A A A

Valmynd

Fréttir

Skólastarf

Nýr aðstoðarskólastjóri Grunnskólans á Hólmavík

| 20. ágúst 2012
Hulda Ingibjörg Rafnarsdóttir ráðin aðstoðarskólastjóri
Hulda Ingibjörg Rafnarsdóttir ráðin aðstoðarskólastjóri
Gengið hefur verið frá ráðningu Huldu Ingibjargar Rafnarsdóttur í eins árs tímabundið starf aðstoðarskólastjóra við Grunn- og Tónskólann á Hólmavík. Hulda Ingibjörg er fædd árið 1965 og er útskrifaður grunnskólakennari frá Kennaraháskóla Íslands árið 1995. Þá hefur Hulda lokið diplómanámi í Menningarstjórnun frá Háskólanum á Bifröst og hyggst ljúka meistaragráðu í Menningarstjórnun í vor. Hulda hefur einnig lokið námi í kerfisfræði. Hulda hefur víðtæka og fjölbreytta kennslureynslu, nú síðast við Vatnsendaskóla í Kópavogi og áður við kennslu og verkefnastjórn við Háskólann á Bifröst og við grunnskólann Blönduósi. Hulda Ingibjörg hefur störf í dag, mánudaginn 20. ágúst.


Alls bárust átta umsóknir um stöðuna. Um ráðninguna sáu Andrea Kristín Jónsdóttir sveitarstjóri Strandabyggðar, Ingibjörg Benediktsdóttir formaður menntasviðs Strandabyggðar og Hildur Guðjónsdóttir skólastjóri Grunn- og Tónskólans á Hólmavík.

Skólasetning í dag kl. 13:00

| 20. ágúst 2012
Skólasetningin fer fram í Hólmavíkurkirkju - ljósm. ÁJ
Skólasetningin fer fram í Hólmavíkurkirkju - ljósm. ÁJ
Í dag, mánudaginn 20. ágúst kl. 13:00, fer fram í Hólmavíkurkirkju setning Grunn- og Tónskólans á Hólmavík skólaárið 2012-13. Stutt athöfn verður haldin í kirkjunni og að henni lokinni fara nemendur í skólann, hitta kennara sína og fá afhentar stundaskrár, innkaupalista námsgagna, skóladagatal, ýmsar hagnýtar upplýsingar og eyðublöð. 

Hefðbundið skólastarf hefst svo á morgun, þriðjudaginn 21. ágúst, eftir stundaskrá frá kl. 8:10.

Viðtalstími byggingarfulltrúa í dag

| 13. ágúst 2012
Gísli Gunnlaugsson byggingarfulltrúi er með viðtalstíma í dag, 13. ágúst 2012 milli kl. 10:00 - 12:00 í viðtalsherbergi í Hnyðju, Höfðagötu 3, Hólmavík.


Fundur Umhverfis- og skipulagsnefndar verður haldinn síðar í dag eða kl. 16:00 á skrifstofu sveitarstjóra.

Nánari upplýsingar veitir Gísli Gunnlaugsson byggingarfulltrúi í síma 892 3952.

Sveitarstjórnarfundur þriðjudaginn 14. ágúst 2012

| 10. ágúst 2012
Hamingjudagar á Hólmavík 2012. Mynd IV
Hamingjudagar á Hólmavík 2012. Mynd IV
Sveitarstjórnarfundur 1199 í Strandabyggð verður haldinn þriðjudaginn 14. ágúst 2012. Fundurinn verður haldinn í Hnyðju, Höfðagötu 3 og hefst kl. 16:00. Dagskrá fundarins má sjá hér.

Staða stuðningsfulltrúa laus til umsóknar

| 08. ágúst 2012

Grunnskólinn á Hólmavík auglýsir 70% stöðu stuðningsfulltrúa. Vinnutími stuðningsfulltrúa er alla virka daga frá kl. 8:00-13:00 auk þátttöku í starfsmannafundum og sérverkefnum sem tilheyra skólastarfinu. Stuðningsfulltrúi vinnur í teymi með kennurum bekkja, fulltrúa sérkennslu og iðjuþjálfa.

 

Starfsvettvangur stuðningsfulltrúa er inni í bekk og á öðrum starfsstöðum Grunnskólans eða umhverfi hans. Stuðningsfulltrúi er kennara til aðstoðar við að sinna einum eða fleiri nemendum sem þurfa sérstaka aðstoð. Starfið miðar fyrst og fremst að því að auka færni og sjálfstæði nemenda, ásamt því að veita þeim félagslegan  og námslegan stuðning í daglegum athöfnum. Starfið tekur mið af  eintaklingsáætlunum sem hafa það að markmiði að draga smám saman úr þörf nemanda á stuðningi í þeim tilvikum þar sem það er hægt. Laun eru samkvæmt kjarasamningum á almennum vinnumarkaði. Starfstími er frá 20. ágúst 2012 – 31. maí 2013. Frekari upplýsingar veitir Hildur Guðjónsdóttir skólastjóri í s. 661-2010, skolastjorar@holmavik.is

 

Umsóknarfrestur er til og með 14. ágúst 2012 og skilist með tölvupósti á netfangið skolastjorar@holmavik.is eða með pósti á Skólabraut 20, 510 Hólmavík.

Eldri færslur

Könnun

Facebook

Atburðadagatal

Næstu atburðir

Vefumsjón