A A A

Valmynd

Fréttir

Skólastarf

Menningarmálanefnd - 12. maí 2009

Fundur var haldinn í Menningarmálanefnd, þriðjudagur 12. maí 2009, á skrifstofu sveitarfélagsins og hófst hann klukkan 17:00.  Mætt voru: Arnar S. Jónsson formaður, Rúna Stína Ásgrímsdóttir, Jón Halldórsson og Guðrún Guðfinnsdóttir varamaður. Kristín Sigurrós Einarsdóttir nýráðinn framkvæmdastjóri Hamingjudaga mætti einnig á fundinn. Arnar S. Jónsson ritaði fundargerð.  Formaður setti fundinn og gengið var til dagskrár.

 

 

  1. Hamingjudagar 2009.

 

 

 

  1. Hamingjudagar 2009.

 

Kristín Sigurrós Einarsdóttir, nýráðin framkvæmdastjóri hátíðarinnar, tók til máls og tjáði nefndarmönnum að undirbúningur væri þegar hafinn að hátíðinni. Kristín dreifði grófum drögum að hátíðardagskrá meðal nefndarmanna og farið var yfir þau lið fyrir lið.

 

Meðal þess sem fram kom er að ekki gefst tími til að halda lagasamkeppni að þessu sinni. Heimamenn hafa boðist til að hafa sýningar á hátíðinni og allmargir sýnt henni áhuga. Kristín setti fram hugmyndir um diskótek, gönguferðir o.fl., og meðal annars var rætt um að endurvekja blysgöngu og varðeld við Kópnes á föstudagskvöldi.

 

Rætt var um öryggismál, málefni tjaldsvæðis og aðkomu hátíðargesta að því. Ýmsar umræður spunnust um atriði á hátíðinni, útfærslu á þeim sem og öfluga aðkomu heimamanna og stofnana í héraði. Farið var vítt og breitt yfir kosti og galla einstakra viðburða og verkþátta. Fram kom að Kristín hefur átt í viðræðum við hljómsveitina Von frá Sauðárkróki um að spila á dansleik á laugardagskvöldinu.

 

Rætt var um gæslumál og ákveðið var að ræða við Björgunarsveitina Dagrenningu á Hólmavík sem hefur áður staðið sig afar vel í gæslu á Hamingjudögum. Spjallað um markaðssetningu og söluvörur. Fram kom að Krístín hefur hug á að halda fund með þjónustuaðilum á svæðinu í næstu viku.

 

Ákveðið var að stefna að því að halda næsta nefndarfund þriðjudaginn 26. maí.

 

 

 

Fleira ekki gert, fundi slitið kl 18:47.

 

Guðrún Guðfinnsdóttir (sign)             Jón Halldórsson (sign)

Arnar Snæberg Jónsson (sign)            Rúna Stína Ásgrímsdóttir (sign)        

Könnun

Facebook

Atburđadagatal

« Nóvember 2017 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir

Vefumsjón