Íslenska: Í íslensku höfum við mikið verið að vinna í vinnubókum, búið til sögur, farið í hringekju og fleira skemmtilegt. Við höfum einnig verið að prófa að skipta hópnum aðeins upp það sem hver árgangur er tekin út í einni kennslustund og vinnur þar með einum kennara á meðan hinir eru hjá öðrum kennara. Það hfur gefið góða reynslu svona í upphafi.

Stærðfræði: Í stærðfræðinni höfum við verið að vinna hvert og eitt á sínum stað í bókunum. Við höfum einnig verið að spila sequence, 7 ate 9 og uno. Hópnum í stærðfæði hefur einnig  verið skipt upp – og munum við halda áfram með það - hver árgangur verður tekin út og vinnur með einum kennara.

Listir: Í listum höfum við verið að vinna mynstur og nú síðast vorum við að læra að prjóna

Enska: þar höfum við verið að æfa okkur í að tala ensku í tímunum. Við höfum verið að glósa og nú höfum við bætt inn hlustun líka.

Upplýsingatækni: Þar erum við að byrja að vinna með word, einnig vinnum við áfram á bókasafni. Áður höfum við verið mest verið að æfa okkur í fingrafimi. 

Samfélagsfræði: Þar höfum við verið að vinna með kortalestur. Nú erum við að leggja af stað í verklega vinnu þar sem hver hópur er með eitt land og gerir verkefni tengt því. Einnig verða löndin teiknuð upp á veggspjald.

Tónmennt og tjáning: þar höfum við verið að vinna með spuna og stutta leikþætti. 

Þessa viku vorum við að vinna í bókinni Lífríkið í fersku vatni. Erum við að fjalla um lífverur sem lifa í fersku vatni. Nemendur vinna sér glósur á blöð með myndum af lífverunum. Þessa viku fræddumst við um mýflugur, vorflugur og brunnklukkur. Næstu vikurnar bætast síðan fleiri lífverur við, fiskar og skordýr.

Íslenska: Í íslensku hefur áherslan verið mest á málfræði. Við höfum verið að skrifa bátsögur, risaeðlusögur og fleira. Við höfum einnig farið í „lestaraferðir“ og hringekju.

Stærðfræði: Í stærðfræðinni höfum við verið að vinna hvert og eitt á sínum stað í bókunum. Við höfum verið að vinna með mynstur, klipt út mynstur og límt aftur saman. Við höfum einnig verið að spila, verið úti að mæla og gert fleira skemmtilegt.

Listir: Í listum höfum við verið að vinna áfram í bókagerð. Einnig höfum við verið að teikna upp fyrirmyndir.

Enska: þar höfum við áfram verið að æfa okkur í að tala ensku í tímunum. Við gerðum líka auglýsingu í tengslum við fata-orð sem við vorum að læra.

Upplýsingatækni: Þar höfum við verið að æfa okkur í fingrafimi, unnið á bókasafninu, unnið með Náttúruvefsjá og fleira. 

Samfélagsfræði: Þar höfum við verið að vinna áfram með kortalestur, lengdarbauga, breiddarbauga og tímabelti. 

Tónmennt og tjáning: þar höfum við verið að vinna með upplestur, upplestur með tónlist og fleira. 

Náttúrufræði: Þar vinnum við með bókina Líf í fersku vatni. Við höfum fundið sýni og skoðað í smásjá. 

Þetta höfum við verið að vinna að það sem af er skólaársins.

Íslenska: Í íslensku höfum við verið að vinna mikið í málfræði. Við höfum einnig nýtt okkur útidagana á fimmtudögum og safnað nafnorðum, sjósett sjóorð og fleira. Undanfarið hefur verið mikil áhersla á undirbúning fyrir samræmd próf í 4. bekk.

Stærðfræði: Í stærðfræðinni höfum við verið að vinna hvert og eitt á sínum stað í bókunum. Einnig höfum við verið að vinna í þemaheftinu Mynstur. Í tengslum við Mynstur höfum við verið að stimpla, safna mynstrum í umhverfinu, lært snúning, hliðrun og speglun í gegnum stimplun og margt fleira. Við höfum einnig nýtt útitímana í ratleik með hnitakerfi. Undirbúningur fyrir samræmt próf í 4. bekk hefur verið áberandi undanfarið.

Listir: Í listum höfum við verið að vinna verkefni tengt Norðurlöndunum en það er bókagerð. Einnig höfum við verið að vinna sandmynd og skilti fyrir Göngum í skólann verkefnið.

Enska: þar höfum við verið að æfa okkur í að tala ensku í tímunum, lært tölurnar frá 1-20, litina, lært um fjölskylduna og fleira skemmtilegt.

Upplýsingatækni: Þar höfum við verið að æfa okkur í fingrafimi, unnið á bókasafninu, unnið stærðfræðiverkefni, íslenskuverkefni, word, lært að setja okkur markmið og fleira.

Samfélagsfræði: Þar höfum við verið að vinna með kortalestur, lengdarbauga, breiddarbauga og tímabelti.

Tónmennt og tjáning: þar höfum við verið að vinna með spuna, leikrit, trommuhring, söng fyrir gamlafólkið á elliheimilinu og fleira skemmtilegt.

Náttúrufræði: Þar vinnum við með bókina Líf í fersku vatni. Við höfum farið í vettvangsferð í Kálfaneslækinn, gert tilraunir með vatn og fleira.  

Nú eru komnar inn fullt af nýjum myndum af okkur á myndasíðuna. Myndir segja meira en þúsund orð :) Myndir frá gróðursöfnun, mynsturgerð, mynstur í umhverfinu, og sjósetningu sjóorða eru komnar á vefinn.
Kveðja Inga 

Í náttúrufræði vorum við að lesa um vatnið. Við vorum í mjög heimspekilegum hugmyndum um það hvað væri vatn. Komu margar skemmtilegar hugmyndir frá nemendum og sitt sýndist hverjum. Í lok tímans gerðum við léttar og skemmtilegar tilraunir með vatn.