðnu ári s.s. vinnsla með ærkjöt, berjasulta og ræktun plöntusprota. Verkefnið Beint frá býli er eitthvað sem verið er að vinna að á nokkrum stöðum.

Í þjónustugreinum mætti horfa til aukinni þjónustu við ferðamenn, flutningabílamiðstöð þar sem er aðstaða fyrir bílstjóra t.d. við flugvöllinn og fl. Kalla þarf eftir niðurstöðu verkefnavinnu varðandi ferðaþjónustu frá Viktoríu.
 
2. Staða Arnkötluverkefnis
Gunnlaugur tók þátt í stefnumótun Arnkötluverkefnisins á vordögum og sagði að umræðan væru mest náttúrutengd og menningatengd verkefni. Tengsl manns og náttúru og kemur þá inn á þá þætti sem snýst m.a. að  matarmenningu. Einnig hefði niðurstaðan verið sú að mikilvægt væri að fólk finndi samhljóm um samvinnu gagnvart þeim sveitafélögum sem við komum til með að tengjast.
  
3. Önnur mál
Gunnlaugur sagði að þar sem hann væri að flytja af svæðinu þá myndi hann segja af sér formennsku nefndarinnar. Opnun vegar yfir Arnkötludal býður upp á marga möguleika og verðum við að vera vakandi fyrir tækifærum. Lýst var yfir áhyggjum vegna styttum opnunartíma Kaupþings á Hólmavík, Þar sem störf töpuðust af svæðinu. 

Fleira var ekki tekið fyrir, fundargerð lesin upp og hún samþykkt. Fundi slitið kl. 19:20.

Fundarefni:
1. Tillögur Strandabyggðar til nefndar um vanda Vestfjarða og tillögur þeirrar nefndar er tengjast Strandabyggð.
2. Vinna við áfangaskýrslu um ferðaþjónustu.
3. Opnun á landbúnaðarumræðu.

Þá var gengið til dagskrár.

1. Tillögur Strandabyggðar til nefndar um vanda Vestfjarða og tillögur þeirrar nefndar er tengjast Strandabyggð.
Ásdís gerði grein fyrir þeim tillögum sem fóru til Vestfjarðarnefndar og hvar þær væru staddar í ferlinu. Búið var að samþykkja Þjóðtrúarstofu og einnig að koma upp þróunarsetri á Hólmavík sem staðsett yrði að Höfðagötu 3.

Þá eru tvö önnur verkefni sem fengið hafa kynningu í ráðuneytum en ekki hlotið enn samþykki. Annars vegar er stofnun framhaldsdeildar á Hólmavík árið 2008 þar sem boðið yrði upp á tveggja ára framhaldsnám líkt og verður hjá Vesturbyggð og Tálknafjarðarhreppi nú í haust. Hins vegar er um átaksverkefni í eflingu á heimavinnslu lamba- og ærkjöts en bændur á Vestfjörðum og í Dalasýslu hafa ákveðið að taka höndum saman og ráða starfsmann til að vinna staðbundið með bændum til að þróa og framleiða markvisst sérhæfðar afurðir í heimahéraði og feta þannig í fótspor evrópskra bænda.

Þá greindi Jón Jónsson frá því að Þjóðtrúarstofa hafi þegar sóst eftir tveimur verkefnum sem tilgreind eru í Vestfjarðarskýrslunni og geta rétt eins verið staðsett hér. Þá er líklegt að eitt verkefni til viðbótar verði staðsett hér hjá Strandabyggð en eins og fyrr segir er ekki enn búið að taka endanlega ákvörðun um staðsetningu þessarra verkefna.

Nefndin lýsir ánægju sinni með stöðu mála sem og vilja til að leggja sitt af mörkum til að ýta tillögum úr vör.

2. Vinna við áfangaskýrslu um ferðaþjónustu.
Gunnlaugur greindi frá áfangaskýrslunni um ferðaþjónustu á Ströndum, en þar er m.a. að finna niðurstöður úr könnun sem sett var á strandir.is. Taldi hann best að haldið yrði áfram með skýrsluna í því formi sem hún er en að Viktoría tæki við henni til að leggja lokahönd á verkefnið. Ásdís greindi frá viðkomu sveitarfélagsins sem rekur upplýsingamiðstöð og tjaldsvæði og leggur auk þess mikinn kostnað í auglýsingar.

Viktoría greindi frá stöðu ferðamála á Vestfjörðum og tók fyrir gistirými, aukningu gistinátta og þjóðerni ferðamanna sem leggja leið sína á Vestfirði. Einnig sagði hún lauslega frá heimsóknum til þriggja ferðaþjóna í Strandabyggð til að fá fram þeirra skoðanir og vangaveltur. Eru þeir jákvæðir en telja vöntun á þjónustumiðstöð og leggja jafnframt mikla áherslu á góða Upplýsingamiðstöð. Eins telja þeir að bæta megi enn frekar ásýnd bæjarins og nýtilegt kort af bænum. Ákveðið var að Viktoría heimsækti þá ferðaþjóna í Strandabyggð sem eftir var að tala við og gera samantekt á viðtölunum sem gæti orðið viðhengi við skýrsluna.

Jón lagði til að vinnuferlið við skýrsluna yrði með eftirfarandi hætti áður en hún færi endanlega til sveitarstjórnar:
a) ferðaþjónar verði heimsóttir af nefndarmönnum eða starfsmönnum og unnið úr því efni sem safnast
b) stefnan send sveitarstjórn, ferðaþjónum og öðrum þjónustuaðilum til umsagnar
c) drög að stefnunni verði kynnt opinberlega og fólki gefið tækifæri til að gera athugasemdir
d) farið yfir og ræddar umsagnir og athugasemdir og stefnan negld niður í framhaldinu
e) ákveðið verði hvernig eftirfylgni og endurskoðun verður háttað og það gert hluti af stefnunni sjálfri.

Einnig lagði Jón til að áður en ákvarðanir um breytingu á Upplýsingamiðstöðinni yrði sest niður með forstöðumönnum Upplýsingamiðstöðvar og Íþróttamiðstöðvar ásamt formanni Atvinnumálanefndar og sveitarstjóra til að ræða tillögurnar.

3. Opnun á landbúnaðarumræðu.
Umræðu frestað til næsta fundar.

Fleira ekki gert. Fundi slitið kl. 19:55.

Ásta Þórisdóttir
Jón Jónsson
Eysteinn Gunnarsson
Viktoría Ólafsdóttir
Þorsteinn Sigfússon
Gunnlaugur Sighvatsson
Ásdís Leifsdóttir