A A A

Valmynd

Fréttir

Skólastarf

Sveitarstjórn Strandabyggđar 1268 - 12. desember 2018

Fundur nr.  1268 í sveitarstjórn Strandabyggðar var haldinn þriðjudaginn 12. desember 2017 í Hnyðju, Höfðagötu 3. Fundurinn hófst kl. 16:00. Jón Gísli Jónsson (J) bauð fundarmenn velkomna og setti fundinn. Auk Jóns Gísla sátu fundinn  Ásta Þórisdóttir (J) , Ingibjörg Emilsdóttir (J), Haraldur V. A. Jónsson (F) og Ingibjörg Benediktsdóttir (E). Andrea K. Jónsdóttir sveitarstjóri ritaði fundargerð.

 

Ein athugasemd er við fundarboð en fundur Tómstunda-, íþrótta- og menningarnefndar var ekki haldinn og því fellur liður 10. niður og aðrir liðir á eftir taka mið af því.

 

Fundardagskrá er svohljóðandi:

  1. Fjárhagsáætlun Strandabyggðar fyrir árið 2018 lögð fram til síðari umræðu
  2. Þriggja ára áætlun Strandabyggðar fyrir árin 2019 – 2021 lögð fram til síðari umræðu
  3. Afgreiðsla viðauka vegna fjárhagsáætlunar 2017
  4. Umsókn um byggðakvóta fiskveiðiársins 2017-2018
  5. Erindi frá stjórn Snorrasjóðs, umsókn um stuðning, dagsett 20/11/2017
  6. Erindi frá Svani Kristjánssyni, umsókn um tímabundið leyfi frá störfum, dagsett 23/11/2017
  7. Skýrsla nóvembermánaðar frá sveitarstjóra og forstöðumönnum
  8. Fundargerð 106. fundar stjórnar NAVE frá 22/11/2017
  9. Fundargerð Ungmennaráðs frá 7/11/2017
    Fundargerð Tómstunda-, íþrótta- og menningarnefndar frá 11/12/2017
  10. Fundargerð Fræðslunefndar frá 6/12/2017
  11. Fundargerð Umhverfis- og skipulagsnefndar frá 29/11/2017

Þá var gengið til dagskrár.

  1. Fjárhagsáætlun Strandabyggðar fyrir árið 2018 lögð fram til síðari umræðu

    Rekstrarniðurstaða A – hluta sjóðs er áætluð jákvæð um kr. 27,6 milljónir. Samanlögð rekstrarniðurstaða úr A og B hluta sjóðum sveitarfélagsins er áætluð jákvæð um kr. 26,9 milljónir.

    Áætlaðar fjárfestingar vegna framkvæmda árið 2017 hljóða upp á 64 milljónir.

    Haldið verður áfram í verkefninu Ísland ljóstengt og unnið að því að  ljósleiðaravæða í dreifbýli norðan Hólmavíkur og á Langadalsströnd yfir í Djúpi. Áfram er unnið að undirbúningi vegna hitaveitu á Hólmavík. Sett verður niður nýtt stálþil í höfnina og unnið áfram að gatnaframkvæmdum innanbæjar á Hólmavík.  Byggja á nýja fjárrétt í Skeljavík, unnið verður áfram að viðhaldi á skólahúsnæði, endurbætur í íþróttamiðstöð og  framkvæmdir í félagsheimili auk þess sem fjármunir verða settir í hönnun á götum auk leikvalla og tjaldsvæðis.

    Lántaka: Áætlað er að fjármagna þessar framkvæmdir með láni upp á kr. 64 milljónir. Takist sala eigna kemur það til lækkunar á lántöku.

    Útsvarshlutfall 2018: Sveitarstjórn Strandabyggðar samþykkir að útsvarshlutfall í Strandabyggð árið 2018 verði 14,52%.

    Gjaldskár 2018: Sveitarstjórn Strandabyggðar samþykkir að gjaldskrá fyrir sorphirðu og sorpeyðingu í Strandabyggð hækki um 8,0%. Aðrar gjaldskrár í sveitarfélaginu sem ekki eru tengdar vísitölu hækka um 3.5%.

    Sveitarstjórn Strandabyggðar samþykkir óbreytta fasteignaálagningu. A-gjald í Strandabyggð verður 0,5% af fasteignamati, B-gjald verður 1,32% af fasteignamati og C-gjald verður 1,51% af fasteignamati. Holræsagjald verður 0,25% af fasteignamati og vatnsskattur 0,3% af fasteignamati. Lóðarleiga verður 2,5% af fasteignamati lóðar.
     
    Fjárhagsáætlun sveitarfélagsins Strandabyggðar fyrir árið 2018 er samþykkt samhljóða.

  2. Þriggja ára áætlun Strandabyggðar fyrir árin 2019 – 2021 lögð fram til síðari umræðu

    Þriggja ára fjárhagsáætlun sveitarfélagsins fyrir árið 2019 – 2021 er lögð fram, rædd og samþykkt samhljóða.

  3. Afgreiðsla viðauka vegna fjárhagsáætlunar 2017

    a) Sveitarstjórn samþykkir viðauka við fjárhagsáætlun 2017 til hækkunar á kostnaði við viðhald grunnskóla úr 2,5 milljónum í 4,8 milljónir.  Breyting á ráðstöfun á láni.

    b) Sveitarstjórn samþykkir viðauka við fjárhagsáætlun 2017 til hækkunar vegna kaupa á stólum í Félagsheimili úr 0 kr í 1,2 milljónir. Fjármunir fengnir úr sveitarsjóði.

    c) Sveitarstjórn samþykkir viðauka við fjárhagsáætlun 2017 til lækkunar vegna kaupa á slökkvibifreið úr kr. 15,0 milljónum í 4,5 milljónir. Breyting á ráðstöfun á láni.

  4. Umsókn um byggðakvóta fiskveiðiársins 2017-2018

    Ingibjörg Benediktsdóttir lýsir yfir vanhæfi sínu og víkur af fundi.

    Sveitarstjórn Strandabyggðar óskar eftir að viðbótarreglur verði settar vegna úthlutunar byggðakvóta fiskveiðiárið 2017/2018.

    Sveitarstjórn Strandabyggðar leggur til eftirfarandi breytingar á 4. grein reglugerðar 604/2017:

    - 25% úthlutaðs byggðakvóta verði skipt jafnt á milli fiskiskipa
    - 75% úthlutaðs byggðakvóta verði skipt eftir lönduðum afla síðasta fiskveiðiárs, 2016/2017

    Sveitarstjórn Strandabyggðar leggur til eftirfarandi breytingar á 6. grein reglugerðar 604/2017:

    - Vinnsluskylda samkvæmt 6. gr. reglugerðar nr. 604/2017 verði felld  niður.

    Samþykkt samhljóða.

    Ingibjörg tekur sæti sitt á fundinum á ný.

  5. Erindi frá stjórn Snorrasjóðs, umsókn um stuðning, dagsett 20/11/2017

    Sveitarstjórn fjallar um erindið og hafnar beiðni um fjárstuðning.

  6. Erindi frá Svani Kristjánssyni, umsókn um tímabundið leyfi frá störfum, dagsett 23/11/2017

    Ásta Þórisdóttir víkur af fundi.
    Sveitarstjórn fjallar um erindið og samþykkir það.
    Ásta kemur aftur til fundar.

  7. Skýrsla nóvembermánaðar frá sveitarstjóra og forstöðumönnum

    Skýrsla lögð fram til kynningar.

  8. Fundargerð 106. fundar stjórnar NAVE frá 22/11/2017

    Fundargerð lögð fram til kynningar.

  9. Fundargerð Ungmennaráðs frá 7/11/2017

    Fundargerð lögð fram til kynningar.

  10. Fundargerð Fræðslunefndar frá 6/12/2017

    Fundargerð lögð fram til samþykktar.
    Sveitarstjórn tekur vel í lið númer 1 og felur fræðslunefnd að fara yfir reglur og móta stefnu vegna möguleika á inntöku barna allt frá 9 mánaða aldri.
    Fundargerð að öðru leyti samþykkt samhljóða.

  11. Fundargerð Umhverfis- og skipulagsnefndar frá 29/11/2017

    Fundargerð lögð fram til samþykktar og samþykkt samhljóða.

Fundargerð yfirfarin og undirrituð og fundi slitið kl. 17:33

 

Ásta Þórisdóttir

Haraldur V. A. Jónsson

Ingibjörg Benediktsdóttir

Ingibjörg Emilsdóttir

Jón Gísli Jónsson

Könnun

Facebook

Atburđadagatal

« Október 2018 »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Nćstu atburđir

Vefumsjón