Talsverður fólksfjöldi var kominn til Hólmavíkur í gærkvöldi þegar setningarathöfn Hamingjudaga fór fram. Fyrr um daginn var kassabílasmiðjan opin, stórgóðir tónleikar með Svavari Knúti og Raddbandafélagi Reykjavíkur, undir stjórn Steingríms Þórhallssonar fóru fram í Bragganum og Furðufataball var haldið fyrir alla fjölskylduna. Við varðeldinn flutti svo Jón Jónsson á Kirkjubóli Hamingjuræðuna, Gísli og Rögnvaldur gáfaði skemmtu gestum og stóðu fyrir inntökuprófum í laglausa kórinn sem nú er skipaður fimm valinkunnum Strandamönnum sem eiga það sameiginlegt að vera laglausir frá náttúrunnar hendi. Loks léku þeir Gunnar og Guðmundur Jóhannssynir og Gulli Bjarna fyrir fjöldasöng. Að því loknu héldu þér allra hörðustu á dansleik með Bjarna og Stebba á Café Riis.

Í dag, föstudaginn 2. júlí, milli kl 15 og 18 verða söngæfingar hjá Heiðu Ólafs í Grunnskólanum á Hólmavík fyrir þátttakendur í söngkeppni barna 6-14 ára. Keppendur hafa verið látnir vita hvenær þeirra æfingatími er og frekari upplýsingar veitir framkvæmdastjóri (Stína) í síma 8673164.

Rokkaðdáendur fylltu Braggann á Hólmavík í kvöld, á fyrsta viðburði dagskrár Hamingjudaga á Hólmavík. Fimm manna hljómsveit flutti þar Deep purple tribute við feikigóðar undirtektir heimamanna og fjölda gesta sem komnir voru á svæðið. Gestirnir létu rigninguna ekkert á sig fá, enda er útlit fyrir að henni sé að mestu lokið og veðurútlitið næstu daga mun betra en lengi var ætlað. Framundan er fjöldi viðburða og meðal listamanna sem fram koma eru Gísli Einarsson og Rögnvaldur gáfaði, Geirmundur Valtýsson, Jón á Berginu, Raddbandafélag Reykjavíkur, Svavar Knútur og hljómsveitin Hraun, töframaðurinn Jón Víðis og fleiri. Sýningar og sagnatjald, brúðuleikhús og hnallþóruhlaðborð verða á sínum stað ásamt götuleikhúsi. Þá setja undirlegir viðburðir eins og laglaus kór, skítkast og öskurkeppni svip sinn á þessa sjöttu Hamingjudaga sem haldnir eru á Hólmavík. Dagskránni lýkur kl 18 á sunnudag.

Æfing á föstudaginn fyrir söngkeppni barna verður kl 15-18 í Grunnskólanum og einnig verður haft samband við keppendur. Verið er að vinna í því að birta lista yfir þau lög sem til eru í karókí hér á síðunni og eins verður boðið upp á undirleik
(á gítar). En til að byrja með eru hér þau lög sem til eru á karókídiskunum Röddin, Taktu lagið, Bestu barnalögin og Hamingjulagið 2005:

Karókídiskurinn Taktu lagið:
Ég sjálf (Írafár)
Dag sem dimma nátt (Í svörtum fötum)
Þú fullkomnar mig (Sálin hans Jóns míns)
Aðeins einu sinni (Kalli Bjarni)
Von mín er sú (Land og synir)
All out of luck (Selma)
Ennþá (Skítamórall)
Spenntur (Á móti sól)
Láttu mig vera (200.000 naglbítar)
Með allt á hreinu (Stuðmenn)
1000 kossa nótt (Bubbi Morthens)
Ég sé þig (Björgvin Halldórsson)
I think of angels (Páll Rósinkranz)
Talað við gluggann (Hera)

Röddin:
Mama do (Pixie Lott)
Umbrella (The Baseballs)
I´m yours (Jason Mraz)
Never forget you (The Noisette)s
Russian Roulette (Rihanna)
Empire State of Mind (Alicia Keys)
Mercy (Duffy)
Hallelujah (Alexandra Burke)
Bleeding Love (Leona Levwis)
Not fair (Lily Allen)
The klimb (Miley Cyrus)
Run (Leona Lewis)
Crazy love (Michael Bubble)
Mama Mia (Abba)
Jolene (Dolly Parton)
Heaven (Bryan Adams)
Oh Darling (The Beatles)
Hjá þér (Sálin hans Jóns míns)
Líf (Hildur Vala)
When I think of angels (Ellen og KK)
Hlustaðu á regnið (Trúbrot)
Aint no sunshine (Bill Whiters)
Yndislegt líf (Sigga Beinteins)
Á tjá og tundri (Sálin hans Jóns míns)
Fjöllin hafa vakað (Bubbi Morthens)

Bestu barnalögin:
Pálína með prikið (Edda Heiðrún Backman)
Vorljóð (Edda Heiðrún Backman)
Mundu mig (Jóhanna Guðrún)
Ánægður drengur (Edda Heiðrún Bachman)
Krókódíllinn (María Björk og Edda Heiðrún Bachman)
Óskasteinar (Edda Heiðrún Bachman)
Kóngur klár (Grímur Gíslason og Stefán Stefánsson)
Bíóstjarnana (Jóhanna Guðrún)
Sex litlar endur (Helga Möller)
Litla kvæðið um litlu hjónin (Sigga Beinteins)
Ég grænka eins og grasið (Jóhanna Guðrún)
Gutti (Egill Ólafsson)
Mamma (María Björk og Sara Dís)
Skólarapp (Sara Dís og Þorvaldur Davíð)
Snert hörpu mína (Edda Heiðrún Bachman)
Ég sjálf (Jóhanna Guðrún)
Hér kemur gráðug kelling (Edda Heiðrún Bachman)
Ég er vinur þinn (Bergsveinn Arelíusson og Hreimur Örn)
Villikötturinn (Jóhanna Guðrún)

Hamingjulagið 2005:
Hamingjudagar á Hólmavík (Kristján Sigurðsson)

Erum líka með diska með Jóhönnu Guðrúnu, Birgittu Haukdal og diskinn frá fyrstu Idol keppninni.

Laglausi kórinn, léttmessa, hamingjulaup, hnallþórur, furðuleikarnir og fiskur á Hamingjudögum á Hólmavík 1 - 4 júlí.

 

Strandamenn eru ekki venjulegt fólk og því er það engin venjuleg dagskrá sem boðið verður upp á á Hamingjudögum Strandamanna sem haldnir verða á Hólmavík í sjötta sinn dagana 1. - 4. Júlí næstkomandi. Strandamenn eru sem betur fer ekki við hestaheilsu og því setja hrossasjúkdómar ekki strik í reikninginn þegar þeir ætla að gera sér glaðan dag.
Boðið er upp á gríðarlega fjölbreitta dagskrá þar sem grín og glens er í fyrirrúmi en þó fyrst og fremst helber hamingja enda er það vísindalega sannað að Strandamenn eru hamingjusömustu íbúar jarðarkringlunnar. Á Ströndum brosir hver einasti maður hringinn, og jafnvel einn og hálfan, hvernig sem viðrar og sama hvaða hörmungar dynja á heimsbyggðinni.
Meðal þess sem hægt er að berja augum og taka þátt í á Hamningjudögum er kassabílasmiðja, Hamingjuhlaup, götuleikhús, brúðuleikhús, hnallþóruhlaðborð, söngvakeppni barnanna, hamingjudansleikur, léttmessa í Hólmavíkurkrikju, Furðufataball fjölskyldunnar og Furðuleikar Sauðfjársetursins þar sem meðal annars er keppt í kvennahlaupi, trjónufótbolta og fleiri stórfurðulegum íþróttagreinum.
Þá koma fram á hátíðinni tónlistarmennirnir Svavar Knútur og Raddbandafélag Reykjavíkur, Geirmundur Valtýsson, hljómsveitin Hraun og Jón á Berginu. Ennfremur töframaðurinn Jón Víðis og tveir af undarlegustu mönnum landsins, Gísli Einarsson, fréttamaður og Rögnvaldur Gáfaði láta gamminn geysa í uppistandi við setningu hátíðarinnar á Kópnesi.
Hvað sem öðru líður þá á það að vera líðum ljóst að hamingjan á lögheimili á Ströndum og það getur hver sem er sannreynt um þessa helgi.
Nánari upplýsingar gefur Kristín Sigurrós Einarsdóttir, framkvæmdastjóri Hamingjudaga. S: 8673164