A A A

Valmynd

Fréttir

Skólastarf

100 ára afmćlishátíđ skólahalds á Hólmavík

| 03. júní 2011
100 ára afmćlishátíđ skólahalds á Hólmavík. Myndir SMŢ og IV
100 ára afmćlishátíđ skólahalds á Hólmavík. Myndir SMŢ og IV
« 1 af 16 »

Sveitarfélagið Strandabyggð hélt upp á 100 ára afmælishátíð skólahalds á Hólmavík miðvikudaginn 1. júní. Þann sama dag fóru fram skólaslit við Grunn- og Tónskólann á Hólmavík í Hólmavíkurkirkju þar sem lærdómsríkur skólavetur var kvaddur og vori fagnað í 100 sinn á Hólmavík. Áætla má að ríflega 200 manns hafi komið á afmælishátíðina þar sem haldin voru ávörp, leikskólinn Lækjarbrekka og Grunn- og Tónskólinn voru með tónlistaratriði auk þess sem veislugestir sungu saman 100 ára afmælisöng.

 

Steinunn Ingimundardóttir frá Reykjarfirði við Ísafjarðardjúp afhenti Grunn- og Tónskólanum á Hólmavík og Héraðsbókasafni Strandamanna veglega bókagjöf fyrir hönd fjölskyldu sinnar í tilefni þessara merku tímamóta. Bókagjöfin inniheldur 50 bókatitla á sviði náttúruvísinda  til Grunn- og Tónskólans á Hólmavík og 90 bókatitla til Héraðsbókasafns Strandamanna, og er kærkomin styrkur fyrir nemendur og aðra íbúa í Strandabyggð. Gjöfin er tileinkuð minningu foreldra Steinunnar, Ingimundar Ingimundarsonar og Maríu S. Helgadóttur sem lengi bjuggu á Hólmavík. Sveitarfélagið Strandabyggð sendir Steinunni Ingimundardóttur og fjölskyldur hlýjar þakkir.

 

Þá sýndi Arnar S. Jónsson tómstundafulltrúi Strandabyggðar skemmtileg myndbönd frá lífi og starfi Grunn- og Tónskólans við mikinn fögnuð viðstaddra. Grunn- og Tónskólinn á Hólmavík setti upp glæsilega leiksýningu fyrr í vetur þar sem saga 100 ára skólahalds á Hólmavík var rakin í frumsömdu handriti eftir Arnar S. Jónsson. Sýningin hefur nú verið gefin út á DVD diskum og rennur andvirði sölunnar til leiklistarstarfs í Grunn- og Tónskólanum. Diskinn verður hægt að nálgast á skrifstofu Strandabyggðar í sumar.

 

Sveitarfélagið Strandabyggð þakkar öllum þeim sem komu að veglegri afmælishátíð á Hólmavík og óskar skólahaldi í Strandabyggð farsældar í framtíðinni.

Skrifstofa Strandabyggđar - breytingar á opnunartíma

| 30. maí 2011
Hólmavík. Mynd Jón Jónsson.
Hólmavík. Mynd Jón Jónsson.
Frá og með 1. júní 2011 verður skrifstofa Strandabyggðar opin milli kl. 10:00 - 14:00 í stað 09:30 - 15:00 eins og verið hefur. Þá verður lokað á skrifstofu Strandabyggðar 11. - 22. júlí n.k. vegna sumarfría.

Sveitarstjórnarfundur 1183 verður haldinn á skrifstofu sveitarfélagsins þriðjudaginn 31. maí 2011 og síðasti sveitarstjórnarfundur fyrir sumarfrí, fundur 1184, verður haldinn þriðjudaginn 21. júní 2011. Fundur 1185 verður haldinn þriðjudaginn 9. ágúst 2011.

Hátíđarkaffi í tilefni skólahaldi á Hólmavík í 100 ár

| 30. maí 2011
Skólahald í 100 ár
Skólahald í 100 ár

Sveitarstjórn Strandabyggðar heldur hátíðarkaffi í tilefni af skólahaldi á Hólmavík í 100 ár miðvikudaginn 1. júní. Allir eru hjartanlega velkomnir á viðburðinn sem fer fram í Félagsheimilinu á Hólmavík og hefst hátíðin kl. 17:00. Vonast er til að sem allra flestir fyrrverandi og núverandi starfsmenn og nemendur skólanna á Hólmavík, leikskólans, grunnskólans og tónskólans, mæti á hátíðina og allir íbúar Strandabyggðar eru hvattir til að láta sjá sig. Skólaslit Grunn- og Tónskólans á Hólmavík fara fram sama dag kl. 12:00 í Hólmavíkurkirkju.

Vortónleikar kvennakórsins Norđurljósa

| 27. maí 2011

Kvennakórinn Norðurljós á Hólmavík heldur vortónleika í Hólmavíkurkirkju sunnudaginn 29. maí mæstkomandi og hefjast tónleikarnir kl. 16:00. Efnisskrá tónleikanna er fjölbreytt að vanda. Kórinn mun meðal annars flytja lög eftir Jónas og Jón Múla Árnasyni, Magnús Eiríksson og Guðmund Jónsson sem Kjartan Valdimarsson píanóleikari útsetti sérstaklega fyrir kórinn. Auk þess eru á efnisskránni lög eftir Bubba Morthens, KK, Egil Ólafsson, Trausta Bjarnason og fleiri. Stjórnandi kórsins er Sigríður Óladóttir og undirleikarar eru Viðar Guðmundsson og Gunnlaugur Bjarnason.


Kaffihlaðborð verður í Félagsheimilinu fyrir tónleikagesti að tónleikum loknum. Aðgangseyrir er kr. 2.000.- fyrir fullorðna og 1.000.- fyrir börn 6-14 ára. Athygli er vakin á því að ekki er posi á staðnum.

Áheitasöfnun – Brellurnar hjóla Vestfjarđahringinn

| 24. maí 2011
Brellurnar í startholunum - ljósm. www.facebook.com
Brellurnar í startholunum - ljósm. www.facebook.com
Á sjómannadaginn munu Brellurnar leggja af stað til að hjóla Vestfjarðahringinn sem er um 640 km. Brellurnar er vísun í fjallið fyrir ofan þorpið Patreksfjörð. Brellurnar skipa Björg Sæmundsdóttir, Elín Krístín Einarsdóttir, Halldóra Birna Jónsdóttir, María Ragnarsdóttir, Salóme Þorbjörg Guðmundsdóttir og Sædís Eiríksdóttir sem mun keyra bílinn og leysa af að hjóla....
Meira
Eldri fćrslur

Könnun

Facebook

Atburđadagatal

« Desember 2020 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón