A A A

Valmynd

Fréttir

Skólastarf

Kviss, Búmm, Bang!

| 21. mars 2011
Eva Rún Snorradóttir, Vilborg Ólafsdóttir og Eva Björk Kaaber eru framandverkaflokkurinn Kviss, Búmm, Bang!  Þær verða með opið  hús í Skelinni í kvöld kl. 20.00 og bjóða upp á óvænta uppákomu.  Hér má fræðast um verk þeirra og hugmyndafræði: http://www.kvissbummbang.com/

Sveitarfélagið Strandabyggð styrkir Skelina, lista- og fræðimannadvöl á vegum Þjóðfræðistofu.

Byggingarfulltrúi er viđ í dag

| 21. mars 2011
Gísli Gunnlaugsson, byggingarfulltrúi er með viðtalstíma á skrifstofu Strandabyggðar í dag milli kl. 13:00 - 16:00. Fundur verður haldinn í Byggingar-, umferðar- og skipulagsnefnd kl. 16:00.

Ný gjaldskrá Hólmavíkurhafnar

| 21. mars 2011
Hólmavíkurhöfn. Mynd Jón Jónsson.
Hólmavíkurhöfn. Mynd Jón Jónsson.
Vakin er athygli á að ný gjaldskrá Hólmavíkurhafnar var samþykkt á fundi sveitarstjórnar 8. febrúar s.l. Hún öðlaðist þegar gildi og verður byrjað að innheimta eftir henni 1. apríl n.k. Rukkað verður eftir eldri gjaldskrá fyrir allan febrúarmánuð og nýju gjaldskránni fyrir marsmánuð. Nýja gjaldskráin hefur verið aðengileg á vefsíðu sveitarfélagsins og má sjá hana hér. Í gjaldskránni er boðið upp á nýtt viðlegugjald en þeir bátar sem dveljast lengur í höfninni en 30 daga á ári eiga kost á að greiða það. Í viðlegugjaldi eru innifalin lestargjöld, bryggjugjöld og vatnsgjald.

Ný hafnarreglugerð hefur einnig verið samþykkt fyrir Hólmavíkuhöfn og bíður hún staðfestingar innanríkisráðuneytis.

Hamingjuhlaup á Hamingjudögum

| 21. mars 2011
Hamingjusamir hlaupagikkir. Mynd: Ingimundur Pálsson
Hamingjusamir hlaupagikkir. Mynd: Ingimundur Pálsson

Nú hefur verið staðfest að Hamingjuhlaupið verður haldið í þriðja skipti laugardaginn 2. júlí í sumar. Að vanda er það Stefán Gíslason, hamingjusamur bóndasonur frá Gröf í Bitrufirði, sem stendur fyrir hlaupinu. Hlaupaleiðin að þessu sinni er þannig að lagt verður upp frá Gröf í Bitrufirði, hlaupið norður yfir Bitruháls, fyrir botn Kollafjarðar, upp í Deildarskarð utan við Litla-Fjarðarhorn, yfir Hvalsárdal og að Heydalsá í Steingrímsfirði. Þessi leið er um það bil 32 km. að lengd.

Líklegt er að hlaupið hefjist seinnipart dags og ljúki á hátíðarsvæðinu á Hólmavík um kvöldið, þannig að koma hlauparanna marki opnun á hinu víðfræga tertuhlaðborði Hólmvíkinga á Hamingjudögum. Tímasetningar verða þó betur auglýstar þegar nær dregur.

Fræðast má um Hamingjuhlaupið og fleiri hlaup á hlaupadagskrá Stefáns Gíslasonar í sumar með því að smella hér. Einnig má skoða splunkunýjan vef Hamingjudaga á Hólmavík á slóðinni www.hamingjudagar.is.

Nefndar- og sveitarstjórnarfólk á námskeiđi

| 20. mars 2011
Fulltrúar úr nefndum og sveitarstjórn Strandabyggđar. Mynd IV.
Fulltrúar úr nefndum og sveitarstjórn Strandabyggđar. Mynd IV.

Nýverið var haldið námskeið fyrir nefndar- og sveitarstjórnarfólk í Strandabyggð þar sem farið var yfir fundarsköp, undirbúning undir fundi, ritun fundargerða, tillögugerð og ræðumennsku. Námskeiðshaldari var Sigurður Guðmundsson, landsfulltrúi UMFÍ. Nágrannasveitarfélögum var boðið að vera með á námskeiðinu en veður og slæm færð komu í veg fyrir þátttöku annarra en heimamanna. Á námskeiðinu kom m.a. fram að nefndarfólk óskar eftir frekari upplýsingum um hversu mikið fjármagn er áætlað í hvern málaflokk og að bókanir sveitarstjórnar og nefnda séu bæði hnitmiðaðar og upplýsandi. 

Námskeiðið er hluti af almennri fræðslu fyrir nefndar- og sveitarstjórnarfólk í Strandabyggð en einnig verður boðið upp á námskeið fyrir einstaka nefndir sem og umræðufund með sveitarstjórn Strandabyggðar. Fulltrúar úr Byggingar-, umferðar- og skipulagsnefnd sátu nýverið fjarfund um ný mannvirkjalög en byggingarfulltrúi, Gísli Gunnlaugsson, mun einnig fara yfir lögin með nefndinni á morgun, mánudaginn 21. mars. Þá hefur Velferðarnefnd nýverið setið fjarfund um hlutverk Velferðarnefnda og fyrirhugað er námskeið á vegum Sambands íslenskra sveitarfélaga fyrir skóla- og fræðslunefndir.  

Eftirfarandi nefndir eru starfandi í Strandabyggð:
- Atvinnumála- og hafnarnefnd, formaður Elfa Björk Bragadóttir
- Byggingar-, umferðar- og skipulagsnefnd, formaður Valgeir Örn Kristjánsson
- Fræðslunefnd, formaður Steinunn Þorsteinsdóttir
- Landbúnaðar- og dreifbýlisnefnd, formaður Jón Stefánsson
- Umhverfis- og náttúruverndarnefnd, formaður Sigurður Atlason
- Tómstunda-, íþrótta- og menningarnefnd, formaður Salbjörg Engilbertsdóttir
- Velferðarnefnd, formaður Hrafnhildur Guðbjörnsdóttir.  Velferðarnefndin er sameiginleg nefnd með Árneshreppi, Kaldrananeshreppi, Strandabyggð og Reykhólahreppi.

Eldri fćrslur

Könnun

Facebook

Atburđadagatal

« Júlí 2020 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nćstu atburđir

Vefumsjón