Starfsemi Skólaskjóls felst í því að bjóða upp á lengda viðveru fyrir börn úr 1.-4. bekk Grunnskólans á Hólmavík alla hefðbundna skóladaga frá kl. 14:00-16:00 á starfstíma skólans samkvæmt útgefnu skóladagatali. Öll börn eigi kost á þjónustu Skólaskjóls óháð getu þeirra, þroska eða fötlun. Við leggjum áherslu á að starfið sé skipulagt þar sem starfsmenn og börn leitist við að móta gott, heimilislegt og þægilegt andrúmsloft sem einkennist af virðingu og leikgleði. Í Skólaskjóli er boðið upp á síðdegishressingu kl. 15:00. Þessa þjónustu greiða forráðamenn fyrir samkvæmt gjaldskrá Strandabyggðar. Starfsmenn Skólaskjóls eru þau Alda Guðmundsdóttir og Steinar Ingi Gunnarsson en þau eru einnig stuðningsfulltrúar við skólann.