Strandabygg� - Allar fr�ttir

Limb� og k�s�heit

Fri, 20 Jan 2012 12:30:00 +0000

Kæru foreldrar

Eins og undanfarnar vikur voru allir mjög duglegir að vinna að markmiðum sínum bæði í stærðfræði og íslensku. Stafurinn F f var kynntur og unnu nemendur í fyrsta bekk og verkefni tengt honum. Í tónmennt unnu nemendur verkefni um hraða nótna og sungu svo ,,höfuð, herðar, hné og tær". Í listum var byrjað á textílverkefni þar sem reyndi meðal annars á klippi getu nemenda.

Íþróttadagurinn byrjaði á ýmsum æfingum á langa ganginum þar sem reyndi á fimi nemenda. Þar sem nemendur fóru meðal annars í limbo, gerðu armbeygjur, fóru í planka og svo var húllað. Um kvöldið var svo hin árlega íþróttahátíð haldin.

Á fimmtudeginum voru við svo með video og kósýheit, en nemendur völdu að fá í umbum fyrir góða hegðun að horfa á videómynd mæta í náttfötum og koma með bangsa í skólann. Ég bauð svo upp á poppkorn og áttum við góða og notalega stund saman.

Á föstudeginum unnum við verkefni í ensku, þar sem hugtök tengd baðherberginu voru tekin fyrir.

Við fengum skemmilegan gest til okkar , en sonur Borgars tónlistakennara kom og var með okkur alla vikuna.

Skipulagðar heimsóknir 5 ára nemenda hefjast í næstu viku og verða þau með okkur tvisvar sinnum í viku fram á vor. En til að byrja með verður hópnum skipt, fyrri hlutinn kemur til okkar á morgun mánudag en seinni hópurinn næsta fimmtudag.

Með kveðju,
Vala

sk�lahlaup og l�singaror� :)

Fri, 07 Oct 2011 22:04:00 +0000

Komiði sæl
Undanfarin vika hefur verið heldur fjörleg hér í 3. bekk og mikill galsi í nemendahópnum.
Seinni hluta vikunnar höfum við svolítið verið að minna hvort annað á og rifja upp reglurnar sem við settum okkur í byrjun skólaárs .
Mælirinn sem við settum upp á skólatöfluna fyrir svolitlu síðan og telur stigin sem nemendur vinna sér inn með því að vinna hljóðlega, smá mjakast upp og við ætlum að leggja okkur fram um að ná honum í 10 stigin sem fyrst.

Í vikunni höfum við verið að vinna með lýsingarorð í íslensku. Lýsingarorðin geta verið svolítið flókin á köflum, en vekja einnig mikla lukku. Við bjuggum til sögu um vettvangsferð 3. bekkjar sem nemendur „skreyttu" svo með fjölbreyttum lýsingarorðum. Það er ótrúlega skemmtilegt að sjá og velta því fyrir sér hvað sögurnar lifna við og verða líflegar ef við vöndum okkur og setjum inn viðeigandi lýsingarorð.

Í listum erum við að búa til hristur. Það gengur rosalega vel :)

Á þriðjudeginum kynntu nemendur sjávarlífverurnar sem þau hafa verið að afla sér upplýsinga um í samfélagsfræði. Þetta verkefni hepnaðist ótrúlega vel og eiga nemendur hrós skilið fyrir metnað sinn!

Á miðvikudeginum tóku svo nemendur og starfsfólk skólans þátt í norræna skólahlaupinu og stóðu sig með prýði :)
Að loknu hlaupi bauð Kaupfélag Steingrímsfjarðar svo nemendum upp á niðurskorið grænmeti og ávexti og Arion banki bauð upp á vatn í sjómannsbrúsa.
Á fimmtudeginum lásu nemendur upp haustsögur sínar. Eftir það tókum við lagið saman og skiptumst á að slá taktinn á trommur.

Nemendur hafa ákveðnar skoðanir á því hvaða lög skulu sungin og mega endilega koma með texta að heiman til að bæta við í sönglagasafnið okkar.

Í dag var lögð fyrir nemendur stutt stafsetningaræfing. Helmingur nemenda fór í tölvutíma þar sem þeir teiknuðu sjálfsmynd í paint og í samfélagsfræði héldum við áfram með sjávarmyndirnar okkar.

Bestu kveðjur og góða helgi
Kristjana

Skrifa� undir samning vi� F�lag eldri borgara

Fri, 03 Feb 2012 08:29:00 +0000

Síðastliðinn miðvikudag var hátíðleg stund á skrifstofu Strandabyggðar, en þá var skrifað undir styrktarsamning milli Félags eldri borgara í Strandasýslu og sveitarfélagsins Strandabyggðar. Meginmarkmið samningsins, sem gildir til þriggja ára, er að styðja við þá mikilvægu og öflugu starfsemi sem fer fram allt árið um kring á vegum félagsins. Formaður Félags eldri borgara í Strandasýslu, Maríus Kárason, skrifaði undir samninginn fyrir hönd félagsins og Ingibjörg Valgeirsdóttir sveitarstjóri skrifaði undir fyrir hönd Strandabyggðar.

Allir íbúar 60 ára og eldri geta gengið í Félag eldri borgara í Strandasýslu og notið þess frábæra starfs sem þar fer fram.

Dagur leiksk�lans haldinn h�t��legur n�sta m�nudag

Thu, 02 Feb 2012 17:24:00 +0000

Í tilefni af degi leikskólans mánudaginn 6. febrúar verður opið hús í leikskólanum Lækjarbrekku þann dag frá kl. 9:00-12:00 og 14:00-16:00. Allir sem hafa áhuga á að koma og skoða leikskólann eru hjartanlega velkomnir í heimsókn.

Í tilkynningu frá börnum og starfsfólki á Lækjarbrekku kemur fram að þau vonist til að sjá sem flesta mæta. Íbúar í Strandabyggð eru hvattir til að nýta sér þetta skemmtilega boð og kíkja í heimsókn á leikskólann næsta mánudag!

Samningur vi� G�sla Gunnlaugsson byggingarfulltr�a

Thu, 02 Feb 2012 09:07:00 +0000

1. febrúar 2012 var undirritaður samningur við Gísla Gunnlaugsson byggingarfulltrúa. Í samningnum felst að Gísli annast öll þau verkefni sem tilheyra starfi skipulags- og byggingarfulltrúa samkvæmt gildandi Skipulagslögum og Mannvirkjalögum og tilheyrandi reglugerðum. Þar á meðal undirbúningi funda Umhverfis- og skipulagsnefndar í samráði við formann nefndarinnar, fundarseta, ritun fundargerða og frágangur erinda eftir staðfestingu sveitarstjórnar. Auk þess sinnir Gísli ýmsum tilfallandi verkefnum fyrir Strandabyggð, þ.á.m. ráðgjöf varðandi viðhald, minniháttar hönnunarverkefni o.s.frv. Byggingarfulltrúi verður áfram með viðtalstíma á skrifstofu Strandabyggðar sem verða auglýstir hér á vefsíðu sveitarfélagsins. Með samningnum er lögð áhersla á að efla fagmennsku og auka þjónustu við íbúa Strandabyggðar.

F�lags�j�nusta Stranda og Reykh�lahrepps eins �rs � dag

Wed, 01 Feb 2012 15:53:00 +0000

Félagsþjónusta Stranda og Reykhólahrepps er eins árs í dag, þann 1. febrúar, en fyrir ári síðan hóf Hildur Jakobína Gísladóttir störf sem félagsmálastjóri í 70% starfi. Þeir málaflokkar sem félagsþjónustan sinnir er, barnavernd, félagsleg ráðgjöf, félagsleg heimaþjónusta, fjárhagsaðstoð, málefni aldraðra og málefni fatlaðra. Á árinu sem hefur liðið frá því að Félagsþjónustan tók til starfa hefur gríðarlega mikið og mikilvægt starf verið unnið við að skilgreina grunnþætti starfsins, m.a. við að útbúa reglur og verkferla í nánast öllum málaflokkum.

Með því að smella hér má lesa yfirlit um starf Félagsþjónustu Reykhóla og Stranda fyrsta starfsárið. Strandabyggð óskar afmælisbarninu innilega til hamingju með daginn!

G�sli Gunnlaugsson byggingarfulltr�i me� vi�talst�ma

Wed, 01 Feb 2012 10:24:00 +0000

Gísli Gunnlaugsson byggingarfulltrúi er með viðtalstíma á 2. hæð í Þróunarsetrinu í dag, miðvikudaginn 1. febrúar, milli kl. 10:00 - 12:00.

Grunnsk�linn � H�lmav�k tekur ��tt � L�fshlaupinu

Tue, 31 Jan 2012 18:52:00 +0000

Á morgun, þann 1. febrúar, hefst Lífshlaupið sem er heilsu- og hvatningarverkefni ÍSÍ fyrir alla aldurshópa. Í fyrra lenti Grunnskólinn á Hólmavík í 2. sæti í sínum flokki en keppnin virkar þannig að landsmenn eru hvattir til þess að huga að daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta.

Lýðheilsustöð ráðleggur börnum og unglingum að hreyfa sig í minnst 60 mínútur á dag og fullorðnum í minnst 30 mínútur á dag. Inn á vef Lífshlaupsins er hægt að velja um þrjár leiðir til að taka þátt í Lífshlaupinu: Ef þú ert 15 ára og yngri getur þú tekið þátt í hvatningarverkefni fyrir grunnskóla. Ef þú ert 16 ára og eldri getur þú tekið þátt í vinnustaðakeppni. Allir geta tekið þátt í einstaklingskeppni þar sem þátttakendur geta skráð niður sína daglegu hreyfingu allt árið. Hægt er að fylgjast með fjölda þátttakenda, fjölda liða og með þeim árangri sem þátttakendur ná í hverju sveitarfélagi fyrir sig með því að smella á Staðan vinstra megin á vef Lífshlaupsins http://lifshlaupid.is/ en þar má einnig nálgast ítarlegri upplýsingar um hvatningarleikinn þar sem grunnskólanemendur eru hvattir til þess að ná að hreyfa sig alla daga meðan á leiknum stendur í samræmi við ráðleggingar um hreyfingu.

Samstarfi� sigra�i !

Mon, 30 Jan 2012 09:18:00 +0000

Fastur liður í vikulegri dagskrá Skólabúðanna á Reykjum er Hárgreiðslukeppni drengja. Þar keppa færustu hárgreiðslumeistarar í sinni grein og módelin eru alltaf drengir.
Samstarf skólanna á Hólmavík og Drangsnesi skilaði sigri að þessu sinni. Það var Trausti Rafn sem var valinn glæsilegasta módelið og um hárgreiðslu og förðun sáu Emilía Rós og Karen Ösp frá Drangsnesi og Ingibjörg og Harpa Dögg frá Hólmavík.

Síðustu myndir úr Reykjaskólaferðinni eru nú komnar inn í Skólamyndir Grunnskólans á Hólmavík og tilvalið að rifja upp ferðina með því að skoða þær.

Byggingarfulltr�i me� vi�talst�ma

Mon, 30 Jan 2012 08:46:00 +0000

Gísli Gunnlaugsson byggingarfulltrúi verður með viðtalstíma á 3. hæð í Þróunarsetrinu, miðvikudaginn 1. febrúar, milli kl. 10:00 - 12:00.