A A A

Valmynd

Vikan 7. - 11. janúar

| 11. janúar 2013

Vikan 7. – 11. janúar

Mánudagurinn var með eðlilegu sniði fyrir utan mikla þreytu eftir jólafrí. Í stærðfræði voru nemendur að spila og spjalla um jólafríið. Í ensku var verið að lesa í Action bls. 94-97. Einnig var farið í eintölu og fleirtölu orða. Í íslensku fengu nemendur afhenta kennsluáætlun fyrir lotu 5 í Skerpu og hófu vinnu sína við lotuna. Í seinni stærðfræðitíma dagsins voru nemendur að vinna í hópum þar sem þau áttu að skilgreina hvað undirstöðustærðfræðiaðferðirnar eru og hvaða orð og merki eru notuð fyrir þau. Í náttúrufræði var kafli 4 kláraður. Við áttum eftir síðustu tvo undirkaflana í kafla 4.

Á þriðjudeginum var verið að vinna í bls. 14- 36 í Landafræði handa unglingum. Í dönsku var unnið í vinnubók að markmiðum vikunnar sem voru að klára niður bls. 34. Í íslensku unnu nemendur áfram í lotu 5 í Skerpu. Í stærðfræði kláruðu nemendur að gera veggspjald með niðurstöðum hópavinnunnar frá deginum áður. Í íþróttum var verið í fótbolta og skotbolta.

Á miðvikudag var stærðfræði og upplýsingatækni þar sem nemendur voru að vinna að markmiðum sínum í stærðfræði og að upplýsingastreymi í upplýsingatækni. Þetta sama á síðan við fyrir seinni tvo tímana í  þessum fögum. Eftir hádegi var náttúrufræði þar sem við vorum að skoða í smásjá blóðið úr okkur sjálfum.

Á fimmtudag var danska í fyrsta tíma þar sem nemendur unnu að markmiðum vikunnar. Í kennslustund tvo var tjáning. Í þriðja og fjórða tíma var samfélagsfræði þar sem nemendur fóru í spurningakeppni úr efni kaflans sem verður prófað úr. Á bekkjarfundi vorum við að spjalla um daginn og veginn. Í íslensku héldu nemendur áfram að vinna í lotu 5. Í íþróttum var verið að undirbúa íþróttahátíð.

Á föstudag var byrjað í íslensku og þar eru nemendur að vinna vel að markmiðum í lotu 5. Í ensku var unnið að því að klára markmið vikunnar og endað á hlustun. Í dönsku var unnið að því að klára markmið vikunnar og það tókst hjá öllum. Í ensku var ritunaræfing eftir upplestri og í lok tímans var sagnapróf.

Takk fyrir góða viku og hafið það gott um helgina.

Kveðja Ása  

Bekkjavefir

Atburđadagatal

« Apríl 2019 »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nćstu atburđir