A A A

Valmynd

Fréttir

Skólastarf

Námskeið fyrir nefndarfólk fært yfir á Café Riis

| 10. mars 2011

Námskeið fyrir fólk í nefndum og sveitarstjórn Strandabyggðar hefur verið fært úr Félagsheimilinu yfir á Café Riis. Á námskeiðinu verður m.a. farið yfir eftirfarandi þætti: 

  • Fundarsköp
  • Undirbúning undir nefndarfundi
  • Tillögugerð
  • Ritun fundargerða

Þeir sem ekki eru skráðir geta enn bæst í hópinn og mætt á Café Riis. Námskeiðið hefst kl. 17:00 í dag og stendur til klukkan 20:30. 

6 mánaða skýrsla sveitarstjóra

| 08. mars 2011
Frá vinstri: Jón Jónsson, varaoddviti, Ásta Þórisdóttir, Bryndís Sveinsdóttir, Katla Kjartansdóttir, Jón Gísli Jónsson oddviti og Ingibjörg Valgeirsdóttir sveitarstjóri. Mynd Brian Berg.
Frá vinstri: Jón Jónsson, varaoddviti, Ásta Þórisdóttir, Bryndís Sveinsdóttir, Katla Kjartansdóttir, Jón Gísli Jónsson oddviti og Ingibjörg Valgeirsdóttir sveitarstjóri. Mynd Brian Berg.
Um þessar mundir eru átta mánuðir síðan ný sveitarstjórn tók við í Strandabyggð og sex mánuðir síðan undirrituð tók við starfi sveitarstjóra. Á þessum mánuðum höfum við fengið mikilvægt tækifæri til að kynnast hagsmunum íbúa Strandabyggðar og starfsemi sveitarfélagsins nánar.  Það hefur verið ánægjulegt að ræða við íbúa og starfsfólk í stofnunum og nefndum á vegum Strandabyggðar og finna fyrir bæði metnaði og áhuga á þróun og uppbyggingu samfélagsins. Þetta hefur verið lærdómsríkur tími og ljóst að þannig verður það áfram, enda mikilvægt að starfsemi sveitarfélagsins sé í stöðugri þróun og endurskoðun.

 

Virk skoðanaskipti þar sem dregnar eru fram ólíkar hliðar á málum áður en ákvarðanir eru teknar er farsæl leið til framfara. Slík skoðanaskipti viljum við eiga sem oftast við íbúa Strandabyggðar, hvort sem er á skipulögðum fundum, í óformlegu spjalli  eða með því að taka við erindum til nefnda og sveitarstjórnar.  Við hvetjum ykkur eindregið til að láta í ykkur heyra varðandi þá þætti sem þið eruð ánægð með í sveitarfélaginu og  benda okkur á það sem betur má gera.

 

Til upplýsingar fyrir íbúa verður hér farið lauslega yfir helstu verkefni sem sveitarstjórnarfólk og starfsfólk Strandabyggðar hefur unnið að undanfarna mánuði.

Hlökkum til áframhaldandi samstarfs.

F.h. sveitarfélagsins Strandabyggðar,
Ingibjörg Valgeirsdóttir, sveitarstjóri.

Dansnámskeið á Hólmavík 14.-18. mars

| 07. mars 2011

Vikan 14.-18. mars verður sannkölluð dansvika á Ströndum, en þá heldur Jón Pétur Úlfljótsson frá Dansskóla Jóns Péturs og Köru dansnámskeið fyrir börn og fullorðna á Hólmavík. Skráning barna fer fram í gegnum grunnskólana, en námskeið fyrir fullorðna verður kl. 20:00-21:30 frá mánudegi til fimmtudags. Allir frá 16 ára og uppúr geta tekið þátt í námskeiðinu, en hver og einn fær viðfangsefni við sitt hæfi í dansinum. Námskeiðið í heild kostar kr. 4.000.-, en einnig er hægt að mæta á einstök kvöld sem kosta þá kr. 1.000.-  Skráning fer fram hjá Arnari S. Jónssyni tómstundafulltrúa í s. 661-2009 og í  tomstundafulltrui@strandabyggd.is.
Skráningu lýkur kl. 16:00 föstudaginn 11. mars.

Frítt að flytja gáma á nýtt gámasvæði í Skothúsvík

| 05. mars 2011
Nýtt gámasvæði í Skothúsvík er liður í bættri þjónustu við íbúa sem nýta sér geymslugáma og stuðlar að fegrun umhverfis í Strandabyggð. Mynd IV.
Nýtt gámasvæði í Skothúsvík er liður í bættri þjónustu við íbúa sem nýta sér geymslugáma og stuðlar að fegrun umhverfis í Strandabyggð. Mynd IV.
Tekið hefur verið í notkun nýtt gámasvæði í Skothúsvík þar sem íbúum gefst kostur á að geyma gáma sína á snyrtilegu svæði. Gámasvæðið er liður í bættri þjónustu við íbúa sem nýta sér geymslugáma auk þess sem nýja gámasvæðið stuðlar að fegrun umhverfisins í Strandabyggð. Þeir sem panta flutning á gámum frá Hólmavík og nágrenni inn á nýtt gámasvæði í Skothúsvík fyrir 1. apríl n.k. fá frían flutning. Hægt er að panta flutninginn á skrifstofu Strandabyggðar. Frá og með 1. apríl 2011 hefst innheimta á gjöldum fyrir gáma í Strandabyggð. Árgjald fyrir gáma á gámasvæðinu í Skothúsvík er eftirfarandi:

Gámur 20 fet kr. 6.000

Gámur 40 fet kr. 12.000


Sækja þarf um stöðuleyfi til skrifstofu Strandabyggðar fyrir gáma í Strandabyggð sem standa utan gámasvæðisins í Skothúsvík. Gjald fyrir tímabundin stöðuleyfi gáma á ári:

Gámur 20 fet kr. 14.600 

Gámur 40 fet kr. 24.600

Á gámasvæðinu er ennig hægt að geyma yfirbyggingar á flutningabílum. Umgengisreglur gámasvæðisins í Skothúsvík voru samþykktar í sveitarstjórn Strandabyggðar 1. mars 2011.

Strandamenn og Húnvetningar funda um Byggðasafnið á Reykjum

| 04. mars 2011
Hákarlaskipið Ófeigur.  Ófeigsskáli er fyrsti áfangi Byggðasafnsins á Reykjum sem opnaði 9. júlí 1967. Myndin er fengin að láni hjá Sögusmiðjunni.
Hákarlaskipið Ófeigur. Ófeigsskáli er fyrsti áfangi Byggðasafnsins á Reykjum sem opnaði 9. júlí 1967. Myndin er fengin að láni hjá Sögusmiðjunni.
Héraðsnefnd Strandasýslu fundaði með stjórn Byggðasafnsins á Reykjum og öðrum eigendum þess í Húnaþingi vestra og Austur-Húnavatnssýslu nú í vikunni. Á fundinum fór stjórn safnsins yfir fjárhagslega stöðu þess, menningarlegt hlutverk og möguleika. Á safninu er að finna dýrmætar minjar sem varpa ljósi á sögu samfélaganna við Húnaflóa. Á hverju ári sækja 3500 grunnskólanemendur safnið samhliða veru þeirra í skólabúðum í Reykjaskóla, auk annarra gesta.

Dr. Lára Magnúsardóttir forstöðumaður Rannsókna- og fræðaseturs Háskóla Íslands á Norðurlandi vestra kynnti hugmyndir sínar um uppbyggingu safnsins og svæðisins í kring. Hún hefur ásamt Sigríði Hjaltadóttur stjórnarmanni og starfandi safnstjóra farið yfir rekstrarmöguleika og framtíðarsýn safnsins. Ljóst er að þörf er á viðhaldi á húsnæði byggðasafnsins, aukna þjónustu fyrir gesti og öfluga markaðssetningu.

Fundurinn var haldinn að frumkvæði Héraðsnefndar Strandasýslu sem um þessar mundir fer yfir framtíð nefndarinnar og þau verkefni sem heyra undir hana.  Meðal annarra verkefna má nefna Héraðsbókasafn Strandasýslu, barnaverndarnefnd, almannavarnarnefnd auk hópa og styrktarsjóða. Matthías Lýðsson bóndi og frumkvöðull í Húsavík er fulltrúi Héraðsnefndar Strandasýslu í stjórn Byggðasafnsins á Reykjum.
Eldri færslur

Könnun

Facebook

Atburðadagatal

Næstu atburðir

Vefumsjón