A A A

Valmynd

Fréttir

Skólastarf

Umhverfis- og skipulagsnefnd - 5. nóvember 2015

Fundur var haldinn í Umhverfis- og skipulagsnefnd Strandabyggðar  fimmtudaginn

5. nóvember  2015,  kl. 17:00 á skrifstofu sveitarfélagsins.

Fundinn sátu:  Jón Gísli Jónsson formaður,  Hafdís Sturlaugsdóttir,  Már Ólafsson, Jóhann Björn Arngrímsson og Gísli Gunnlaugsson byggingarfulltrúi sem ritaði fundargerð.

 

 

Á dagskrá fundarins var eftirfarandi:

 

  1.  Stöðuleyfi fyrir gáma
    Erindi frá Þorsteini Paul Newton þar sem hann fyrir hönd Hólmadrangs ehf. óskar eftir stöðuleyfi fyrir fjóra frystigáma á lóð fyrirtækisins.  Gámarnir verða staðsettir þannig að sem minnst truflun verði af þeim, þar á meðal vegna hávaða.

    Erindið samþykkt.

  2. Dæluskúr Nauteyri
    Umsókn frá Hraðfrystihúsinu – Gunnvör ehf. þar sem óskað er eftir leyfi til að byggja við dæluskúr fyrir heitt vatn sem þjónar fiskeldisstöð HG á Nauteyri, samkvæmt meðfylgjandi teikningu.  Einnig er sótt um leyfi til að endurnýja skýli þriggja borhola við eldisstöðina.

    Hafdís Sturlaugsdóttir tekur ekki þátt í afgreiðslu þessa erindis.
    Erindið samþykkt.
     
  3. Gestsstaðir
    Erindi frá Ragnheiði Jónsdóttir og Sólveigu Jónsdóttir þar sem óskað er eftir leyfi til að rífa fjósbyggingu sem stendur á jörðinni Gestsstaðir. 

    Erindið samþykkt.
     
  4. Sumarhúsalóð
    Erindi frá Guðmundi Helga Jenssyni þar sem hann sækir um auða sumarhúsalóð í Skeljavík rétt sunnan Hólmavíkur.

    Samþykkt að úthluta Guðmundi Helga lóð nr. 6 í Skeljavík.  Hafi teikningar ekki borist byggingarfulltrúa innan sex mánaða frá úthlutun lóðarinnar fellur hún niður.  Framkvæmdir við byggingu sumarhússins skulu hefjast innan 12 mánaða frá úthlutun lóðarinnar.

    Umhverfis- og skipulagsnefnd beinir því til sveitarstjórnar að haldið verði áfram með vinnu við deiliskipulag á reit F2, ofan þjóðvegar, fyrir sumarhús.
     
  5. Seiðaeldi Nauteyri
    Í samræmi við 6. gr. laga nr. 106/2000 og 11. gr. reglugerðar nr. 1123/2005 um mat á umhverfisáhrifum óskar Skipulagsstofnun eftir að Strandabyggð gefi umsögn um hvort og á hvaða forsendum ofangreind framkvæmd skuli háð mati á umhverfisáhrifum að teknu tilliti til 2. viðauka í framangreindum lögum.

    Hafdís Sturlaugsdóttir víkur af fundi við afgreiðslu þessa dagskrárliðar.
    Umhverfis- og skipulagsnefnd telur að í gögnum meðfylgjandi tilkynningu um seiðaeldisstöð á Nauteyri, fyrir allt að 800 tonna ársframleiðslu á lax- og silungseldi, sé nægjanlega gerð grein fyrir framkvæmdinni, umhverfi hennar, mótvægisaðgerðum og vöktun.  Nefndin telur því ekki að framkvæmdin skuli háð mati á umhverfisáhrifum.  Framkvæmdin er að hluta háð byggingarleyfum samkvæmt mannvirkjalögum og framkvæmdaleyfum.
     
  6. Deiliskipulag Nauteyri
    Erindi frá Teiknistofunni Eik ehf. þar sem óskað er eftir að deiliskipulags- og matslýsing, vegna fyrirhugaðs deiliskipulags fyrir hluta jarðarinnar Nauteyri, verði tekin til meðferðar skv. 40. gr. skipulagslaga nr. 123/2010.

    Hafdís Sturlaugsdóttir víkur af fundi við afgreiðslu þessa dagskrárliðar.
    Umhverfis- og skipulagsnefnd leggur til við sveitarstjórn að deiliskipulags- og matslýsing, vegna fyrirhugaðs deiliskipulags fyrir hluta jarðarinnar Nauteyri, dagsett 29.október 2015, fari í lögbundna kynningu.  
     
  7. Önnur mál
    a)      Ársfundur náttúrverndarnefnda og Umhverfisstofnunar
    Fimmtudaginn 12. nóvember 2015 verður haldinn 18. ársfundur Umhverfisstofnunar og náttúruverndarnefnda sveitarfélaga.

    Kynnt.

    b)     Ármúli I
    Kynnt bréf Minjastofnunar vegna undirbúnings að friðlýsingu íbúðarhússins að Ármúla I

    c)      Auglýsingaskilti
    Borist hefur bréf frá Umhverfisstofnun þar sem, að gefnu tilefni, er minnt á að auglýsingar meðfram vegum og annarsstaðar utan þéttbýlis eru óheimilar nema að uppfylltum ákveðnum skilyrðum.

 

 

 

Jón Gísli Jónsson
Hafdís Sturlaugsdóttir
Már Ólafsson
Jóhann Björn Arngrímsson
Gísli Gunnlaugsson

Könnun

Facebook

Atburðadagatal

Næstu atburðir

Vefumsjón