Á fjölmennum foreldrafundi á Leikskólanum Lækjarbrekku í kvöld var afhjúpaður nýr vefur leikskólans, en hann hefur verið í smíðum undanfarna mánuði. Ingibjörg Alma Benjamínsdóttir leikskólastjóri og Arnar Snæberg Jónsson tómstundafulltrúi settu upp og útbjuggu vefinn, en Snerpa á Ísafirði sá um alla forritun, enda vefurinn settur upp í vefumsjónarkerfinu Snerpli. Hann leysir af hólmi eldri vef sem hýstur var á 123.is kerfinu. Á vefnum eru margskonar upplýsingar um hið fjölbreytta starf sem fram fer hjá starfsfólki og nemendum á Lækjarbrekku. 

Hægt er að skoða vefinn með því að smella hér.

Eins og fram hefur komið á vefnum okkar er von á góðum gestum í heimsókn um næstu helgi. Þá koma þrír Norðmenn frá vinabæjarsveitarfélaginu Hole í Noregi færandi hendi með fallegt jólatré sem verður sett upp á Hólmavík. Norðmennirnir verða á ferðinni dagana 9.-11. desember. Hér með er óskað eftir sjálfboðaliðum sem eru til í að taka þátt í móttökunni, t.d. með því að bjóða gistingu, bjóða í mat, skoðunarferðir eða aðra afþreyingu. Fólkið mun gista tvær nætur og vilja helst gista saman á heimili. Áhugasamir mega hafa samband í s. 865-3838, 451-3510 eða í netfangið salbjorg@holmavik.is.

Leikskólinn Lækjarbrekka auglýsir eftir leikskólakennara/leiðbeinanda í 62,5% starf. Um er að ræða vinnutímann 8:00-13:00. Við leikskólann er unnið metnaðarfullt starf þar sem barnið er í brennidepli. Leitað er eftir öflugum starfskrafti sem hefur gaman af börnum, býr yfir góðri samskiptahæfni og hefur ríka þjónustulund. Einnig er skipulagshæfni og jákvæðni mikilvægur kostur....
Meira

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 628/2012 um úthlutun byggðakvóta til fiskiskipa á fiskveiðiárinu 2012/2013...
Meira

Í dag og á morgun er 9. bekkur  í Grunnskólanum á Hólmavík í starfskynningu víðsvegar um Hólmavík. Þrír piltar völdu að fara í starfskynningu til  Tómstundafulltrúa Strandabyggðar í Þróunarsetrinu. Að sögn Salbjargar Engilbertsdóttur er þetta í fyrsta skipti sem einhver hefur farið á skrifstofu Strandabyggðar í starfskynningu. Þetta voru þeir Ísak Leví, Sigfús Snævar og Guðfinnur Ragnar. Meðal þess sem drengirnir gerðu var að kynnast starfi allra á skrifstofunni nema sveitastjórans, af því að hann var ekki við, Ísak fann framtíðarstarfið sitt í gróðurkortagerð og þeir skrifuðu þessa frétt.