A A A

Valmynd

Fréttir

Skólastarf

Vel sótt Furđufataball á Hamingjudögum

| 05. júlí 2011
Furđuföt og fjör á föstudegi - ljósm. ASJ
Furđuföt og fjör á föstudegi - ljósm. ASJ
« 1 af 5 »

Á föstudagskvöldi á Hamingjudögum var haldið stórskemmtilegt Furðufataball í félagsheimilinu á Hólmavík. Skífuþeytarinn DJ Darri spilaði alla helstu barnaslagarana og sá til þess að börn og fullorðnir gátu dillað sér í gleði og hamingju.

Fjölmargir af yngri kynslóðinni mættu í furðufötum eða búningum sem sýndu fram á fjörugt hugmyndaflug og sköpuðu mikið fjör og stemmningu. Talið er að ríflega 100 manns hafi mætt á ballið og skemmtu allir sér hið besta.

Mjallhvít í glađasólskini

| 05. júlí 2011
Leiksviđ undir berum himni. Myndir IV.
Leiksviđ undir berum himni. Myndir IV.
« 1 af 11 »
Einn af hápunktum Hamingjudaga fjölskyldunnar var þegar leikhópurinn Lotta sýndi Mjallhvíti og dvergana sjö í blíðskaparveðri á Klifstúni á laugardaginn. Fólk á öllum aldri naut sýningarinnar sem var stórskemmtileg og veðurblíðunnar sem var sú besta á Hólmavík á þessu ári. Stemningin var einstök.

Kassabílarallý í brakandi blíđu og sólskini

| 04. júlí 2011
Brakandi blíđa og kassabílar - ljósm. strandir.is
Brakandi blíđa og kassabílar - ljósm. strandir.is
« 1 af 3 »
Einn af þeim atburðum sem eru orðnir ómissandi á Hamingjudögum á Hólmavík er kassabílarallýið. Í ár fór það fram laugardaginn 2. júlí kl. 13:00 á sínum hefðbundna stað á Höfðagötu milli Þróunarsetursins og Galdrasýningarinnar. Fjöldi fólks fylgdist með ungum og öldnum keppa í rallinu og skemmta sér konunglega saman, enda brakandi blíða, sólskin og blankalogn. Fleiri myndir af atburðinum má sjá í þessari frétt á fréttavefnum strandir.is.

Hamingjudagar óska öllum sem kepptu innilega til hamingju!

Hamingjulagiđ hljómađi á Klifstúni

| 03. júlí 2011
Elín Ingimundardóttir og Ađalheiđur Lilja Bjarnadóttir flytja Vornótt á Ströndum. Mynd IV.
Elín Ingimundardóttir og Ađalheiđur Lilja Bjarnadóttir flytja Vornótt á Ströndum. Mynd IV.
Aðalheiður Lilja Bjarnadóttir og Elín Ingimundardóttir fluttu Hamingjulagið 2011 á Klifstúni á Hamingjudögum við fögnuð viðstaddra. Lagið sem vann keppnina í ár heitir Vornótt á Ströndum og er eftir Ásdísi Jónsdóttur sem einnig samdi textann. Fimm önnur lög voru í lagasamkeppninni sem haldin var á Hólmavík 20. maí 2011. Lagið hefur nú verið gefið út á disk og er til sölu víða á Hólmavík, m.a. í Kaupfélaginu og í handverksmarkaði Strandakúnstar á neðstu hæð Þróunarsetursins. Einnig er hægt að panta diska í s. 894-1941.

Hægt er að heyra örstutt sýnishorn af laginu með því að smella hér.

Íslandsmet í planki sett á Hamingjudögum!

| 02. júlí 2011
Sveitarstjórn Strandabyggđar plankar ásamt sveitarstjóra. Myndin er fengin ađ láni af www.strandir.is.
Sveitarstjórn Strandabyggđar plankar ásamt sveitarstjóra. Myndin er fengin ađ láni af www.strandir.is.
« 1 af 4 »
Nokkur vissa er fyrir því að Íslandsmet hafi verið slegið í planki á Hamingjudögum á Hólmavík í gær. Er talið að um fyrsta sveitarstjórnarplank sé að ræða á landinu en sveitarstjórn Strandabyggðar plankaði ásamt sveitarstjóra á Klifstúni eins og meðfylgjandi myndir sýna. Þá var að öllum líkindum slegið Íslandsmet í fjöldaplanki þegar gestir á Hamingjudögum skelltu sér í hópplank að lokinni setningarathöfninni. Gríðarleg góð stemning var á Klifstúni.
Eldri fćrslur

Könnun

Facebook

Atburđadagatal

« Mars 2021 »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Nćstu atburđir

Vefumsjón